دلوقتي انا مخاصم عيلتي كلها عماتي واعمامي وواخد قرار اني مش هكلمهم خالص بس فرح بنت عمتي اللي هي كانت بمثابة أختي وكنت حرفيا سوا مع بعض وليل نهار سوا وبنهزر ونقول أسرارنا لبعض وكانت اقرب ليا من اي حد حرفيا دلوقتي اتخطبت وكتبت الكتاب والعزال ومحضرتش ولا اي حاجه ليها بس بكره الحنه بتاعتها دلوقتي احضر فرحها ولا محضرش ولا اعمل ايه ؟
السلام عليكم.. روح علشان صلة الرحم. ومتغيبش.. روح واتصور معاها وسلم عليها واستأذن ع اساس عندك حاجة ضروري.. ومش شرط تقول سبب عن عدم حضورك كتب الكتاب والحنة والحاجات دي.. هو المهم الفرح.. ولو حسيت انك مش مرتاح للجو وحاسس ان وجودك هيعمل مشاكل .. ممكن تستأذن وتمشي عادي. بس لو لقيت انك مرتاح وحسيت انهم حاسين بغلطهم وعايزين يصالحوك ف ياريت تتصالحوا.. الدنيا مش دايمة ولا باقية لحد.. ونتصالح ونتقرب ف الفرح احلى من اننا نتصالح ونتقرب وفي حد ناقص مش معانا.. واستعيذ بالله من الشيطان كتير.. علشان هو اللي عامل التفرقة دي.. وربنا يرشد قلبك للي فيه الخير و يبقى اليوم جميل عليك وتبقى مبسوط فيه.
تم النشر الخميس، ٣ يوليو ٢٠٢٥
السلام عليكم، رأيي تروح وتعمل الواجب، أنا عارفة بيبقى صعب مواجهة العائلة لو فيه مشاكل وألم من ناحيتهم لكن احتسبها لله وإنها كنوع من صلة الرحم حتى لو هم غلطوا بحقك كتير. ممكن عشان تتجنب الاحتكاك والسؤال في الفرح وليه مجتش قبل كده وإن الحوار يتطور وتعيدوا المشاكل في وقت مش مناسب إنك تروح يا دوب كم دقيقة تسلم وتقوم بالواجب وتعتذر لها إنك محضرتش الخطوبة وكتب الكتاب. توكل على الله ومتخليش الشيطان ينتصر عليك بوساوسه للنهاية وعشان متندمش أكتر مستقبلًا. تحياتي.
تم النشر الأربعاء، ٢ يوليو ٢٠٢٥
عزيزي، موقفك صعب ومؤلم، خصوصًا وأن بنت عمتك كانت قريبة منك جدًا وكأنها أختك، والخصام مع بقية العائلة زاد الأمور تعقيدًا. لكن دعنا نفكر سويًا في بعض النقاط تساعدك على اتخاذ قرار حكيم: علاقتك الشخصية بها : هي لا ذنب لها في الخصام، وكانت تصلك معها علاقة حب وود عميق. حضور فرحها ممكن يكون تعبير عن دعمك واحترامك لها، خاصة وأنها كانت قريبة منك جدًا. تفادي المزيد من الصراعات : حضورك للفرح لا يعني بالضرورة أنك بذلك تؤيد الخصام مع بقية العائلة، لكنه يمكن أن يكون إشارة سلام وطي صفحة الخلاف معها بشكل مؤقت أو دائم. مشاعرها أنت تجاهها : هل تظن أنها تتوقع حضورك؟ وهل عدم حضورك قد يؤذيها أو يشعرها بالخذلان؟ مهم ألا تتجاهل مشاعرها خصوصًا وهي في مرحلة فرحها. كيف يمكن أن تحضر؟ : يمكنك حضور حفل الحنة أو الفرح بشكل مختصر، دون التورط في تفاصيل العائلة كلها، هكذا تعبر عن محبتك ودعمك لها دون أن تدخل في خلافات أكبر. من منظور إسلامي : حفظ الروابط الاجتماعية والعائلية أمر مهم، والتواصل مع الأقارب له فضل كبير. لكن الله سبحانه وتعالى يقدر الظروف، وأحيانًا يكون تجنب النزاع والحفاظ على النفس أيضاً واجب. إذا شعرت أن حضورك ممكن يكون سببًا في مزيد من المشاكل أو أنه سيجلب لك ضغطًا نفسيًا كبيرًا، يمكنك أن تبعث لها رسالة تهنئة ودعاء طيب معها، وشرح موقفك باحترام. بالمجمل، أنصحك أن تكون لطيفًا وعطوفًا تجاهها، سواء بالحضور أو بالتهنئة والتواصل معها بطريقتك الخاصة، فالفرح مناسبة جميلة يمكن أن تكون فرصة لتخفيف الخلافات أو على الأقل الاحتفاظ بعلاقة طيبة معها. إذا رغبت في دعم نفسي أو نصائح عن كيفية إدارة العلاقات العائلية المعقدة، فيمكنك البحث في منصة فدني عن خبراء متخصصين لعلاقات أسرية أو استشاري نفسي. وأنا هنا دائمًا لمساعدتك في أي سؤال أو نقطة أخرى تحب تناقشها. أتمنى لك التوفيق والراحة النفسية، ولا تنسى أن تترك مساحة للخير دائمًا في قلبك ❤️.
تم النشر الأربعاء، ٢ يوليو ٢٠٢٥
بغض النظر عن الفرح افشي السلام واعمل لله متستناش منهم مقابل .. وكل واحد بيتعامل بأصله / متخليهومش يمسوا حدودك ولكن متعلنش الانقطاع التام لأن ده شئ سئ جدا على المدى البعيد حتى لو تزوجت ان شاء الله أولادك هيحتاجو العزوة دي بين اقرانهم مش يحسوا أنهم مقطوعين / وأكيد اعمامك في بينهم أو حتى يخرج منهم اشخاص نواياهم طيبة / والأفضل تبتعد عن بنت عمتك لأن في شبهة والناس وزوجها ممكن هيظنوا السوء وكمان ممكن تكون غير مشروعة والله يعوضك بزوجة تكفيك عنها
تم النشر الجمعة، ٤ يوليو ٢٠٢٥
خدها مني وخليها علي ربك..روح بس بنيه صله الرحم وانك عايز تكون جنبها وخليها علي ربك وان شاء الله الدنيا تمشي كويس
تم النشر الخميس، ٣ يوليو ٢٠٢٥
انا مش اهل فتوى بس حاسه ان علاقتك ببنت عمتك دي حرام لان مفيش حاجه اسمها زي اختي لان حضرتك مش من محارمها . ودرجه قربك منها دي مش صح . لدرجه انك تقولها ان يومك من غيرها مش هيعدي . ف أسئل اهل علم في الموضوع ده . انا عارفه ان ده مش سؤال حضرتك بس حبيت اقول اللي حسيته
تم النشر الجمعة، ٤ يوليو ٢٠٢٥
احضر ونصيحه بجد ممكن انا اصغر منك بس بجد متخاصمش اهلك مهما كانت الخلافات بينكم ارجع وكلمهم تاني حتي لو هتبقي علاقتكم سلام بس كلمهم لان مش ختخس بقيمتهم بجد غير لقدر الله لو وقعت في مشكله
تم النشر الخميس، ٣ يوليو ٢٠٢٥
مدام علاقتك بيها كانت كويسه ياريت تقف جمها ف يوم زي ده
تم النشر الأربعاء، ٢ يوليو ٢٠٢٥
طالما ينفع تتجوزها يبقى مش اختك و مش مهم انت شايف ايه او الناس رأيها ايه المهم ربنا قال ايه واحنا مطلوب مننا نعمل اللي يرضي ربنا .
تم النشر الجمعة، ٤ يوليو ٢٠٢٥
يا جماعه دي حرفيا اختي لما بقولها يصحبي يومي مش بيعدي إلا بيكي وكده ده لأني اتعودت علي وجودها انا عارف حدودي لأن انا عارف برضه تفكير الناس هي فعلا اخت مفكرتش فيها غير ك أخت
تم النشر الجمعة، ٤ يوليو ٢٠٢٥
كان نفسي اقولك إن هم يستاهلوا إن الواحد يسأل عليهم بس هم ميستاهلوش أنا اللي كنت يجمعهم وبقعد معاهم ونجيب حاجات تسالي ونقعد نضحك ونهزر بس خلاص لما بانوا اكتشفت إن كل اللي كنت بعمله كان غباء مني
تم النشر الجمعة، ٤ يوليو ٢٠٢٥
حصل خير يا ميس بس انا مش محتاج عزومه انا إبن خالها اساسا يعني مش محتاج عزومه خالص اساسا عماتي عايزين يكلموني ويصالحوني بس انا اللي رافض لأني قررت ابعد عنهم لأني شوفت منهم مواقف مش كويسه واستغنوا عني وكده بس انا بتكلم علي بنت عمتي اللي هي كانت بمثابة أختي هل مثلا لو أنا روحت مثلا هيقولوا ليه مجيتش كتب الكتاب أو الخطوبه ولو مروحتش هل انا بشيل نفسي غلط لأني كنت دائما اقولها انا معاكي وهاخد سكن جنبك عشان مقدرش استغنى عنك ويومي مش بيعدي إلا بيكي
تم النشر الأربعاء، ٢ يوليو ٢٠٢٥
معلش انا فاكرة انك بنت ..لو هي سحبت عليك ف خلاص الافضل ماتروح عشان ما تروح ويسالوك ليش حضرت وتتفشل +في شي اسمه بطاقة دعوة ف لو ما عزموك لا تروح
تم النشر الأربعاء، ٢ يوليو ٢٠٢٥
لاكن لو حضورك ممكن يسبب مشكلة (مثلا امها ما تتقبلك) وبتسويلك مشكلة وعماتك بيكنون هناك غالبا ف اذا مارح يصير مشاكل روحي لاكن لو صارت مشكلة ف رح تقلبي يومها وتنكدي علها ويصير حضورك سيئ عليها
تم النشر الأربعاء، ٢ يوليو ٢٠٢٥
هي كانت بتعتبرني اخوها انا ابن خالها وكنت أقرب ليها من ولاد عمها وأهلها كانوا دايما يفرقوا بيننا عشان مكلمهاش
تم النشر الأربعاء، ٢ يوليو ٢٠٢٥
حاسس اني لو كلمت حد فيهم هتبقي كده كأني رجعت ف كلامي وكأني معنديش كرامه خصوصا انها بعدت عني زي عيتلي ومكانش حصل حاجه بعدت ومبقتش تكلمني زيهم
تم النشر الأربعاء، ٢ يوليو ٢٠٢٥
احس انك ماتروحي عشان متخانقه مع امها وسلالتها..مو سبب يخليكي ما تروحي
تم النشر الأربعاء، ٢ يوليو ٢٠٢٥
لعرض السؤال في فدني اضغط هنا