دلوقتى احنا عيلة عندها صيدليات والأخوات مشتركين فى الشغل والدخل بيتقسم عليهم انا بنت أحد الإخوة وصيدلانيه كمان ..
صاحب الصيدلية إلى كلهم مشتركين فيها عايز يسافر أو هو سافر بالفعل وعايزينى اسجل الصاحب والمدير لها بدون أى دخل مع العلم انا شغاله معاهم من سنتين مش باخد جنيه واهلى مش متقبلين يسمعوا منى انا مش عايزة وبحكم أنهم عيله مع بعض دا كأن عاقة بهم ..
انا بحبهم بس دا مش معناه اضيع مستقبلى المهني عشان خاطر حاجه انا مش كسبانه منها حاجه انا تعبت فى دراسته بشكل كبير ووالله ما بعد الدراسة كمان شغالة مذاكرة وبأهل نفسى ومحدش واقف معايا نهائى اعمل اى بجد 😭 تعبانه من الموضوع ده فوق الوصف وانا شايفه أقل حق ليا ضايع
السلام عليكم، بصي بر الأهل حاجة وإنك تيجي على نفسك وتهدري حقوقك وتلتزمي بحاجة ممكن يكون فيها ضرر لك حاجة تانية. هل هيجبروكِ لو رفضتِ ولا أنتِ اللي إحساس الذنب هيفضل ملازمك عشان كده مترددة؟ أصل لو أنتِ رافضة تماما وعارفة إن مصلحتك مش في ده فلك الحق ترفضي وتصري على موقفك ومحدش له الحق يمنعك أو يجبرك على حاجة مش عاوزاها. ** وخدي بالك، الناس مش بتقدر اللي بييجي على نفسه عشان يرضيهم أو يضيع حقوقه، فأنتِ فضلتِ سنتين مضيعة حقك وجاية على نفسك فطبيعي يتوقعوا تفضلي كده وتوافقيهم على أي حاجة. قدري نفسك وشوفي مصلحتك فين واعمليها وأي حاجة فيها نسبة ضرر عليكِ ارفضيها ومتسمعيش لأي ضغط. ** راجعي محامي زي ما نصحتك ذكية واعرفي اللي لكِ واللي عليكِ واحمي حقوقك المالية والقانونية. ولو لسه فيه حيرة وتردد صلي استخارة واللي فيه الخير ربنا ييسره، لكن لو وافقتِ احفظي حقوقك وشوفي لو فيه حل وسط يخليكِ توازني الأمور بين مسك الصيدلية (بس مع الحفاظ على حقوقك) وبين إنك تشوفي باقي جوانب حياتك التانية. ** لو مفيش حل وسط لا تتنازلي عن حقوقك ولو مفيش غير التنازل عن حقك المهني فاختاري مستقبلك. ** أؤكد عليكِ من تاني، هم أهلك صحيح بس محدش له حق يفرض عليكِ حاجة أنتِ رافضاها أو فيها ضرر لكِ، ومحدش بيقدر حد بيخاف يطالب بحقه وبييجي على نفسه طول الوقت. توكلي على ربنا وإدعيه يعمل لك اللي فيه الخير.
تم النشر الخميس، ٢٧ أغسطس ٢٠٢٦
أختي العزيزة، أنا فاهمة تمامًا إحساسك بالإرهاق والظلم. أنتِ بتشتغلي من سنتين بدون أي مقابل، ودرستِ وتعبتِ عشان تبقي صيدلانية، ودلوقتي بيطلبوا منكِ تتحملي مسؤولية كبيرة زي تسجيل الصيدلية باسمكِ كصاحبة ومديرة بدون أي دخل أو نصيب. ده مش بس تضحية، ده استنزاف لحقوقكِ ومستقبلكِ، ومش عيب إنكِ تحسي كده. من منظور إسلامي، صلة الرحم مهمة، لكنها مش معناها إنكِ تضحي بحقوقكِ أو تظلمي نفسكِ. الله أمر بالعدل، و"لا ضرر ولا ضرار". أهلكِ بيحبوكِ، لكن الضغط ده بيخلّي الموضوع يبدو كأنه واجب عائلي، وده مش صح. أنتِ ليكِ الحق تطالبي بمقابل عادل لجهدكِ، سواء راتب شهري أو نسبة من الأرباح أو حتى نصيب واضح في الملكية لو هتتحملي المسؤولية. عمليًا، ابدئي بخطوات واضحة: اجلسي معاهم بهدوء ووضحي موقفكِ بصراحة ولطف، قولي إنكِ مستعدة تساعدي لكن بشرط الحصول على دخل مناسب أو نصيب يعكس جهدكِ. لو رفضوا، فكري في خيارات زي البحث عن فرصة عمل أخرى في صيدلية مستقلة أو حتى فتح مشروع صغير خاص بكِ تدريجيًا. سجّلي كل جهودكِ ووقتكِ، واستشيري محامي متخصص في القوانين التجارية عشان تعرفي حقوقكِ القانونية في مثل هذه الحالات العائلية. أنتِ مش لوحدكِ في الشعور ده، وكتير من الشباب بيواجهوا ضغوط مشابهة في الأعمال العائلية. خدي وقتكِ تفكري في أهدافكِ المهنية طويلة الأمد، وابدئي بخطوات صغيرة تحمي مستقبلكِ بدون ما تقطعي الروابط العائلية. لو عايزة تتكلمي أكتر عن خطة معينة، أنا هنا.
تم النشر الخميس، ٢٧ أغسطس ٢٠٢٦
يسر الله لنا ولكِ .
تم النشر الخميس، ٢٧ أغسطس ٢٠٢٦
ادعيلى ياطيبة وجزاك الله خيرا كثيراً بجد شكراً لوقتك
تم النشر الخميس، ٢٧ أغسطس ٢٠٢٦
واحده واحده انسجمي ف الصيدليه ولما تمضي فيها اسبوع كدا ولا حاجه هتكون عندك لمحة للأوقات اللي هتبقي فاضية فيها ولو بنسبة بسيطة ، وادعي ربنا يرزقك البركة في الوقت ، وإن شاء الله أسأل الله أن يعينك ويهديكِ لما هو خيرٌ لكِ ، وطالما إنتي هتحطي نية انك ترضي والدك فاعرفي إن " رضا الرب في رضا الوالدين وسخطه في سخطهما " .
تم النشر الخميس، ٢٧ أغسطس ٢٠٢٦
صاحب الصيدلية دا هيرجع تاني ؟
تم النشر الخميس، ٢٧ أغسطس ٢٠٢٦
اقدر جدا ودا إلى كنت مفكره بس الرفض سبق الاستشارة ومين بقا هيشيل الشغل🙈
تم النشر الخميس، ٢٧ أغسطس ٢٠٢٦
هو لو الوضع رسي علي كدا ف هو انتي تقدري تعملي حاجه جنب شغل الصيدلية؟
تم النشر الخميس، ٢٧ أغسطس ٢٠٢٦
معقدة اي اسكتي 🦧🔪
تم النشر الخميس، ٢٧ أغسطس ٢٠٢٦
معقدة صح ! طولت عليك جزاك الله خيرا كثيراً..انا بس كنت عايزة أفكار لكن لو رست على كدا فبإذن الله تعالى هو الخير لا غير
تم النشر الخميس، ٢٧ أغسطس ٢٠٢٦
والدى الله يحفظه عارف كل دا بس طالما إخوته ميقدرش يرفضلهم حاجه وهو الكبير أيضاً.. أخواته دائما اهم مننا الحمدلله ربنا يحفظهم ويبارك فى أعمارهم جميعاً 😂
تم النشر الخميس، ٢٧ أغسطس ٢٠٢٦
طب مجربتيش تحكي لأبوكِ عن أفكارك دي وإن انتي عندك مخططات تانية ولو مسكتي الصيدلية هتوقفي حالك ؟
تم النشر الخميس، ٢٧ أغسطس ٢٠٢٦
انا الصيدلانية إلى موجوده حاليا أسمى متاح + فى وجهه نظرهم انا المسؤولة
تم النشر الخميس، ٢٧ أغسطس ٢٠٢٦
اها طب اي السبب اللي مخليهم عاوزينك انتي اللي تمسكيها ؟ معرفتيش السبب ؟
تم النشر الخميس، ٢٧ أغسطس ٢٠٢٦
هما لو اخواتى مش هيبقى عندى مشكله بالعكس 🥲
تم النشر الخميس، ٢٧ أغسطس ٢٠٢٦
أيوة
تم النشر الخميس، ٢٧ أغسطس ٢٠٢٦
هو انتي تقصدي ان الأخوات اللي مشتركين في الشغل هما أعمامك ؟ وابوكي هو أحد الإخوة ؟ اصلنا فهمتها العكس ، إن دول شباب العيلة و احد الاخوة اللي هو اخوكي
تم النشر الخميس، ٢٧ أغسطس ٢٠٢٦
انا كبيرة اهلى وكبيرة عيلتنا ودا مصعب الدنيا اكتر واكتر
تم النشر الخميس، ٢٧ أغسطس ٢٠٢٦
ولا علاقتك معاه مش قد كدا ؟
تم النشر الخميس، ٢٧ أغسطس ٢٠٢٦
طيب انتي اخوكي الكبير متعرفيش تحكيله اللي انتي عاوزه تعمليه ويكلم أمك وأبوكي ؟
تم النشر الخميس، ٢٧ أغسطس ٢٠٢٦
معنديش أدنى مشكلة فى دا دول اهلى انا نفسى فداهم بس دا موقفنى عن حاجات كتير ممنوع الشغل فى مكان تانى ولا حتى فى الاتجاهات إلى مهتمه بيها غير الصيدلية + بيجيلى فرص كويسه جدا وكله متوقف عشان خاطر دا وشخصيتى مبحبش اتعامل مع الجمهور ورغم ذلك فضلت سنتين عشان محدش يزعل بس بجد انا مش هاعرف ابقى حاجه هنا والحقيقة لو سابونى اعمل إلى حباه معنديش أدنى مشكلة على الاقل مقتلش طموحى كله فى مكان واحد ..الصيدليه فى وجهه نظرى لصيدلى قضى سنين عمره فى أعمال مختلفه وحابب يقعد يرتاح لكن فى بداياتى مش حابه الروتين دا أبدا ولا اقدر اتعامل مع الناس بشكل كبير كدا +نقطة الحرمانية مش هاعرف حاجه تكون باسمى ومتقيش الله وتسيب اى حد يقعد فيها اخاف ربى يعاقبنى فى حياتى زى مامتقتهوش فى المرضى ...بعتذر على الاطاله
تم النشر الخميس، ٢٧ أغسطس ٢٠٢٦
طيب بصي اي رأيك تسيبي الأمور ماشية زي مهية وامسكي الصيدلية زي ما هما عاوزين ومتنسيش إن في رب عادل ، لعل ربنا عاوز يدربك علي بعض الأمور عشان مخططلك ما هو أفضل من كدا ! ....منكم تحتسبيها نية لوجه الله ورضا لوالديكِ وادعي ربنا كتير وتشاء أنت من البشائر قطرة ويشاء ربك أن يُغيثك بالمطرِ ، حقك مش هيضيع إن شاء الله ، اعتبريها فترة مؤقته هتمسكي فيها الصيدلية واهه تتعلمي مهارات جديدة محدش عارف اي اللي هيحصل بكرة ، متبنيش أفكار علي المستقبل إنك هتفضلي ماسكه الصيدلية لحد ما تموتي يعني ، " لا تدري لعل الله يُحدِثُ بعد ذلك أمرا "
تم النشر الخميس، ٢٧ أغسطس ٢٠٢٦
مفيش نية للرجوع
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا