السلام عليكم، تعرفي إنك تقريباً زي أنا لما كنت في تالته إعدادي السنة اللي فاتت ودلوقتي انا في أولى ثانوي ، تالته اعدادي كانت سنة مهمة جدا بنسبة لي كنت مديلها فوق اللي هي محتاجه بس في الترم الأول حصل مني شوية تقصير في المذاكرة والقرب من ربنا حصلت على مجموع ١٣٥.٥ في الترم الأول أنا عارف إنها درجة حلوه وإن في غيري كتير بيتمنى يجيب مجموعي بس تعرفي إن مجموعي ده مكنش مطلعني من العشرة الأوئل كنت رقم ١١ على المدرسة زعلت جامد وحسيت بإحباط جامد وخصوصاً إن العشرة الأوئل راحو مسابقات وانا لأ بعدين الصراحة بدأت اذاكر مذاكرة معتدلة مش كتيرة ولا قليلة ولكن كانت مفيدة اكتشفت إني كنت بذاكر غلط وأن علاقتي مع ربنا لازم تصلح أنتِ عارفه انا جبت كام الترم التاني يا ملك أنا جبت ١٣٩وطلعت الأول على المدرسة وغلبت المدرسة كلها والعشرة الأوئل أنا مكنتش متوقع إني أطلع الأول بس ده كرم ربنا ومفيش حاجه صعبة عليه وعليكي لازم تشدي حيلك غيري طريقة مذاكرتك وقربي من ربنا وادعيه وصلي لو حتى ركعتين قيام ليل قبل ما تنامي وأتوضي قبل ما تذاكري ومع كل درس تخلصيه أحفظي صفحة واحده من القرآن وحافظي على أذكار الصباح والمساء وانتظمي في الصلاةوأهم حاجة يا ملك الصلاة دي وابعدي عن الذنوب اللي هي بتاعت البنات دي المنتشرة انت فاهمة أنا أقصد إيه وبعدين شهرين هتلحقي تخلصي بإذن الله كل حاجة استعيني بالله "وعجلتُ إليك ربي لترضى" قومي صلي الفجر وأبدأ يومك هتخلص كل حاجة وتوصلي للي أنت عاوزاه لو أحتجتي حاجه ابعتلي وإن شاء الله هنفرح بنتيجتك ولما تطلع ابقا ابعتهالي وفرحيني وسلام..
لو احتاجتي تسألي في حاجة احنا خدامين
تم النشر السبت، ١٩ أبريل ٢٠٢٥
إن شاء الله يا ملك تطلعي أحسن مني وتجيبي ١٤٠، ومتبقيش بخيلة وادعيلي معاكي يا ملك😂، وحلي محافظات كتير بالله عليكي عشان دي اللي بتكرر في الإمتحان بس متنسيش تعرفيني النتيجة عشان أشوف هتجيبي أعلى مني ولا لأ
تم النشر السبت، ١٩ أبريل ٢٠٢٥
ان شاء الله اول ما اعرف نتيجيتي هقولك وبي اذن الله اجيب انا كمان 139 وشكرا بجد علي نصيحتك وبجد كلامك فرق معايا جدا 🥹❤❤❤
تم النشر السبت، ١٩ أبريل ٢٠٢٥
ربنا يوفقك ويوفقني يا رب ❤
تم النشر السبت، ١٩ أبريل ٢٠٢٥
لعرض الإجابة في فدني اضغط هنا