ازاي بتنظموا حوار المذاكره ده بجد حاسه ان الدنيا بايظه مني خالص والمشكله عندي شوامل الاسبوع الجاي ومش عارفه اضبطها من انهي جمب انا اه مش مراكمه كتير بس حاسه اني مراكمه او مش عامله الي عليا ولسه جايبه النهارده درجه في الشامل حسيت ان كل الي بذاكره راح على الفاضي
السلام عليكم، أهم حاجة تبعدي عن التوتر ومتفضليش قلقانة من ناحية لسه وراكِ قد إيه لأن ده هيضغطك ومش هيخليك تعرفي تبدئي. إحساس التراكم ممكن جاي لك بسبب إنك كنت بتذاكري بس مش بتراجعي اللي ذاكرتيه. المراجعة مهمة جدا بعد المذاكرة فاستعملي دايما نظام مراجعة (التكرار المتباعد)، ابحثي على يوتيوب وشوفي الطريقة واعتمديها في مذاكرتك. **** دلوقتي، اقعدي مع نفسك وحددي الأولويات وحطي خطة مراجعة للدروس المطلوبة وقسمي مذاكرتك لفترات قصيرة بينها فترات راحة، خلال فترة الراحة بلاش تتصفحي الموبايل عشان هيسحبك ومش هتعرفي ترجعي تركزي. خلي فترة الراحة تقومي تتحركي فيها، تشربي حاجة تنعشك، تقفي في البلكونة، أي نشاط يخفف ضغط المذاكرة ويرجع تركيزك. ركزي في المراجعة على حل أسئلة الامتحانات على الموضوع اللي بتراجعيه فهتركزي على النقاط المهمة فيه واللي بتتكرر في الامتحانات أكتر من غيرها، والأهم استعيني بالله وابدئي وإن شاء الله ربنا يوفقك.💚💚
تم النشر الثلاثاء، ١٣ أكتوبر ٢٠٢٦
بصي على قد ما نفسي أقولك كلام كتير لكن حرفياً الصور اللي هتلاقيها تحت هيا فيها كل حاجة، و طبعا لو في حاجة مش واضحة اسألي و هوضحالك إن شاء الله.. بالتوفيق إن شاء الله.





تم النشر الاثنين، ١٢ أكتوبر ٢٠٢٦
أنا فاهمة شعورك تمامًا يا قمر، الإحساس ده بيجي لكتير من الطالبات لما بيحسوا إن الدنيا مش مترتبة رغم إنهم بيحاولوا. الدرجة اللي جبتيها النهاردة مش نهاية الدنيا، وهي مش دليل إن كل اللي ذاكرتيه راح على الفاضي، بالعكس، ده فرصة تعرفي إيه اللي محتاج تعديل. خلينا نركز دلوقتي على تنظيم المذاكرة بطريقة عملية وهادية عشان ترجعي تتحكمي في الوضع. ابدئي بتقييم بسيط: خدي ورقة واكتبي المواد اللي عندك والمواضيع اللي لسه محتاجة مذاكرة، وقسميها لأولويات (مهم وعاجل، مهم ومش عاجل). بعد كده اعملي جدول أسبوعي واقعي، مش مليان ساعات طويلة مرة واحدة، لكن قسمي اليوم لجلسات قصيرة مركزة (مثلاً 45 دقيقة مذاكرة ثم استراحة قصيرة). حددي هدف يومي واضح زي "أخلص فصل كامل من المادة الفلانية" عشان تحسي بالإنجاز. ولو حسيتي إنك مراكمة، ابدئي بالمادة اللي بتقلقك أكتر عشان تخففي الضغط النفسي. تذكري إن التنظيم مش لازم يكون مثالي من أول يوم، جربي الطريقة دي لأسبوع وعدلي عليها حسب احتياجك. أنتِ قادرة تظبطي الأمور، ولو عايزة أفكار أكتر عن جدول معين أو طريقة مراجعة، قوليلي تفاصيل أكتر عن جدولك الحالي. ابحثي كمان عن أسئلة مشابهة على فدني عشان تشوفي تجارب بنات تانيين. أنتِ مش لوحدك في الرحلة دي.
تم النشر الأحد، ١١ أكتوبر ٢٠٢٦
شوفي إيه الوقت ال دماغك فيه بتكون شغالة وذاكري فيه أنا مثلا دماغي كانت بتشتغل الصبح بس كانت بذاكر من الساعة 8 لحد الساعة 3 بعد كده دماغي بتقفل حرفياً
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا