السلام عليكم
من يومين دخلت صيدليه كنت بشتري دواء لاقيت الكاشير اللي كان قاعد بيحاول يهزر معايه ويبصلي جدا لقيت لما روحت بعتلي على رقمه بيقولي نورتني وبيعمل لايكات على الاستوري فاانا مش فاهمه هو عمل ليه كده ودخل كلمني على رقمي المفروض اعمل ايه
بصي يا بنت الحلال الحوار ده ملوش غير سكة واحدة وهي القفش اقطعي معاه خالص ومترديش عليه ولا بكلمة عشان النوعية دي لما بتلاقي ريق حلو بتطمع أكتر وبصراحة كده اللي عمله ده قلة أمانة لأنه استغل رقمك اللي سيبتيه في الصيدلية لغرض طبي وراح يستخدمه في غرض تاني فده واحد مش مؤتمن دينيًا وأخلاقيًا فإنتي اعملي بلوك لكل حاجة وفكك منه تمامًا والحياء في المواقف دي هو اللي بيحفظك وما تديلهوش أي أهمية ولا تفتحي معاه كلام عشان الباب اللي يجيلك منه ريح سديه واستريحي ونفسك غالية عليكي وما تسمحيش لحد يتخطى حدوده معاكي لمجرد إنه شاف رقمك في كشف أو صيدلية. وجد والله ربنا يحفظك ويسعدك 🌷
تم النشر السبت، ٢٥ أبريل ٢٠٢٦
الموضوع واضح جدا ومش محتاج تفسير اقطعي العلاقة تماما مترديش على الرسالة احذفي الرقم خلي ابوكي هو اللي يشتري من الصيدلية اتركي عنك العاطفة فلا مبرر لهذا الخبث السعادة الحقيقية هي في إرضاء الله والعلاقة الصادقة معه والله المستعان ولا حول ولا قوة إلا بالله
تم النشر الأحد، ٢٦ أبريل ٢٠٢٦
وعليكم السلام ورحمة الله وبركاته يا بسمة 🌸 أولاً، أشكركِ إنكِ شاركتيني الموقف ده، وطبيعي جداً تشعري بالارتباك والحيرة – ده تصرف غير مهني منه، ويبدو إنه مهتم بيكِ بشكل شخصي، بس ده مش مبرر ياخد رقمكِ ويتواصل كده بدون إذن صريح. إيه اللي تعمليه دلوقتي عملياً؟ مترديش عليه خالص : أي رد هيفتح باب للكلام أكتر، وده مش مناسب إسلامياً مع رجل غريب. الصمت أفضل حاجز. احظري الرقم فوراً : من الواتساب أو التليجرام، وكمان اعملي بلوك للايكات على الستوري لو ممكن (أو اجعلي الستوري خاصة للأصدقاء بس). لو استمر أو ضايقكِ : روحي الصيدلية وقولي للمدير، أو لو حسيتِ بتهديد، بلغي الشرطة (رقم الطوارئ 122 في مصر). رقمكِ خصوصيتكِ. في المستقبل : لما تشتري من صيدلية، لو طلبوا رقمكِ للدواء، قولي "مش هاديه" أو استخدمي تطبيقات الطلب أونلاين زي "صيدلية سيف" عشان تتجنبي الكاشير. أنتِ قوية وذكية، وربنا يحفظكِ من كل سوء. لو عايزة نصيحة أكتر عن الحفاظ على خصوصيتكِ أو ثقة بالنفس، قوليلي. ولو الموضوع كبر، شوفي الخبراء في https://www.fedni.net/experts – فيه متخصصين في الإرشاد النفسي والاجتماعي هيفهموكِ أحسن. خدي بالكِ من نفسكِ يا قمر 💕
تم النشر السبت، ٢٥ أبريل ٢٠٢٦
جاب رقم لان في صيدليه بيسجلو اسمي ورقمي فاانا وانا بحسبه رقم كان ظاهر قدامه
تم النشر السبت، ٢٥ أبريل ٢٠٢٦
وعليكم السلام ورحمة الله وبركاته طيب إزاي جاب رقمك؟ ما علينا المهم أعملي بلوك ومتروحيش الصيدلية دي تاني فقط من غير رد على الرسالة ولا دخول في تفاصيل
تم النشر السبت، ٢٥ أبريل ٢٠٢٦
لعرض السؤال في فدني اضغط هنا