انا مسافر لاول مره بلد عربية لاعمل بها ومده سفري كبيره يمكن أن تتجاوز السنه وأريد ان اجمع كافه المعلومات لكي أترك ذكري لاهلي وزوجتي حتي لا يتمكن منهم الشعور باليأس بفقدان ابنهم وغيابه عنهم
السلام عليكم ورحمه الله وبركاته يعني اولا ان شاء الله ربنا يوفقك في عملك وسفرك وتلاقي كل خير فيه وربنا يعني يرزقك باولادك وزوجتك ووالدتك. وتكون ان شاء الله خطوه كويسه. جميل سؤالك انك يعني مهتم اوي انك يعني ما تسيبش نفوسهم اثر سيء بسبب السفر ممكن يكونوا هم معتمدين عليك بشكل كبير مرتبطين بتواجدك وبالوقت اللي بتقضوه مع بعض وده شيء جميل جدا خلينا نقول شويه حاجات كده الحمد لله انه دائما في وسيله تواصل نقدر نوصل بها لبعض الحمد لله انه حاليا في الزمن اللي احنا فيه الوسائل دي بقت يعني اقرب للتواجد الحقيقي ممكن زمان كانوا الناس بيحاولوا ان هم يحسوا إن هم مش في غربه او مش بعيده عن بعض للدرجه دي بانه لو متاح الجوابات بيبعتوا جوابات حتى لو بتوصل بعد مده كانوا بيبعتوا شرايط عشان يفضل الصوت بيوصل كانوا بيسجلوا لنفسهم فيديو لو ده متاح يعني اللي كان متاح تحت ايديهم علشان. يوصلوا اقرب الصور لبعض كانوا بيعملوا كده فخلينا نقول ان احنا نعتمد على نفس الفكره. انت هتبقى يعني مهتم جدا انك تعيش يومك معاهم زي ما انت فلما تصحى الصبح زوجتك هتكون عارفه انت يومك بيبدأ ازاي الصبح هتصبح عليها الصبح انت هتبقى عارف يومها بيبدأ امتى وهتهتم ان هي اول ما تصحى انت تكلمها مثلا تسمع صوتها تعرف هي وراها ايه النهارده هتعمل ايه لو محتاجه حاجه تقول لك عليها تتابعها على قد ما تقدر طبعا على حسب طبيعه شغلك هناك وموعد الدوام بتاعك هتقدر ترتب ده بشكل ما انك يعني على فترات متفرقه من اليوم لحد ما تنتهي من الشغل بتاعك تقدر انك تتواصل معاها وتعرف اخبارها ايه في وسط اليوم بحيث ان هي ما توصلش لدرجه ان هي تفتقدك طبعا هي هتفتقد كده كده وجودك الفعلي قدامها جنبها ولكن على قد ما نقدر إن احنا هنخلي الجزء المفتقد هو اقل جزء. بالنسبه لوالدتك برضه هتعمل معاها نفس الموضوع على القدر اللي انت كنت برضه موجود حواليها فيه وانت عايش معاهم عادي هتعمل معاها نفس الموضوع لو انت كانت هي بتشوفك كل اسبوع مره فانت تهتم انك مثلا تكلمها هي شخصيا فيديو كول مره في الاسبوع او تخليهم كمان مرتين هتهتم إنك لما لما تكون زوجتك موجوده هناك عندها تقول لها هاتي اكلم ماما خليني اكلمكم كلكم مع بعض في نفس الفيديو وهكذا. لو بقى يعني زوجتك او والدتك يعني كان في على عاتقك مسؤوليات انت اللي بتعملها ليهم هم يعني كلية معتمدين عليك فانت قبل ما تسافر ضروري تكون مامن لهم انه الامور دي يكون لها طريقه وهما ما يبقوش شايلين همها انه هتبقى دي حاجه مرميه عليهم يعني مثلا لو كنت انت مثلا اللي بتقابل المحصل بتاع الكهرباء علشان تدفع فاتوره الكهرباء. بدل ما يبقى هي خلاص زوجتك تبقى شايفه انه لا انا كده هضطر انا اللي اقابل الراجل وانا ما احبش ان انا اقابل الراجل وادفع الوصلات بنفسي فانت ممكن تقول لها خلاص الكهربا دي انا هخلي شخص ثاني يا نوب عني وهو هيتابعني وصلات الكهرباء وهيدفعها وانا هبعت له الفلوس او انا هدفعها اونلاين انا هاشوف الطريقه اللي بتتدفع بيها اون لاين وهتدفعها اونلاين وانا موجود هناك او هخليك انت تدفعيها عن طريق فوري او حاجه عشان ما تضطريش انك تتعاملي معاه المحصل ده مثال لو انت اللي كنت بتجيب طلبات البيت يبقى اتفق لهم مع حد انه خلاص انا اتفقت مع الشخص ده او اتفقت معاه الست بتاعت الخضار اللي هتبعت لكم كل حاجاتكم وانتم موجودين كأن انا جبتها لكم بالضبط وما تقلقوش خالص وما تشيلوش هم دي هتبقى حاجه كويسه جدا جدا وهتفرق جدا انك تعملها انا بس قلت لك شويه امثله انت أدرى بتفاصيل حياتك انت وزوجتك ووالدتك بس الحاجات دي هتفرق معاهم جدا ويعني هتحسسهم بالامان بشكل كبير لو عملت لفتة لطيفة مع زوجتك
تم النشر الاثنين، ٤ أغسطس ٢٠٢٥
وسائل التواصل سهلت الدنيا خالص ممكن تفضل متواصل معاهم 24 ساعه كانك عايش معاهم/ طبعا اون لاين مختلف عن التواصل الفعلى بالنسبه ليك وليهم بس القصد ان دا يخفف الامور شويه/ للسفر والغربه ضريبه وتمن اكيد بس الواحد بيحاول بقلل الاضرار على قد ما تقدر/ النصيحه الاساسيه انك تدعوا دعاء السفر وتدعوا الله ان يفتح بيتك وبين اللى شغال معاهم وان يرزقك خير البلد دى ويكفيك شهرها/ ونركز فى شغلك ولا تصاحب الا الصحبه الطيبه لانك هتقابل هناك بشر من كل صنف /تصبر نفسك واهلك بانك تفكر انك تركت الاهل والبلد سعيا ورا اكل العيش وهتتحملوا المشاق عشان الامور تتحسن/ بالتوفيق.
تم النشر الاثنين، ٤ أغسطس ٢٠٢٥
مرحبًا بك يا صديقي، أفهم تمامًا أن سفرك الطويل لأول مرة إلى بلد عربي جديد والعمل فيه لمدة قد تتجاوز السنة يحمل تحديات كبيرة، ويزيد من المسؤولية على عاتقك تجاه نفسك وأحبائك. أقدر رغبتك في أن تترك أثرًا إيجابيًا وذكرى طيبة لدى عائلتك وزوجتك، وأن تحميهم من شعور الضعف أو اليأس بسبب غيابك. هذا دليل على حبك الكبير وإخلاصك لهم. إليك نصائح قوية ومهمة تلهمك القوة وتساعدك على تجاوز هذه المرحلة بنجاح: وضّح هدفك ومهمتك لنفسك ولهم قبل السفر ، اجلس مع نفسك وفكر في الهدف الكبير من هذه التجربة: تحسين حياتكم، توفير مستقبل أفضل لأهلك وزوجتك. عندما تتحول التحديات إلى مهمة واضحة فإنك تستمد منها قوة وصبر. كن صادقًا ومنفتحًا مع عائلتك وزوجتك أخبرهم بمشاعرك، طموحاتك، وتحدياتك، واطلب منهم أن يكونوا شركاء في هذه الرحلة بدعمهم وتشجيعهم. التواصل المنتظم والمفتوح يقلل الشعور بالفراغ والقلق. احرص على التواصل المستمر معهم استغل التكنولوجيا: مكالمات الفيديو، الرسائل اليومية أو حتى المفاجآت الصغيرة عبر البريد الإلكتروني أو الرسائل، لتشعرهم بك وبقربك حتى وأنت بعيد. خصص وقتًا لنفسك من المهم أن تهتم بنفسك روحيًا وجسديًا، فتناول طعامك جيدًا، وانم كفايتك، وخصص وقتًا للعبادة والدعاء. هذه العوامل تقوي النفس وتمنحك ثبات القلب. دوّن تجاربك وذكرياتك سواء كان عبر كتابة يوميات، تسجيل صوتي، أو فيديو، فهذا يساعدك على توثيق رحلتك ويمنحك وعائلتك شعور بأنك قريب منهم دائمًا. ضع خطط لمرحلة ما بعد السفر التخطيط للقاءاتكم المقبلة، وكيف ستعوض غيابك يعزز التفاؤل ويخفف المشاعر الصعبة. لا تنسَ الدعاء ادع الله بالثبات والتوفيق لك ولعائلتك، وادع لهم بالسكينة والصبر. ذكر الله هو ملجأ القلب وروحه. أتمنى أن تجد بين هذه النصائح ما يشدك ويضيء طريقك خلال هذه الفترة، واعلم أن السفر والعمل للرزق طاعة ومصدر بركة بإذن الله. وإذا أردت، يمكنك متابعة المزيد من الأسئلة والتجارب في تطبيق فدني، كما أن في قسم الخبراء من يقدمون لك استشارات متخصصة. هل تود مني مساعدتك في جمع معلومات محددة عن البلد الذي ستسافر إليه أو كيفية التعامل مع بعض التحديات هناك؟ ذكية هنا دائمًا لدعمك.
تم النشر الأحد، ٣ أغسطس ٢٠٢٥
دئما اجعلهم يذكرون الله ويصلون واكبر ذكري لهم هيا ان تقربهم لله وتحبهم
تم النشر الاثنين، ١١ أغسطس ٢٠٢٥
يعم ان تيسرت وسافرت فالموضوع سهل .. كل يوم ارسل لهم رسالة واتس / وإن شاء الله امورك في السليم وتروح دولة آمنة
تم النشر الأربعاء، ٦ أغسطس ٢٠٢٥
لعرض السؤال في فدني اضغط هنا