انا بنت في تانيه اعدادي واتعرفت على بنت وانا في اولى اعدادي في المدرسه وبقانا انا وهي اصحاب اوي بس المشكله ان انا وهي مش شبه بعض في حاجه يعني انا اوتاكو و بحب الانمي والحجات دي وهي ارمي و يتحب الكيبوب والكورين دراما وكده، انا مكنش عندي مشكله و بالعكس انا كنت شايفه الحاجه دي حلوة، انا وهي كنا نعتبر بستيز، بس دلوقتي قريبتي هتزور المدرسه كزيارة وانا خايفه ان هم الاتنين يبقوا اصحاب و صحبتي تسيبني علشان قربتي تعتبر بتحب الكيبوب و الكورين دراما وانا مش عارفه اعمل واللي قلقني اكتر ان هي بقت دايما بتسألني عنها، انا مش عارفه اعتبرها صحبتي المقربه ولا زي اي صاحبه عاديه عادي
طب ليه متفكريش تبقوا صحاب انتم التلاته؟ لازم تبقى عارفه انكم صحاب مش عشان بينكم حاجات مشتركه زي حبكم لفرقه معينه أو نوع من الإنمي او كل دا.. الصداقة بتكون مبنيه على حاجات تانيه كتير وأكيد إنتي بتحبيها لشخصها وهي كمان .. مش معنى انكم صحاب إنها ممنوع تتعرف على أي حد تاني والعكس .. من حق كل واحده فيكم إنها تتعرف على صحاب عادي من كل مكان وممكن يكون بينكم صحاب مشتركه زي قريبتك ودي حاجه حلوة مش وحشه زي ما انتي متصوره ممكن تعرفيني ليه قلقانه يكونوا صحاب؟ هل حاسه انهم لو بقوا صحاب هيبعدوا عنك؟ طب ليه مش العكس قربيهم من بعض وقربي منهم وانتي دايما عامل مشترك .. لا قريبتك هتنساكي ولا صاحبتك من المدرسه هتنساكي ولا هتتغير معاكي عشان عرفت حد غيرك ولو دا حصل يبقى هي زميله مش صديقه ووقتها مش لازم تتضايقي حتى لانك هتكوني عرفتي مكانتها
تم النشر الثلاثاء، ٥ مارس ٢٠٢٤
لعرض السؤال في فدني اضغط هنا