عارفه اني وانا بكتب إن في ناس هتنتقد كلامي
بس الموضوع هو انا، انا مش جميله ملامحي مش اجمل حاجه بس معقوله يعني
المشكله هي إن انا اوقات بكره نفسي بسبب إن انا في مجتمع تعامله مع البنات الجميله اكتر واهتمامه بالجميله اكتر
بجد انا بكره ابص في المرايه بكره الصور بس انا بالنسبه لنفسي جميله ومتقبله نفسي جدا لكن اوقات بيجي عليا اوقات انا مش حابه نفسي بحس بخنقه
حتى الشخص اللي معجبه بيه جماله ما يسمحش إنه يحبني لانه جميل جدا وانا عاديه
عارفه انكم بردو هتنتقدوا اني معجبه بحد بس احب اوضح اقسم بالله الاعجاب دا داخلي وماطلعش برا
يعني كنت حابه اقول ليه الجمال مقياس عند الكل ليه بجد ليه الحب محتاج جمال هو جمال الروح مش كافي ؟ هو الادب والذوق مش كافي ؟
بصي ي سكر كلامك عجبني 🙂↕️💯 بس عاوزه اقولك انتي مش محتاجه راي الناس في حاجه واللي هيحبك عشان شكلك ميبقاش حب اهتمي بنفسك لنفسك حبيها وهي هتحبك بصي دلوقتي ف المرايه وانتي بتقري الرساله دي وقولي انا ممكن اكون مش احلي واحده بس انا دايما نفسي صدقيني حبك لنفسك هينعكس علي شخصيتك و اي حد هيتعامل معاكي هيحس بكده وكمان سيبك من المجتمع ..المجتمع بقت نظرته لكل حاجه غلط بجد لو مشيتي ورا كلام الناس صدقيني هتفقدي نفسك و نفسيتك فعاوزاكي تعيشي لنفسك و اهتمي لنفسك هاتي ماسكات ميكب خفيف وطوري ذاتك وانا فخوره بيكي حتي لو انتي شكلك مش احسن حاجه 🫂☺️
تم النشر الجمعة، ٢١ نوفمبر ٢٠٢٥
انتي المفروض تسالي نفسك انا معاقة؟انا عايشة علي الادوية ؟انا متشوهة ؟لو اجابتك لاء يبقي تقولي (الحمد لله الذي عافانا مما ابتلي به الكثير )وانا مش بنتقدك خالص انا عارفة ان احنا كبنات مهتمين بالموضوع دا ودي طبيعة عندنا واحيانا اللي بتمشينا الهرمونات بس من رايي خليكي دايما واثقة انك جميلة وانتي عارفة انك جميلة فخليكي كدا ومتنقصيش من نفسك لانك طالما شايفة نفسك جميلة غيرك هيشوفك جميلة - مين اللي قال ان الجمال مقياس لكل حاجة او لكل الناس قال رسول الله ﷺ : ﴿ إن الله لآ ينظر إلى صوركم وأموالكم ، ولكن ينظر إلى قلوبكم وأعمالكم ﴾يعني يوم القيامة ربنا مش هيدخلك الجنة ان شاء الله عشان شكلك جميل لاء علشان اعمالك الجميلة وقلبك النقي -وبعدين في داهية الناس انتي هتكرهي نفسك علشان حد هي الناس بتصرف عليكي ولا ماسكين عليكي زلة-وعلي فكرة النصيب مش بيقف علي الجمال وهل كل جميل عاقل؟هل كل جميل سوي ويقدر يحافظ عليكي ويفتح بيت ؟حبي نفسك زي ما انتي واللي عايزك يحبك زي ما انتي
تم النشر الجمعة، ٢١ نوفمبر ٢٠٢٥
حبيبتي انت زي ما انت كده جميله افعلي كل ما يرضيكي انت وليس ما يرضي الناس راي الناس ده اخر حاجه فاهم حاجه انت يبقى راضي عن نفسك ربنا خلقك كده يعني خلقه ربنا ما ينفعش تعترضي عليها حبي نفسك زي ما هي طالما انت مش هتحبي نفسك وهتقدريها ما تهتمي بيها مين هيهتم بيكي مين مين برايك هيهتم ما حدش صدقيني فحبك لنفسك هو اهم حاجه هو اللي بيخليك جميله هو اللي بيخليك جميله في عين الناس وفي عين نفسك اهم حاجه تعيشي وانت مبسوطه طول ما انت راضي عن نفسك ما فيش حاجه هتضايقك حتى راي الناس فيك ولا اي حاجه تاني
تم النشر السبت، ٢٢ نوفمبر ٢٠٢٥
ممكن سمعتي هاد الكلام من قبل، بس صورتك عن نفسك بتظهر على ملامحك، يعني اذا انت بتكرهي شكلك الاشي بيظهر فعلا والعكس صحيح ياما بنات ملامحهن عادية بس بيهتمو بنفسهن وعندهن ثقة بنفسهن، ضحكتهن وشخصيتهن كلها بتحلّيهن اكثر واكثر... واقلك كمان اشي؟ قيام الليل بينور وجهك: فإن الجزاء من جنس العمل فإنهم لما احتملوا ظلمة الليل وهانت عليهم مكابدتها جازاهم الله بأن نور وجوههم، فقد قال سعيد بن المسيب رحمه الله : إن الرجل ليصلي بالليل، فيجعل الله في وجهه نورا يحبه عليه كل مسلم، فيراه من لم يره قط فيقول: إني لأحب هذا الرجل. وقيل للحسن البصري رحمه الله: ما بال المتهجدين بالليل من أحسن الناس وجوها ؟ فقال لأنهم خلوا بالرحمن فألبسهم من نوره. اهتمي ببشرتك، داومي على روتين صحي اشربي مي منيح اشربي مشروبات بتحسن من البشرة مثلا الشمندر او داومي على أكل البطاطا الحلوة... اعملي رياضة حبّي شكلك وصدقيني الاشي رح ينعكس على جمالك وثقتك بشكلك.
تم النشر الجمعة، ٢١ نوفمبر ٢٠٢٥
"لقد خلقنا الإنسان في أحسن تقويم" هذا كلام الله مش كلامي انتي تشوفي نفسك مب حلوه طيب احمدي الله دامك تشوفي وتسمعي وتمشي الجمال جمال الروح جمال الاخلاق الله يشوف النيات يشوف القلوب ومايشوف الملامح او الشكل لذلك صفي نيتك والباقي يحله الله
تم النشر الأحد، ٢٣ نوفمبر ٢٠٢٥
بصى يا استاذة خلينا نتكلم بالواقع الى احنا عايشينة بعيدا عن جو المثاليات المفروض يكون موجود لكن للاسف مش موجود.. احنا للاسف مشكلتنا اننا مجتمع مادى بيعجب ويحب ويقارن بالمظهر لكن من جوا مش مهم مع ان ممكن يكون من برا حلو ومن جوا صفر عادى.. وعلية.. احنا لازم نتعامل مع المجتمع دا لاننا مش هنقدر نغيرة ولا هنغير الناس وطريقة تفكيرها ونظرتها بسهولة.. مشكلتك هنا حاجتين انك شايفة نفسك مش جميلة كفاية زاى صحباتك والمشكلة التانية انك عارفة اننا كارجالة عموما بنشوف وبيشدنا البنت الجميلة.. وحل الكلام دا بيتوقف على طريقة تفكيرك ونظرتك ولو قدرنا نغيرهم هتلاقى نفسك متغيرة.. انتى كلامك صح ولكن المجتمع دا مش مثالى ومقدرش اقلك كلام انشا اشجعك فية وارفع من روحك وخلاص الكلام حلو لكن مش هيحللك حاجة بدون ما انتى تكونى متأكدة ومتغيرة ومغيرة تفكيرك من جواكى.. انتى مش الوحيدة الى بتعيشى المشكلة دى واحنا كاولاد بنعيش نفس المشكلة دى ساعات باختلاف الاسباب... طب الحل اى ؟.. اول حاجة لازم ترضى وتحمدى ربنا الذى خلقكِ فسواكِ فعدلك.. ولازم تدركى ان الجمال دا رزق والاخلاق رزق والذوق والروح الحلوة رزق وكل حاجة رزق والله يرزق من يشاء بما يشاء فكلنا رزقنا مش كامل ولا ناقص لكن احنا الى لازم ندور ع رزقنا ونفكر فية ونشوفة ونحمد ربنا علية.. ربنا لو اداكى رزق جمال قليل فرزقك اخلاق وطيبة نفس كبييرررة.. ربنا رزقك الرزق الى يساعدك انك تدخلى الجنة حسن الخلق.. لازم تفكرى فى رحمة رزق ربنا الى انعم عليكى بية ودا احسن من حاجات ظاهرية كتير والله.. النقطة االتانية اها احنا كاولاد بنشوف البنت الجميلة لكن مش كلنا صدقينى بنحسبها كدا.. وانتى فى رزقك هيكون الشخص الى هيشوفك احلى واجمل واحدة مش لشكلك لكن حلاوة روحك واخلاقك هتخلية يشوفك اجمل واحدة فى عنية.. انا عارف انة غصب عنك لكن متفكريش كدا ابدا انك متستاهليش او انك مش كفاية.. انتى كفاية وزيادة للى بيفهم والى يعرف انها مش بالشكل.. فروقى واضحكى وماتشليش هم... واسف ع الاطالة
تم النشر الجمعة، ٢١ نوفمبر ٢٠٢٥
اول حاجة قلة الجمال مش مشكلة .. وانا مش هقول كلام وردي وإن الأخلاق هي الأهم لأن في الواقع في بنات لو هتشيلي جمالهم وتبصي لروحهم منغير الجسد فهم خنازير ولكن عشان الجمال فبياخدو مميزات أكثر ... بالتأكيد الجمال هو جمال الروح والصح اننا نبص للشخص بأفكاره وأدبه وصدقه .. قال شاعر : لسان الفتى نصف ونصف فؤاده .. فلم يبقى سوى صورة اللحم والدم ........ فحاليا الناس بتجري ورا المتعة اللحظية الغرائزية.. كثير ناس بيدخنو سجاير ومدمنين اغاني وأفلام وغيرها فعشان التوجه للمتعة فبقوا يحبوا الشخص الجميل عشان يشوفوه بعين معجبة .. وده اللي خلا التوجه الحالي للناس هو مش الصدق والصراحة وعمق الفهم ولكن التوجه هو الجمال وسرعة الكلام وقصة الشعر وألوان اللبس وغيرها ..... على العموم هم لهم المتعة اللحظية قصيرة المدى ولكن بعدها بيحسو بفراغ كبير وحالة من اللامعنى لأنهم زي التماثيل المزخرفة معندهمش قيم داخلية تحسسهم بالمعنى .. حتى لو ظهر عليهم المظاهر والقوة والسعادة فدي بيصتنعوها للحظات وبعدها بينهارو .... ودليل على ذلك تلاقي بعضهم عنده الحسد والخبث ولو شفناهم خلف التمثال المزيف اللي بيرسموه هننصدم من شراسة بعضهم ..... لذلك المنافق وهو جميل من الخارج ولكن مع ذلك إذا خاصم فجر كما قال النبي صلى الله عليه وسلم
تم النشر السبت، ٢٢ نوفمبر ٢٠٢٥
ما الخلاصه ان الانجذاب غير الجوده الحقيقي وخير الناس من اعطي جاذبيه من جوده وصاحب الجوده وان لم يكن جذابا فيكون العيب في تقييم الناس حقيقه لا فيه هو السبب الذي جعل مثلك هكذا تلك الاضطرابات الاجتماعيه التي اصابت الناس ويراجع الاطباء النفسيين المتخصصين في هذا لتفسير معقول فاعتصموا بالله فكفى بنظر الله الينا في قلوبنا واعمالنا فليس لنا في نظره غيره طمع
تم النشر السبت، ٢٢ نوفمبر ٢٠٢٥
الجواب الجمال الظاهر يلفت الإنتباه ولكنه لا يبني حياة واما جمال الروح فهو المحور لبقاء الحياة وتلك. مسلمه والنفوس تميل الجمال لكن مساحة الرشد في العقول مقابل مساحة السفه صادمه ولذالك علينا بقول الله ولا تؤتوا السفهاء اموالكم ومن اجل ما ملكنا الله اياه هي انفسنا فهي اولى من اموالنا ان نجعلها عند الامين من الناس لا عند الجذاب منهم
تم النشر السبت، ٢٢ نوفمبر ٢٠٢٥
ده مش معناه ان الجمال مرتبط بالتصنع .. لأن في ناس ربنا مديهم جمال ومحترمين أو على الاقل غير خبيثين
تم النشر السبت، ٢٢ نوفمبر ٢٠٢٥
لعرض السؤال في فدني اضغط هنا