انا عندي مشكله في فقدان الشغف تجاه اللي حواليا ودي حاجه مش بايدي نهائي،
اول نقطة كان عندي واحدة صاحبتي عشرة سنين طويلة وليها مواقف كتير كويسه مش هنسهالها ابدا، لكن المشكلة كانت ف انها بتحاول تخليني معاها هي بس الاول كنت بقول دي غيرة صحاب عادي بعدين لقيت الموضوع بقا اوفر واللي كان مصبرني وقفتها جنبي ومش بس دا السبب فاني عايزه ابعد عنها.
بعدين اخر م تعبت بدأت بالسكوت هي تتكلم وانا ارد ع قد الكلام واهرب منها وهي فهمت اني عايزه ابعد بس مفهمتش اي السبب او عملت نفسها مش فاهمه معرفش، هي كانت شايفه ان الموضوع عادي بالنسبالي ومش فارقه وانا مش بحب ابرر او اوضح كل حاجه لاي حد وخلاص فسكت وسبتها تفكر اللي تفكره وبعدنا نهائي وانا الحقيقة في راحة بعيد عنها صحيح بحن لايام زمان بس انا لو فضلت معاها نفسيتي هتتعب اكتر من م هي تعبانه
بس احيانا بجلد ذاتي واقول اني قلابه وبياعه ومش ببص غير لمصلحتي ومش باصه لمشاعر اللي حواليا دا غير ان مشاعري بجد مش بقدر اتحكم فيها فجأة احب فجأة انفر ايوا عمري موصلت اني اكره حد لكن بنفر جدا.
النقطة التانيه صادقت واحدة سوشيال اصغر مني هي بجد طيبة ومحترمه وفضلنا فترة كبيرة قريبين من بعض وبنفهم بعض لكن بعدين بدأت افقد بردو مشاعري ناحيتها لكذا سبب منهم ان في بعض الحاجات هي بتعملها مش ف شخصيتي ومش بحبها وبتخليني ابعد بجد عن اللي بيعملها انا متضايقه من نفسي بسبب حوار المشاعر دا بس بجد مش بايدي انا
تعبت وبطلت اعمل صحاب غير اني اصلا حاسه ان محدش حابب يصاحبني وفدي بصراحه عندهم حق عشان انا اساسا مش عارفه اتعامل.
اعمل اي 💔
مقدرة طبعا ان الامور ديه صعبة بالنسبالك دلوقت، بس صدقيني الموضوع بسيط .. اول حاجه بالنسبة لصاحبتك الاولى، انتي بس غلطانه في حاجه واحدة بس في الموضوع انك مقولتيش انك هتبعدي او مقولتيش انك مضايقة في كذا او كذا .. اي علاقة انتي بتدخلي فيها من حقك انك تمشي طبعا .. يعني مثلا العلاقة الاولى انتي لقيتي نفسك مش حابه العلاقة ديه لاسباب معينة تخصك ... كذا وكذا .. الخ طبعا من حقك تمشي .. بس كان المفروض تقولي للشخص ده انك مضايقة منه في الحاجات ديه ومش مرتاحة في العللاقة ديه .. وتمشي. كده انتي هتبقى مش غلطانه في حاجه ... ولا هتحسي باحساس جلد الذات اللي انتي حاسه بيه دلوقت. بالنسبة برضه للموضوع التاني ... شئ طبيعي انك برضه تبعدي علشان تلاقي حاجات انتي مش حباها .. بس برضه تقولي ده .. تقولي لصاحبه الشأن انا مضايقة منك في كذا وكذا .. ومش مرتاحة وتبعدي زي ما انتي عايزة ...
تم النشر السبت، ٦ مايو ٢٠٢٣
مبدأيا كده الكلام ده اللي بقوله ده وجهة نظري الشخصية و اتمنى تكون صح . انا شايف إن أي حاجه لو زادت عن حدها فهي وحشة مهما كانت ده شئ جميل حتى العبادات اللي تزيد لدرجة أنها تلهيك عن دنيتك فده شئ مش حلو و الله اعلم. بالنسبة لمشكلتك فأنا شايف انك شخصيه واعية و ادراكك عالي بانك قدرتي تقولي انك عندك الي حد ما نقص شغف و صبر و قرارات مش صحيحة اوي و طبعا معاكي حق انك تزهقي من اللي حواليكي و ده كله وارد بس الغلط انك تقطعي علاقتك بالشخص . الموضوع ابسط بكتير من كده يعني انتي ممكن تقللي خروجك شويه أو الوقت اللي بتقضيه معاها و كده او ع الأقل تقوليها انا تعبانة شوية و محتاجة اقعد مع نفسي شوية و اكيد هي هتتقبل ده بصدر رحب أما بصورة مباشرة انقطاع كده و جفاء ده مش حلو خالص خالص و الله اعلم برده .
تم النشر السبت، ٦ مايو ٢٠٢٣
لعرض السؤال في فدني اضغط هنا