نفسي ابطل تفكير في كل الناس دايما بخاف علي زعل اي حد ومحدش بيخاف علي زعلي وحته مش بيحسوا اني زعلانه ولا لا حتي اهلي ومبقاش عندي ثقه في نفسي دائما الكل شايفني وحشه عشان انا جسمي مليان شويه دائما يققله من ثقتي في نفسي ومش عارفه اعمل ايه
ما يهمكش اي حد ارضي ربنا عز جل وبر ابوك وامك احترم كل الناس لكن ما تخليش التفكير فيهم يشغل حياتك وسيبك. من الوسوسه
تم النشر الخميس، ١٠ أغسطس ٢٠٢٣
بصي دائما لما بتحسي انك بتخافي ان حد يزعل او بتفكري بالناس اقلبي العدسة وبصي على نفسك يعني مثلا لو بتقولي لنفسك هو فلان زعلان مني هو الشخص دا مبسوط؟ اقلبي العدسة وقولي السؤال دا لنفسك هل انا مبسوطة وكدا يعني , تابعي حاجه مفيدة طوري من نفسك لان هذا بيخلي تركيزك عليكي انتي مش على الناس وبالنسبة لجسمك ف حتى لو ناس بتشوفه وحش مش ضروري تلبسي نفس النضاره وتشوفيه وحش زيهم الحمدلله على العافيه مش ضروري تكوني نحيفهه جدا عشان ترضي الناس بالعكس دا انتي المفروض تكوني ممتنة لجسمك لانه بيساعدك تمشي وتتحركي وتعملي حاجات كتييرة عيرك محروم منها
تم النشر الجمعة، ١١ يوليو ٢٠٢٥
علشان انتي بتبقى متوقعة اشياء كتير من اللي قدامك .. ولما توقعاتك في الاشخاص ديه تنزل ف الارض ومحدش يحقق ليكي التوقعات اللي انتي عملاها للاسف بيحصل اللي انتي فيه دلوقت. علشان كده لازم منعملش توقعات للاشخاص ولا بالحلو ولا بالوحش .. يعني ايه؟ يعني اتعامل مع الاشخاص بالواقع اللي هما عليه، مش بالتوقعات اللي انا عملاها ليهم. هل بيتريقوا عليكي وع جسمك ؟ ولا انتي شايفة نفسك وحشة من نفسك؟
تم النشر الأربعاء، ٩ أغسطس ٢٠٢٣
متركزيش غير ف سعادتك وبس وحاولي تنظمي امور حياتك وتشغلي نفسك بالمفيد واشتغلي او ذاكري وانتي هتلاقي نفسك اتحسنتي ومبقاش يهمك زعل او اراء الناس عنك وربنا يسعدك
تم النشر الأربعاء، ٩ أغسطس ٢٠٢٣
اولا انا اسفة على هذه الجملة اذا احرجتك و لكن اعتقد عندك عقدة النقص انت لست خائفة من ازعاج الاخر و لكن سوء تقديرك لنفسك خلاك تحسي ان الاخرين احسن منك فكل شيء و اي شي متعلق فيك مشاعر مثلا ليس له اهمية و هنا تضغطي على نفسك حتى ترضي الاخر كما لو ارضاءهم هيعطيك قيمة .. الحل ياةعزيزتي كل يوم لازم تراجعي النقط يلي انت تحسي فيها بالنقص و تتصالحي معها كل واحد فينا عندو نقص فينا سواء فيزيائي او عقلي و لكنا بنتصالح معه و نصير نفتخر فيه
تم النشر الخميس، ١٠ أغسطس ٢٠٢٣
يا حبيبتي، أنا متأكدة إنك مش وحشة ولا عندك نقص. كلنا بنغلط وبنزعل بعض احيانًا، ده طبيعي. بس مش معنى كده انك وحشة او مش تستاهلي المعاملة الكويسة. اعرفي ان ليكي قيمة كبيرة قوي كإنسانة، مهما عمل فيكي الناس. ركزي على الاشياء الحلوة اللي جواكي - طيبة قلبك، ذكائك، ابتسامتك. دي الحاجات اللي بتخليكي إنسانة مميزة. وصدقيني الناس اللي بيحبوكي بجد هيقدروا ده وهيحسوا بيكي. متسمعيش كلام يجرحك، واعرفي انك انسانة ذات قيمة كبيرة. ربنا معاكي يا قمر.
تم النشر الأربعاء، ٩ أغسطس ٢٠٢٣
يا حبيبتي، انا فاهمه مشاعرك دي وعارفه انها بتوجع. بس لازم تعرفي إن محدش كامل، وكل الناس بتغلط. المهم إنك تحبي نفسك وتقبليها زي ما هي. متسمعيش كلام الناس ومتخليش حد يقلل من قيمتك. أنتي إنسانة مميزة بجمالك وشخصيتك. ابتسمي وكوني واثقة في نفسك. ربنا معاكي.
تم النشر الأربعاء، ٩ أغسطس ٢٠٢٣
أنا دائما حاسه اني عندي نقص نفسي الأخلاقي حد يسمعني عارفه من كتر أما بعرف ناس بتيجي عليا حتي اهلي بيجوا عليا تعرفي من كتر أما زهقت بقين ابحث عن ازاي اكتئب أنا مش عارفه ليه بيعملوا معايا كده هو أنا وحشه لدرجه دي
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا