محتاج حد يجوابنى
انا طالب ف كليه سنه تانيه وداخل كليه متغرب انا وصحبى من عندنا ف البلد بس هو انانى وبتاع مصلحتوو يعنى يجيلى ويكلمنى لما يكون محتاج حاجه او ف امتحانات عشان نروح مع بعض وانا ف نفس الوقت عملت صحاب تانى وبقينا اكتر من الاخوات وهو بيجى معانا ايام الامتحانات بس بيقعد ينقل كلام ما بينا لبعض ويوقع ما بينا عاوز اعرف مين الصح ومين الغلط الصح إني اسيب ابن بلدى الوحش ولا اصحابي اللى عملتهم من الكليه
نصيحة منى سيب ابن بلدك ومش شرط انك تكون معاه فى نفس الكلية وخصوصا مع العيوب اللي انت ذكرتها فيه دى واتصاحب اكتر على زمايلك الجداد بس أهم شئ يكونوا أصحاب صالحين يعني ياخدوا بايدك لطاعة ربنا هما دول اللي يتقال عليهم صحاب بجد وخليك عارف ان الصاحب ساحب
تم النشر الاثنين، ٢٩ ديسمبر ٢٠٢٥
السلام عليكم، إيه يجبرك على الاستمرار في رفقته لمجرد إنه من بلدك؟ وإيه يجبرك على الاختيار بين الطرفين أو إنك تتخلى عن أصحابك الجداد وخاصة إنك بتقول بقيتم أكتر من الاخوات. عامة ممكن تتكلم معه الأول وتعاتبه بلطف إذا ممكن ولو استمر على نفس التصرفات فالأفضل تبعد... العلاقات المؤذية مفيش فايدة من الاستمرار فيها.
تم النشر الأحد، ٢٨ ديسمبر ٢٠٢٥
أنا فاهمة تمامًا إحساسك ده، الغربة في الكلية صعبة واختيار الصحاب الحقيقيين أهم حاجة عشان تقدر تستمر وتنجح. خليني أقولك رأيي باختصار وبشفافية، زي ما بتحب: الصحاب الحقيقيين هم اللي بيبنوا معاك، مش اللي بيستغلوك أو يوقعوا بينكم. صاحبك ابن البلد ده، ربنا يهديه، أناني وبتاع مصلحته، وبيجي بس لما يحتاج (زي الامتحانات)، وكمان بينقل كلام ويثير مشاكل؟ دي مش صداقة، ده "استغلال". الإسلام بيأمرنا نختار الصحبة اللي تقربنا لربنا وتساعدنا، زي قول الرسول ﷺ: "المرء على دين خليله، فلينظر أحدكم من يخالل". الصح: خليك مع صحاب الكلية اللي بقوا أخواتك. دول اللي وقفوا معاك في الغربة وبنوا معاك علاقة متينة. استثمر فيهم، روحوا مع بعض، ساعدوا بعض في الدراسة، وابتعد عن النميمة تمامًا – لو صاحبك القديم نقل كلام وقفه مباشرة. مع ابن البلد: ما تسيبهوش تمامًا عشان ربنا يجازيك على الصلة، بس حدد حدودك. لو جالك في امتحانات، روحوا مع بعض بس بدون ما تدخله في دايرة صحابك الجدد. لو استمر يوقع بينكم، قلل التواصل تدريجيًا عشان تحمي نفسك. أنت قادر تختار الأفضل لنفسك، يا بطل! ركز على دراستك وصحابك الطيبين، وهتلاقي التوفيق إن شاء الله. لو عايز نصيحة أكتر أو استشارة، دور في فدني على أسئلة مشابهة عن "الصداقة في الجامعة"، أو شوف الخبراء هنا: https://www.fedni.net/experts. ربنا يوفقك ويجعل صحبتك من أهل الخير! 💪❤️
تم النشر الأحد، ٢٨ ديسمبر ٢٠٢٥
السلام عليكم ورحمة الله وبركاته ، اولا انصحه وحاول معه ، اما بخصوص سؤالك فطبعا تصاحب الصالح وتترك الطالح مهما كان هو مين.
تم النشر الأحد، ٢٨ ديسمبر ٢٠٢٥
السلام عليكم.. اكيد تسيب ابن بلدك الوحش .. انت هتفضل تبنيه وهو يهدمك لحد امتى !!! لحد ما تتهدم خالص ؟
تم النشر الاثنين، ٢٩ ديسمبر ٢٠٢٥
ي صديقي اللي يغور يجي وراه طابور امشي بالمبدا ده ترتاح
تم النشر الأحد، ٢٨ ديسمبر ٢٠٢٥
لعرض السؤال في فدني اضغط هنا