ابن لنفسك عادة تعمل بيها ثواب لما تلاقي نفسك متضايق استغفر ربنا كتير ١٠٠ مرة مثلا او صل على النبي ١٠٠ مرة ممكن كل مرة تكون متضايق فيها تتبرع بمبلغ من المال قرب من ربنا خصوصا الصيام بيهدي النفس اوي احفظ و اتعلم القرأن ده صدقني كفيل إنه يخليك احلى بني ادم في الدنيا و متكسلش نص ساعة في اليوم كويس لو انت هتكسل وافتكر واحده واحده هتتغير مش بين يوم و ليلة و فيه عادات هتخليك هادئ زي التأمل، التفكر في خلق الله، تصلي الفجر في هدوء و تقعد تقول الاذكار و تتأمل معناها، تقرأ القرأن و تتأمل معانيه القراية عموما هتهديك و ابعد عن الحاجات اللي بتخلي العقل مرهق دايما اعف عن الناس حتى لو غصب عنك هيفيدك جدا افتكر ان مش كلنا نفس التفكير فخذ كل واحد على قد عقله و حاول تتقبل الناس اللي حواليك ❤
و متقلقش واحده واحده الموضوع هيروح و مدام متضايق صدقني ربنا هيحبك و هو شايفك بتسعى للخير و تحسين نفسك حتى لو غصب عنك ربنا مبسوط منك اوي
تم النشر الأحد، ١١ فبراير ٢٠٢٤
انا عارف احساس النار اللي جواك ده كويس 😂و انك بتكون مش قادر تكمل اليوم، بس انت عندك حق المقاومة هي الحل و النار مصيرها هتنطفي، بس اكلام أثره مش هينطفي ابدا، فاهدأ و اشغل نفسك بحاجات تانيه لما تكون متعصب
تم النشر الأحد، ١١ فبراير ٢٠٢٤
الكلام سهل .. وع فكرة انا بعمل حاجات كتير من اللى قولتها بس للاسف الغضب بحسه ركن تانى بعيد عن كل ده ..هو اه فعلا مودي بيتغير بالحاجات دي بس يظل لما يحصل موقف بيخليني اغضب وتبدأ توابع الغضب بقا ... انا لقيت الحل الوحيد هو المقاومة بس فعلا لما بكتم الغيظ بحس بنار وهنفجر بجد وبسكت خالص وقت الموقف لكن بفضل ايام متعصبة ومش عارفة امشي حياتي طبيعي بسبب الموقف ده وف الاخر عشان ارتاح بروح ابوظ الدنيا خالص واقول للشخص اللى ضايقني كل اللى كتمته وبشكل عنيف اكتر لو كنت قولتها ف وقتها ..حتى لما بستغفر وقتها بحس ان عقلي مش مركز وبقولها بلساني ومش بهدأ وبستغيذ بالله بصوت عاالى بحيث اوقف تفكير ف الموقف وبردو ! .. مش عارفة اعمل ايه مع نفسي تعبت منها
تم النشر الأحد، ١١ فبراير ٢٠٢٤
لعرض الإجابة في فدني اضغط هنا