انا ينت عندي حاليا 16 سنه انا مش هقول بحب عشان انا مش عارفه احساسي ده صح ولا غلط انا معجبه ب ابن خالي وهو اصلا انطوائى ومش بيحب التجمع مع العيله والايام دي بفكر اعترف بإعجابي بس مش عايزه اخسر كرامتي وكبريائى وكمان مش عايزة اخسره هو لانه طيب وحنون وعنده اخلاق بس مش عارفه ازاي اوقعه في حبي وهل اعترف بإعجابي دلوقتي والا ايه محتاجه رايكم بجد
لا تعترفي بأي شيء! فكري قليلا في المستقبل: إذا لم يكن هذا الشاب زوجك كيف سينظر إليك أو كيف ستنظرين أنت إلى نفسك أمامه وقد اعترفت له بحبك منذ عشر سنوات أو "حاولتي توقعيه في حبك" كما تقولين؟ هذه العواطف العابرة بين القرناء في هذا السن قد تكون طبيعية وطبيعي أيضا أن تزول مع الزمن .. فاحتفظي بكبريائك وتقواك ولا تجعلي للشيطان عليه سبيلا من خلال ابنة عمته!
تم النشر الأربعاء، ٢٥ أكتوبر ٢٠٢٣
احب احيكي صراحةً في الاول .. برافو عليكي انك قولتي انه اعجاب لانك مش عارفه انه حب او لا... واحب اطمنك طالما انتي مترددة ومش عارفه اذا كان حب او لا .. يبقى هو مش حب. المشاعر ديه طبيعية جدا، خاصةً في سنك ده .. اللي هو سن المراهقة بيبقى فيه انجذاب واعجاب وده طبيعي جدا .. لكن مش حب. ومتعترفيش بأي حاجه خالص .. لان موضع العلاقة حاليا مش رايح في اي حته كويسة. انتوا لسه صغرين، ومفيش نضج او اتزان من اي نوع، غير ان كل واحد لسه يدوب بيحاول يعرف نفسه، وبيكتشف شخصيته. ف مرحلة ان الانسان لسه بيكون بيعرف نفسه اساسا في الاول، وبيكتشفها، منصحش انه يدخل في اي علاقة ارتباط، لانه بيبقى لسه مش عارف نفسه، هيعرف ازاي اللي قدامه وهيفهمه، هو اساسا تائه في حياته! يبقى كل المواضيع ديه تتأجل .. وفي كل الاحوال منصحش برضه ان البنت تعترف للولد بمشاعرها، خصوصا انها مش هتبقى عارفه الولد ده هيشوفها ازاي! اتمنى تكون الاجابة افادتك
تم النشر الخميس، ٢٦ أكتوبر ٢٠٢٣
والله فكرت كتير وبفكر فيه دايما واحيانا بحلم بيه بس هو انطوائى واحيانا بحس انه مش مهتم او مليش اي لازم في حياته او زيي زي اي حد عادى بس هحاول اشيله من دماغي وشكرا على الكلام المفيد جزاك الله كل خير
تم النشر الجمعة، ٢٧ أكتوبر ٢٠٢٣
طب متتأكدي كويس من احساسك شوفي بتفكري فيه ولا لا بتهتمي لحاجات لي ولا لا بس نصيحتي بجد متروحيش وتقوليلو لان هو لو بيحبك كان هيقولك او كان هيلمح او حتى يستنى يتقدم رسمي بلاش تعملي حاجه تخسري بيها ناس كتير فكري كويس اوي اوي اذ كنتي بتحبيه اصلا ولا لا
تم النشر الجمعة، ٢٧ أكتوبر ٢٠٢٣
بنت عمتي قالتلي انها بتحبني، والحمدلله مبنكلمش بعض كعيلة حاليا 😂😂
تم النشر الأربعاء، ٢٥ أكتوبر ٢٠٢٣
لعرض السؤال في فدني اضغط هنا