من فترة طويلة بعاني من حزن شديد ووحدة وإحساس مستمر بالخذلان. دخلت في تجارب عاطفية أثرت عليا جدًا، ومن بعدها فقدت ثقتي بنفسي وبقيت حاسة إن أي شخص بحبه أو أتعلق بيه في الآخر بيسيـبني أو بيختار حد غيري، وبقيت أقارن نفسي بالناس وأشوف نفسي أقل منهم.
عندي مشاكل في تقدير الذات، بلوم نفسي على كل حاجة، وبقيت مش واثقة في قراراتي وخايفة أمشي ورا احتياجي للاهتمام فأدخل في علاقات أو قرارات غلط. كمان عندي مشاكل مع أهلي وبحس إن في مقارنات وانتقادات كتير أثرت على نظرتي لنفسي.
الأعراض اللي بعاني منها هي: حزن وبكاء متكرر، فقدان للطاقة، وحدة شديدة، قلق وتوتر، صعوبة في التركيز واتخاذ القرار، إحساس إني تايهة ومش عارفة أنا مين، فقدان للثقة في نفسي، خسيت، ومعدتي بتتعبني باستمرار، وبقيت مش قادرة أستمتع بأي حاجة.
أوقات بحس إني عايزة أختفي من حياة الناس وأبعد عن الكل لأني مرهقة نفسيًا، لكن هدفي إني أفهم أنا بمر بإيه وأبدأ أتعافى وأرجع أثق في نفسي من جديد.
السلام عليكم ورحمه الله وبركاته منقدرش نقول اكتئاب او لا لان التشخيص ده لازم يكون عن طريق الطبيب النفسي وهو اللي يسمع كل التفاصيل ويسال الاسئله المحدده اللي تقدر تخليه درجه من درجات الاكتئاب او لا لكن خلينا نقول انه حتى الاكتئاب هو نتيجه صدمات او نتيجه ازمات نفسيه هي اللي وصلت الانسان لحد الاكتئاب فبشكل عالي كل الاعراض اللي موصوفه هنا هي بتقول ان احنا هنا مستهلكين نفسيا جدا جدا ومش قادرين نتخطى الامور اللي احنا عدينا ليها ومش عارفين نقفلها صح؟ فاحنا هنا محتاجين نعرف نقيم اللي حصل ونقدر نتخطوه ونعدي وكمان نقدر نحط نفسنا على طريق الاتزان النفسي بحاجات كتير جدا هنعرف ازاي نقيم نفسنا زي نحط نفسنا في الوضع اللي يناسبنا ازاي نخرج من وضع ما يناسبناش بنفسنا من غير ما نستنى انه هو اللي يسيبنا او هو اللي يخرجنا منه وفي حاجات كثيره قوي بس كلها هتتعمل لما اقدر اقيم الاوضاع اللي انا عديت بيها واقدر اقفلها صح جوايا نفسيا عشان ما تبقاش كلها امور يعني معلقه وبتاثر لي على خطوه جديده انا بعملها. فانا بنصح ان احنا يعني نتابع مع أخصائي نفسي او طبيب نفسي علشان نقدر نقيم الوضع صح إن شاء الله.
تم النشر الثلاثاء، ٢١ يوليو ٢٠٢٦
أختي العزيزة، أشعر بمدى الثقل الذي تحملينه، وأقدر شجاعتك في مشاركة هذه التفاصيل الدقيقة عن مشاعرك. ما تصفينه من حزن مستمر، وحدة، فقدان للثقة بالنفس، مقارنات، لوم ذاتي، وأعراض جسدية مثل فقدان الوزن وآلام المعدة، يشير إلى تداخل واضح بين الاكتئاب وتراكم الصدمات العاطفية والعائلية. غالبًا ما يكون الاكتئاب نتيجة مباشرة لمثل هذه التراكمات، حيث تؤدي التجارب المؤلمة إلى تشويه صورة الذات وإضعاف القدرة على الاستمتاع بالحياة، مما يخلق حلقة مفرغة من القلق والإرهاق النفسي. من منظور نفسي واجتماعي، هذا ليس ضعفًا فيكِ، بل استجابة طبيعية لضغوط متراكمة أثرت على تقديرك لذاتك وثقتك بالآخرين. الإسلام يذكرنا بأهمية الصبر واللجوء إلى الله في مثل هذه الأوقات، كما في قوله تعالى: "فإن مع العسر يسرا"، ويحثنا على التوازن بين الاعتماد على النفس والاستعانة بالدعم المناسب. لا أستطيع تشخيص حالتك هنا، فهذا يتطلب تقييمًا متخصصًا من معالج نفسي، لكن يبدو أن الجمع بين الاثنين (الاكتئاب والصدمات) هو الأقرب، وهذا شائع ويمكن التعافي منه بخطوات مدروسة. للبدء في التعافي، ركزي على خطوات عملية صغيرة: ابدئي بتدوين يومي لثلاثة أشياء إيجابية بسيطة حدثت، حتى لو كانت مجرد كوب شاي دافئ، لتعزيز الامتنان تدريجيًا. حددي روتينًا يوميًا خفيفًا يشمل وقتًا للصلاة والتأمل في آيات قرآنية تطمئن القلب، مع محاولة اتخاذ قرار صغير واحد يوميًا لإعادة بناء الثقة بنفسك. إذا أمكن، ابحثي عن أسئلة مشابهة على فدني للحصول على منظورات إضافية من النساء اللواتي مررن بتجارب مشابهة. أنتِ لستِ وحدكِ في هذا، ومع الوقت والدعم المناسب ستستعيدين توازنكِ وقوتكِ الداخلية. إذا أردتِ، شاركيني هدفًا محددًا تريدين العمل عليه لأساعدكِ في تفصيله.
تم النشر الاثنين، ٢٠ يوليو ٢٠٢٦
والله نفسي أقولك متزعليش، بس عارفة إن الكلام سهل. بس بجد متحمليش نفسك ذنب كل حاجة، مش كل اللي حصل كان بسببك. واضح إنك تعبانة من جوا ومحتاجة حد يسمعك من غير ما يحكم عليكي. وإن شاء الله هترجعي تثقي في نفسك حتى لو دلوقتي حاسة إن ده مستحيل
تم النشر الثلاثاء، ٢١ يوليو ٢٠٢٦
بصي انا حاسه بيكي بس مفيش حل غير انك تكوني مع ربنا وبس ملناش غيرو والله وحتى لو جالك الي انتي عايزاه محدش مضمون في الدنيا البشر ميتآمنوش نتعلق بربنا وبس وناخد ثقتنا منوا هو يكون امانك الاول ومصدر سعادتك الاول مبناخدش قيمتنا من البشر لإنهم متقلبين اصلا ،قيمتنا من الخالق وحده
تم النشر الثلاثاء، ٢١ يوليو ٢٠٢٦
لعرض السؤال في فدني اضغط هنا