عليكم السلام ورحمة الله وبركاته إزيك يا صديقي مبدئيا أنتا فعلا عشت حياه صعبه وإتحرمت من حاجات كتير بس أنا مبسوط بيك جدا إنك لسه عاوز تتغير ومش راضي عن الحجات الغلط اللي إنتا وقعت فيها وعلي فكره مش لازم أبدا تلوم نفسك أبدا إن إنتا كنت عارف إن الحجات اللي إنتا بتعملها غلط ومع ذالك كملتها كلنا غلطنا وبنغلط المهم نعترف بغلطنا ونحاول نصلحه بسرعه نصيحتي ليك حاول علي قد ماتقدر تقرب من ربنا وإشغل وقتك ماتسبش عندك وقت فراغ إتعلم رياضه خد كورسات المهم ماتسبش عندك وقت فاضي ده المفتاح اللي هيخليك تبطل إباحيه وأي عاده سيئه وإنسي كل اللي فات وركز علي مستقبلك وحاول تحسن علاقتك بإخواتك وأهلك وإصبر علي أذاهم وربنا ييسرك أمورك.
انا الحمدلله علاقتي مع اهلي كويسه عن الاول بكتير وكلهم بقوا بيقولوا انت بقيت هادي عن الاول وأسلوبك اتغير معانا وهم شافوني بقيت كويس و والدتي لاحظت اني بدأت اتغير الحمدلله بس والدي علاقتي مش احسن حاجه خالص بس بحاول والله تاني وتالت اغير واحاول اكسب بره هو طيب وبيحبني وانا بحبه والله بس ظروف الحياة خلتنا كده الحمدلله انا امنيه حياتي اني ربنا يكرمني عشان افرحهم واعوضهم وابويا يعيش اخر سنين حياته مرتاح البال وعارف أنه ساب راجل اخواته يتسنده عليه بعد عمره طويل له بالصحه والعافيه يا رب ، اكيد يا صديقي انت فاهمني وفاهم بفكر في ايه من كلامي ، بالنسبه نبقا نعترف بغلطنا انا دائما بعترف بغلطي مش بعاند وبحاول اتعلم ومعملهوش تاني وهتغير للأحسن ثقتي في ربنا كبيرة هرع للجيم تاني انا شايف نفسي فيه وهحاول اتحسن في دراستي ربنا كريم الحمدلله على كل حال شكرا جزيلا لحضرتك يا صديقي وانك بتحاول تنصحني ♥️
تم النشر الجمعة، ١٣ مارس ٢٠٢٦
لعرض الإجابة في فدني اضغط هنا