انا معنديش خشوع ف الصلاة وحاسه ان صلاتي مش مقبوله ف ممكن تقولوا يي اعمل ايه
اعرفي معاني الآيات والأذكار اللي بتقرئيها في الصلاة ( الفاتحة والسورة والأذكار زي الله أكبر وسمع الله لمن حمده وسبحان ربي الأعلى وكل دا ), فيه شروحات إما مكتوبة أو مرئية بتشرح معاني الصلاة-----قبل الصلاة ما تتكلميش مع حد خالص واستحضري أنك هتقفي قدام ربنا-- ---- أول ما تكبري تكبيرة الإحرام هتسكتي حوالي 3 ثواني وبعد كدا تقرئي دعاء الاستفتاح وبعد كدا الفاتحة والسورة بس بين كل آية والتانية خدي نفس في ثانية أو اتنين ونفس الكلام بين الأذكار زي سبحان ربي العظيم في الركوع أو سبحان ربي الأعلى في السجود (بمعنى أن الذكر بيتكرر 3 مرات مثلا أو ممكن تزودي فبين كل واحد منهم تاخدي نفسك) ونفس الكلام مع الدعاء في الركوع والسجود يبقى بين كل دعاء والتاني تاخدي نفسك وتقوليه ببطء وتفهمي معنى الأدعية لو دعاء من القرآن أو السنة ---- بعد الصلاة هتسكتي حوالي 5 ثواني وبعد كدا هتقرئي أذكار بعد الصلاة.
تم النشر الأحد، ٢٨ يونيو ٢٠٢٦
أنا فاهمة شعورك تمامًا يا هنا، وعدم الخشوع في الصلاة أمر شائع جدًا يمر به كثير من الناس، وده مش معناه إن صلاتك مش مقبولة. ربنا سبحانه وتعالى يعلم نيتك وجهدك، والمهم إنك مستمرة في الصلاة وبتحاولي تحسنيها. الخشوع مش هيجي فجأة، لكنه يتحسن بالتدريج مع الممارسة والإصرار. جربي الخطوات دي عشان تساعدك: قبل الصلاة، خذي لحظات بسيطة تتذكري فيها إنك واقفة قدام الله، وادعي بصدق: "اللهم أعني على ذكرك وشكرك وحسن عبادتك". ركزي على معاني الآيات والأذكار اللي بتقوليها، حتى لو بتقرئي ترجمة بسيطة قبل الصلاة عشان تفهميها أكتر، ده بيخلي القلب يتأثر. صلي ببطء وهدوء، واختاري مكان هادي بعيد عن المشتتات، وتجنبي الاستعجال في الركوع والسجود. لو حسيتِ بتشتت، ارجعي للتركيز على كلمة "الله أكبر" أو على حركة الصلاة نفسها. استمري كده، والله هييسر لكِ الأمر مع الوقت. لو عايزة نصائح إضافية أو تفاصيل عن موضوع معين، قوليلي. وممكن تبحثي عن أسئلة مشابهة على فدني عشان تشوفي تجارب الآخرين.
تم النشر السبت، ٢٧ يونيو ٢٠٢٦
تقربي إلى الله بالدعاء وقراءة القرآن المستمرة مش يوم يومين لان الأفضل العمل يكون ادومه وان قل يعني مستمر
تم النشر الأحد، ٥ يوليو ٢٠٢٦
لعرض السؤال في فدني اضغط هنا