مش عارف إمتى آخر مرة حسيت إني مفهوم.
طول الوقت بحارب معارك محدش شايفها، وببتسم في وش ناس فاكرة إن السكوت راحة، وإن الهدوء دليل إن الدنيا تمام. محدش يعرف كمية الكلام اللي بمسكه جوايا كل يوم، ولا عدد المرات اللي اخترت فيها أسكت لأني عارف إن كلامي هيتفهم غلط.
تعبت من إني أحس إني غريب وسط ناس المفروض يكونوا أقرب الناس ليا. كل ما أحاول أشرح نفسي، ألاقي حد بيختصرني في كلمة، أو يحكم عليا من موقف، أو يقارنّي بحد تاني. كأن وجودي لازم يبقى نسخة من اللي حواليّ، ولو اختلفت أبقى أنا المشكلة.
أنا مش طالب شفقة، ولا مستني حد ينقذني. أنا بس كنت محتاج مرة واحدة حد يسمعني علشان يفهم، مش علشان يرد. حد يشوف اللي ورا الهدوء ده، والضغط اللي مستخبيه ورا كل "أنا كويس" بقولها.
فيه ليالي بكون فيها مرهق من التفكير أكتر من أي شغل عملته. دماغي مبتسكتش، وأسئلة كتير ملهاش إجابة. بحاول أبقى أقوى، وأهدى، وأنضج... لكن الحقيقة إن القوة ليها تمن، وأوقات التمن ده بيكون إنك تتعود تتوجع في صمت.
أصعب إحساس إنك تبذل كل اللي عندك، وفي الآخر محدش يشوف غير النتيجة. محدش يشوف الخوف، ولا الضغط، ولا المرات اللي وقفت فيها على رجليك بالعافية.
يمكن أكتر حاجة كسرتني إني بقيت متعود أكتم. بقيت أقول "عادي" على حاجات عمرها ما كانت عادية. وبقيت أواسي نفسي بنفسي، لأني بطلت أنتظر إن حد يفهم.
ومع كل ده... لسه عندي أحلام أكبر من كل اللي مريت بيه. ولسه عندي إيمان إن اليوم اللي هيوصل فيه تعبي لنتيجة هيكون مختلف.
ولو حد بيقرأ كلامي ده... متحكمش على حد من هدوئه، لأن فيه ناس صوت وجعها عمره ما خرج، ومع ذلك كانوا بيحاربوا كل يوم.
وأنا... لسه بحارب.
السلام عليكم اولا. الحرب مش متكافئه. انك تحارب ناس مش فاهماك. ومش عارفه انت بتمر بايه فالحرب مش متكافئه انت بتضغط نفسك اكتر انت بتحارب نفسك اكثر الحرب علشان تكون متكافئه لازم يكون الخصمين متواجدين وفاهمين ان في حرب انت الوحيد اللي بتحارب بتحارب ضغط بتحارب كلام كتير بتحارب ناس مش فاهماك. انت عمال تحارب وهم مش فاهمين ان انت بتحارب اصلا. الحروب لما تكون مش متكافئه انت بتتوجع اكتر بتضغط اكثر. بتبقى عايش. في معركه. ملهاش نتيجه. معركه ابديه. الحل ان احنا نخرج من الجو ده كله. ونفكر في حل يرضينا ونسيب الآخرين على جنب. لان كده كده مش مفهومين ام ولا فاهمين احنا بنعمل ايه ولا بنحس بايه ولا الكلمه بتخرج منهم. يعني بتعمل فينا ايه؟ فهو الحل ان احنا نسيب الناس كلها ونفكر ايه اللي يرضينا. الحل في وسط الناس دي ان انت تفكر في نفسك أكتر تحب نفسك أكتر. وتشوف اهداف تعملها. وتسيبك من الناس. لان الناس لما يكون وجودها زي عدمه يبقى قلته احسن. انا مش هقول لك ان الدنيا ما بتديناش كل حاجه هي الدنيا ما بتديش حاجه دلوقتي ما بتديش حاجه اصلا لازم انت اللي تمد ايدك وتاخذ الحاجه اللي انت عايزها اتكسفت خلاص تمام اقعد على جنب مسمعش صوتك هو ده الحوار اللي بيمشي دلوقتي فانت حاول تشوف انت عايز ايه عايز تثبت رأيك يبقى لازم رأيك لما يتقال الكل يسمعه. هتحاول تثبت رايك بطريقه غلط يبقى بلاش نتكلم أحسن ساعتها الصمت بيكون حل. اما تقعد في وسط ناس حاول تعلي من شانك مش اي حد يكلمك ترد عليه ومش لازم ترد بطريقته لازم يكون لك شخصيتك وطريقتك وتثبت ده عشان ما حدش يجي يقول ايه لا لا اصل انت شفت فلان بيقول كذا فانت قلت لا لما حد يجي يقول لك كده اعترض اصل انت بتعمل زي فلان اعترض قل لهم انا مش شبه حد. خد شويه غرور الغرور عارف انت الغرور المستفز ده خذ منه شويه استفزه علشان تكون مختلف ولما تبقى مختلف هم يعرفوا ان انت فعلا مختلف.
تم النشر السبت، ٨ أغسطس ٢٠٢٦
أخي، كلامك وصلني بعمق، وأنا أقدر تمامًا الثقل اللي بتحمله لوحدك. الشعور إنك بتحارب معارك محدش شايفها، وبتبتسم عشان محدش يفهم التعب اللي جواك، ده إحساس ثقيل جدًا ومرهق نفسيًا. أنت مش ضعيف لأنك بتكتم، ولا غريب لأنك مختلف؛ أنت إنسان بيحاول يحافظ على توازنه وسط ضغوط كتير، وده يستحق التقدير مش الحكم. من منظور نفسي واجتماعي، اللي بتمر بيه غالبًا بيحصل لما بيبقى فيه فجوة بين اللي بنشوفه داخليًا واللي بنقدر نعبر عنه خارجيًا، خاصة لو المحيط بيختصرنا في صورة واحدة. الحل العملي هنا مش إنك تنتظر حد يفهمك فجأة، لكن تبدأ بخطوات صغيرة تمكنك من التعبير بطريقة أوضح وأأمن. جرب تكتب يوميًا اللي بيحصل جواك بصراحة تامة، بدون ما تحاول "ترتبه" أو تخفيه، عشان تقدر تشوف أنماط أفكارك وتحدد إيه اللي فعلاً محتاج يتشارك وإيه اللي ممكن تعالجه لوحدك أولاً. ده بيساعدك تبني وعي أقوى بنفسك ويقلل من الضغط الداخلي. كمان، في الإسلام قيمة كبيرة للصبر والتوكل، لكن معاها أهمية الدعاء والاستخارة في قرارات التعبير عن نفسك. حاول تختار لحظات هادئة تتواصل فيها مع ربنا بصراحة، وتطلب منه يفتح لك أبواب الفهم مع اللي حواليك. ولو عايز تطور مهارات التواصل، ابدأ بجمل بسيطة زي "أنا بحس كذا لما بيحصل كذا" بدل ما تكتم كل حاجة، عشان تدرب الآخرين على رؤيتك بشكل أعمق بدون ما تفرض عليهم فهم كامل مرة واحدة. أنت لسه بتحارب وده دليل على قوتك الحقيقية، مش ضعف. أنا هنا لو عايز تكمل الحديث أو تحتاج نصيحة عملية أكتر.
تم النشر الثلاثاء، ٤ أغسطس ٢٠٢٦
كل اللى بتمر به هيتغير اما تحب نفسك اكتر و ثقتك بنفسك تعززها و تطور بنفسك بشكل كبير علشان رايك يكون مسموع و اتكلم وعبر عن اللى جواك حتى لو مع نفسك حتى لو هتفتح ريكورد وتفرغ كل اللى فى عقلك واتكلم مع ربنا كتير هو اقرب اليك من الناس واتكلم واشكيله وقوله على المعاناه بتعتك بس علاقتك مع ربنا و نجاحك وتطورك و ثقتك بنفسك دول كفايه يخلوك مش عايز تعرف حاجه عن حد ولا يشغلك رأي حد فيك ولا اي حاجه انت مرتاح نفسيا مع نفسك وبالعكس هما اللى بعد تغيرك للحسن وحبك للحياه هيطلبوا رايك ويتكلموا معاك وانت هترتاح وهتعبر عن اللى جواك بصدق فى الاول هيكون صعب انك تتكلم ولكن اجبر نفسك انى هتكلم واعبر عن اللى جوايا وانى مش هخاف من حاجه ودى اول حاجه تقدر بها تعزز ثقتك بنفسك
تم النشر الجمعة، ٧ أغسطس ٢٠٢٦
كل إنسان ربي خلقه بطباع معينة زي كثرة التفكير الهدوء الحساسية .. فده شئ طبيعي .. وفي ناس طباعهم أصعب زي العصبية والتكبر وغيره
تم النشر الخميس، ٦ أغسطس ٢٠٢٦
عادي كلنا بنحس بالشعور ده في بعض من الاوقات بس المهم انك تتخطى لو قعدت تفكر في المشكلة الي عندك مش هتوصل لحاجه اهم حاجه انك تدور على حلها يعني قرب من ربنا الاول وادعي ربنا كتير وحاول انك تتعرف على ناس جديده او تتكلم مع ناس مكنتش بتتكلم معاها ممكن تكون بتحس بالشعور ده بسبب انك شفت ناس مش كويسه وممكن كمان تكون عشان خايف من رد الفعل او ان حد يحكم عليك الحل انك تكسر مخاوفك دي تعرف على ناس اكتر واتكلم اكتر ووصل وجهة نظرك متسكتش متكتمش في نفسك
تم النشر الأربعاء، ٥ أغسطس ٢٠٢٦
الله يعينك ويقويك .. بس لازم تعرف ان الدنيا كدا كلها كبد .. ف سيبها على الله ومتبطلش تحاول ومتبطلش تحارب
تم النشر الثلاثاء، ٤ أغسطس ٢٠٢٦
وربنا انزل الشرع تتغير به الطباع
تم النشر الخميس، ٦ أغسطس ٢٠٢٦
لعرض السؤال في فدني اضغط هنا