السلام عليكم ورحمة الله وبركاته
عندي قرار داخلي جاي من قناعة دينيه
وهو إني أتزوج بدري بعد ثانوي وبالنسبه للجامعه تكون حاجه إضافية في حياتي ، (مش كل حياتي)
علشان شايفه إنها عبارة عن اختلاط بدون حاجه + خروج من البيت كتير وده منافي للقرار في البيت وعدم الاختلاط إلّا للضروره
ليه كل ما حد يعرف حاجه بسيطه عن رغبتي دي يحسسني إني غريبه والتفكير ده جهل ،حتى أمي دايمًا كلامها عبارة عن نصح لي إني أتزوج بعد ما أخلص تعليمي كله ، وأصلًا التعليم الأكاديمي ده مش فارق معايا وشايفه إني في كل الأحوال المفروض يكون حد مسئول عني وعن مصاريفي مش أنا اللي مسئوله عن ده وفي نفس الوقت خايفه إن الزواج يطلع مش زي ما أنا متخيله @. .
عليكم السلام ورحمة الله وبركاته ، اثبتي على هذا ولا تلتفتي للناس لأن الناس تتبع الأعراف والمشهور بغض النظر عن مدى صحته ، الامر الآخر : هناك فترة خطبة تتكشف فيها خباية الشخص غالبا لكن هناك متطلبات اساسية ان يكون صاحب دين الصلاة عنده اهم من والده وللده استكشفي العقائد هل ينكر شيء من الدين هل لديه اعتراض على شي من القرآن كيف علاقته بالقرآن وإلخ كل شيء يتبين في فترة الخطبة، والأفضل ان يكون طالب علم شرعي على اعتقاد اهل السنة والجماعة والله المستعان يعني اختصارا لاتلتفتي واسألي الله الزوج الصالح اذا جاء من ترضي دينه وخلقه فتوكلي على الله.
تم النشر الاثنين، ٦ يوليو ٢٠٢٦
وعليكم السلام ورحمة الله وبركاته، قرارك مش صح أولًا التعليم مش بينفي الزواج يعني ممكن تتزوجي عادي جدًا وأنتِ في الكلية وتكملي تعليمك وتقعدي في البيت فين المشكلة هنا! الفكرة أنتِ بتفكري في حاجة وقتها مجاش، كملي تعليمك عشانك وعشان صدقيني الشهادة هتنفعك في حاجات كتير جدًا مستقبلًا مش معنى إنك متعلمة يبقى تشتغلي وتصرفي وتختلطي بـ رجال لا يا غالية مش كدا التعليم دا حاجة كبيرة جدًا وليكِ أنتِ في النهاية وخاصةً لو عايزة تصنعي أطفال مُتأصلة وكمان ممكن تفكري مجال هادي، وفترة الجامعة هضيفلك حاجات كتير جدًا مش هتتعليمها وحدك، دا غير إنك ممكن تشتغلي من البيت لو حبيتي مستقبلًا
تم النشر الاثنين، ٦ يوليو ٢٠٢٦
عامةً دي وجهة نظري وكمان نصيحة من أخت ليكِ بتقولك قدامك وقت والشهادة مهمة حتى لو أنتِ شايفة إنها مش مهمة هي في المجتمع مهمة خاصةً الزمن غير الزمن، وعلى فكرة لما تكبري تفكيرك هيختلف وهتلاقي قرار فيه تسـرع...وغير ناضج ومش في صالحك، وهكرر تاني مش معنى أنك تتعلمي وتأخدي شهادة يبقى تشتغلي ويكون في إختلاط لأ ممكن تتعلمي وتقعدي في بيتك تكملي مسيرتك التعليمية أونلاين بس المهم بلاش تأخدي قرار في الاخر هتلاقي نفسك عندك وقت كبير
تم النشر الاثنين، ٦ يوليو ٢٠٢٦
عامةً حتى لو أتزوجتي بدري الزواج مش هيكون كل حياتك بمعنى هيكون عندك وقت كبير فاضي؟؟ الوقت دا لأزم طبعًا تتعلمي فيه حاجة هتحفظي القرآن، وتقرأي كتب وهيكون في وقت يوميًا مين قالك إحنا علاقتنا بالتعليم بتنتهي مع إنتهاء الدارسة أصلًا أنتِ في مهارات وكورسات ممكن تتعليمها ليكِ وعشانك وعشان أطفالك مستقبلًا...
تم النشر الاثنين، ٦ يوليو ٢٠٢٦
قرار كويس لو متاح انك تعمليه. هيبقى حلو جدا
تم النشر الاثنين، ٦ يوليو ٢٠٢٦
لعرض السؤال في فدني اضغط هنا