@فَاطِمٌ الشَّافِعِيُّ. أنا اللي كنت كتبت البوست عن علاقتي بشخص اكبر مني وحصل تجاوزات ، أنا للأسف دلوقتي مش عارفه اعدي دا ازاي لاني مبقيتش عارفه اركز في اي حاجه وطول الوقت بحاول الهي نفسي علشان محسش بالذنب وكمان بقيت مش عارفه اتعامل مع اي حد قريب مني وحاسه اني بخدعهم واني مستاهلش غير الشخص دا لاني بقيت شبهه وللاسف مش عارفه هي دي فتره طبيعيه وهعديها ولا لازم اطلب مساعده من متخصص
أولًا: السلام عليكِ وعلى قلبك حتى يهدأ أنا فاهمة شعورك جدًا كلامك يدل إنك مش متقبلة الذنب بمعنى أنا حتى لو توبت برضو أنا إنسانة مستهلش! ودا خطأ بجد بصي كلنا لينا ذنوب وبنتوب منها ونبدأ صفحة جديدة مع ربنا ومع نفسك ونصدق في التوبة على أمل إننا مرنجعش نعمل الذنب دا تاني، صدقيني مع الوقت هتلاقي نفسك تخطيتي الموضوع وأنتِ مش وحشه بالعكس هو الـ كان مخطئ لأن هو أكبر وسبحان الله أنتِ ربنا نجدك منه ومن كذبه عشان هو كذاب وصدقيني هو حاليًا مع بنت تاني بيمثل نفس التمثلية وعقابة شديد، وعايزة أقولك حاجة أنتِ مش وحشه أنتِ أخطأتِ في حق الله وحق نفسك بس قررتي تتوبي وباب التوبة مفتوح لينا كلنا، فـ خليكِ بطلة وقوية وإحنا بجد ماشين بالستر، أحمدي ربنا إن الـ حواليكِي شيفينك بصورة حلوة وربنا عايزك تكملي وتكوني أفضل فـ بلاش شوية زعل وأحباط يوفقوكي لأ خليكِ قوية وأنتِ قوية بالفعل وقدوة لغيرك🌷 من دالوقتي حطي مهام لنفسك أسمعي بودكاست إيه المشكلة في التوبة والعودة وهتعرفي بجد إن التائب حبيت الله 🌷 وكمان دا درس ليكِ يعني دي مش النهاية هتقابلي ناس وربنا هيختبر توبتك، حطي مهام من دالوقتي وركزي على نفسك وأنا حاسة بـ ألمك والله وإن الموضوع مش سهل عشان كدا أبداي بكتاب الداء والدواء شرح علاء حامد هيخفف عنك كتير وهيخليكي تكرهي أي معصية في حياتك حتى لو بسيطة، وبجد أنا واثقة إنها فترة وهتعدي أوعي ترجعي لـ الإنسان دا تاني عشان عنده علاقات كتير ومريض نفسي وأنتي صغيرة وصدقًا هيدمرك خالص اختاري لنفسك إنسان سوي نفسيًا وعاقل وناضج مش بتاع علاقات ومنحرف هو بيعرف يلعب اللعبة، ما علينا بيه هو خرج من حياتك خلاص المهم أنتِ دالوقتي خليكِ قوية 🌷
تم النشر السبت، ٢٧ يونيو ٢٠٢٦
الاحساس بالذنب دا احساس وهمي بسبب التعلق، تفكيرك فيه بيكبر من حجمه، فالحل أن كل ما تلاحظي أنك بتفتكري حاجة كانت بينكم وتحسي بالذنب فقولي لنفسك أن دا مش مهم بحيث دماغك تتعود تحط الموضوع في ملف اسمه "مش مهم"(متحاوليش تحاربي الفكرة أو تتناقشي معاها بل ما تعبريهاش ) + لما تلاحظي أنك بتفكري ما تكمليش تفكير وبصي على الحاجات اللي حواليكي وركزي على الأصوات وكدا، ومع الوقت بإذن الله الاحساس دا هيقل جدا ولما تفتكري حاجة مش هتأثر على شعورك لا بالسلب ولا بالإيجاب هيبقى الموضوع عابر جدا، وشوفي أي دورة دينية ويستحسن يكون فيها اختبارات عشان تلتزمي بيها (أي حاجة فيها تحدي عامة، لو مسابقة مثلا أو دراسة)
تم النشر السبت، ٢٧ يونيو ٢٠٢٦
لعرض السؤال في فدني اضغط هنا