انا فى كلية تمريض وداخل متأخر وفايتني كتير ومش عارف اذاكر ازاى او ابدأ منين والم كل اللى فاتني ازاى ومحتاج حد يساعدني
وورايا ميدترم اول الاسبوع الجاي
ياريت حد يرد بسرعه
السلام عليكم، إن شاء الله الأعضاء اللي بيدرسوا تمريض هنا يفيدوك بإجابات متخصصة أكتر. فأنا هنصحك عمومًا، ابدأ من دلوقتي ومش لازم تكون البداية ممتازة، لأنك لو فضلت واقف بتفكر تبدأ إزاي ومنين وهتلم المتراكم كله إزاي، طيب واللي اتشرح وفاتك، هتفضل تفكر وتحس بيأس وخلاص. فأنت الأول استعن بالله وجدد نيتك من الدراسة. رتب أفكارك والمواد اللي عندك وحاول تعمل خطة مرنة، تشوف أكتر أوقات بتكون فيها نشط وبتستوعب. مش شرط تفضل ساعات تذاكر، شوف فيديوهات (ذاكر أقل ذاكر بذكاء) هتلاقي فيها طرق مذاكرة إن شاء الله تناسبك حاجة منها وتوفر عليك وقت وجهد. بالنسبة للمواد اللي فاتتك، فشوف لو فيه جروب الدفعة بينزلوا شروحات للمحاضرات أو ملخصات. والانترنت دلوقتي فيه كل حاجة، هتلاقي قنوات كتير على يوتيوب خاصة بالتمريض فابحث عن المادة اللي عاوز شرحها وإن شاء الله تلاقي لها شرح. كمان فيه قنوات على تليجرام وجروبات فيسبوك. ممكن كمان تبحث عن الجزئية اللي مش فاهمها... لو الإنجليزي بتاعك كويس هتلاقي فيديوهات أجنبية تفيدك، ممكن تستخدم شات GPT بس اختار خاصية البحث على الإنترنت عشان يجيب لك مصادر معتمدة وراجع المصادر، اطلب منه يبسط لك المعلومة لو ملقتش شرح على يوتيوب. ** يعني باختصار، انس خالص طريقة الدراسة في المدارس وإن المدرس هو اللي يلقننا المعلومات... الكلية نظام مختلف. اتعلم انت تبحث عن المعلومة بنفسك، وأنصحك تشوف في أي وقت فاضي كورس (تعلم كيف تتعلم) أو تلخيص له... هيفرق معك كتير في التعلم الذاتي. بالتوفيق إن شاء الله.
تم النشر الثلاثاء، ٢١ أكتوبر ٢٠٢٥
أهلاً بك، أنا ذكية، وسعيدة بتواصلك معي. أولاً، أريد أقول لك: لا تقلق كثيراً، الوضع ممكن يتحسن بخطوات منظمة، وراح أساعدك تخطط. بما إن عندك ميدترم الأسبوع الجاي، ومر عليك وقت كبير فاتت فيه المحاضرات والدروس، هذا ما أقترحه عليك: حدد أولوياتك: ركز في البداية على أهم المواد التي ستشملها الامتحانات خلال الميدترم. مو لازم تحاول تذاكر كل شيء، لكن ركز على الأساسيات التي ستفيدك في الامتحان. اجمع المصادر: حاول تحصل على محاضرات زملائك، أو ملاحظات من الانترنت، أو حتى فيديوهات تعليمية مختصرة في مواضيع التمريض التي تدرسها. مصادر مختصرة ومرتبطة بالمقرر تسهل عليك فهم المادة بسرعة. قسم الوقت بذكاء: رتب جدول مذاكرة يومي، مثلاً: الصبح: مادة 1 بعد الظهر: مادة 2 قبل النوم: مراجعة ما ذاكرتها لا تزيد وقت المذاكرة على 2-3 ساعات في اليوم، لكن اجعلها مركزة. ابدأ بالمادة الأسهل: ذلك سيعطيك ثقة بنفسك ويحسس أنك تحقق تقدم، وبعدها انتقل للمادة الأصعب تدريجياً. لا تكتفي بالمذاكرة فقط: حاول تحل أسئلة من الامتحانات السابقة أو الأسئلة الشائعة، لأن التمريض يتطلب فهم التطبيق وليس فقط الحفظ. تواصل مع الزملاء: اطلب منهم يساعدوك في شرح النقاط الصعبة أو يشاركوا معك ملخصاتهم. ممكن كمان تتابع خبراء في التمريض على مواقع تعليمية أو حتى على فدني، للاستفادة من نصائحهم. حافظ على نفسك: رغم الضغط لا تهمل النوم أو الأكل الصحي، لأن الطاقة والتركيز مهمين جداً. أنا معاك خطوة بخطوة، ولو تحب أساعدك بتقسيم المنهج أو أزودك بمصادر تعليمية، فقط أخبرني. ولا تنسى إنك تراجع على الموقع فدني أسئلة مشابهة لموضوعك، وربما تجد نصائح وتجارب مفيدة من طلاب تمريض آخرين. بالتوفيق وأنت قدها! وإذا احتجت دعم أكثر، تواصل معي بأي وقت.
تم النشر الثلاثاء، ٢١ أكتوبر ٢٠٢٥
ابدأ من دلوقتى هتلاقى الدنيا سهله بس اهم حاجه ابدا وكمل انا تمريض بردو ومبداتش من الاول والحمد لله متخرجة بتقدير امتياز فابدأ ومتقلقش سيب كل حاجه على ربنا بس ابدأ جد ومتكسلش وحاول تنجز وبإذن الله هتخلص وهتلحق
تم النشر الثلاثاء، ٢١ أكتوبر ٢٠٢٥
رد حضرتك عجبني وحسيت ان اداني دافع اصلا ان اكمل واحاول اكتر من الاول هو انا كنت محتاج حد يساعدني ان اعمل كدا بس انت ساعدتني بطريقه مختلفه تماما
تم النشر الثلاثاء، ٢١ أكتوبر ٢٠٢٥
فهمك لأسباب حرصك على المذاكرة ابتداءا قد يكون حلا بذاته .. أقصد لماذا أصلا تريد ذلك ؟ لمذا تريد المذاكرة ولم المنهج وإدراك ما فاتك ؟ وهل الأسباب تستحق ؟ .. ما المشكلة أصلا إن لم تفعل ذلك ؟
تم النشر الثلاثاء، ٢١ أكتوبر ٢٠٢٥
فى حاجات كتير واقفه معايا اتشرحت ليهم وانا مش لاقي حد اسألو فيها حتى جيت اسأل الدكتور قال مش ذنبي انك مجتش من الاول
تم النشر الثلاثاء، ٢١ أكتوبر ٢٠٢٥
أتفهم .. نصيحتي لتفسي ولك .. ركز على الأسباب أكثر من تركيزك على الحلول واستمع لقبك .. تحتاج لعزلة .. لا تخالف قلبك .. سيرشدك بحول الله إلى أمور صعب يرشدك إليها شيخ أو داعية أو حتى طبيب نفسي .. اعتني بقلبك .. اعتني بقلبك .. أيضا وددت لو ساعدتك أكثر بالانضمام لحلقة قرآن بدون أي مقابل مادي .. وآمل أن لا يكون هذا فيه مخالفة لقوانين المنصة ..
تم النشر الثلاثاء، ٢١ أكتوبر ٢٠٢٥
لعرض السؤال في فدني اضغط هنا