انا ليا ابن خالتي منذ سنتين قالي انه معجب بيا وفضلنا نتكلم فترة كويسة وهو قريب من ربنا وبيصلي وكويس بس مبقاش مهتم وطريقته اتغيرت وانا زهقت واهلي بيزنو عليا في موضوع الجواز رغم اني 19سنه بس وكل الي بيتقدمو مش عاجبني وغير مناسبين اعمل ايييي
متعلقيش قلبك بحد لمجرد إنه كان مهتم بيكِ في فترة من الفترات، لأن اللي ربنا كاتبهولك هيجيلك. لو ابن خالتك فعلًا جاد فطريق الحلال معروف، ولو اتغير أو بقى غير مهتم فالأفضل متفضليش معلقة نفسك بحاجة مش واضحة. وسن 19 سنة لسه بدري، ومش لازم توافقي على أي حد لمجرد ضغط الأهل أو خوفًا من فوات الفرص. شوفي صاحب الدين والخلق واللي ترتاحيله نفسيًا، وأهم حاجة متخليش رفضك للي بيتقدموا لكِ سببه إنك منتظرة شخص معين مش ظاهر منه نية واضحة.و جربي و استخيري ربنا و شوفي يمكن ترتاحي لحد من اللي بيتقدموا لك عادي. اسألي ربنا الخير، وخلي ثقتك إن ربنا أعلم بمصلحتك من نفسك، وما أخطأك لم يكن ليصيبك، وما أصابك لم يكن ليخطئك. وربنا يكتب لكِ الخير حيث كان ويرضيكِ به. 🤍
تم النشر السبت، ٢٠ يونيو ٢٠٢٦
السلام عليكم أهلا بيكى ممكن فترة تسلية مثلا ؟ مش عارف ممكن ودا برجحه لأنة كونه ابن خالتك ليه مقالكيش من زمان او مثلا بيبقى فيه تلميح واضح ف برجح انها ممكن تكون تسلية مش أكتر أما بالنسبة ليكى انتى فمينفعش تعلقى نفسك بحد سواء ابن خالتك او غيره انتى لسة صغيرة متربيش تروما لنفسك لو أهلك شايفين الجواز خطوة دلوقتى وانتى ممكن تتقبلى دا ادى فرصة لحد من اللى بيتقدموا واقعدى وشوفى أما بالنسبة لابن خالتك ف اعملى لنفسك قيمة وعرفيه ان ليكى باب بيت يخبط عليه واقطعى التواصل تماما ربنا ييسر أمرك ويوفقك للى فيه الخير ليكى
تم النشر السبت، ٢٠ يونيو ٢٠٢٦
بصي كل ما في الامر انك لسه صغيره ولسه نصيبك مجاش والجواز امر كبير مش سهل ومش اي حد توافقي عليه لانك انتي اللي هتعيشي معاه مش عيلتك حولى تفهميهم بهدوء ان الاستعجال في الجواز وحش وانهم اكيد مش هيكونوا مبسوطين لو لقدر الله اخدتى واحد غير سوي نفسيه وعمل فيكى حاجه او رجعتلهم من تانى اسبوع جواز والاسم بقيتى مطلقه بدل متكونى لسه انسه وانك لسه صغيره وهتشوفي كتير وهتقبلى ناس كتير وان معظم الشباب اليومين دول مش كويسيين والا من رحم ربي فضروري تتكلمى معاهم في الجزء ده وابن خالتك كان بيتسلى لان مفيش حد بيحب ﺣد يتغير عليه بل بالعكس بيحبو اكتر بيقربوا من بعض اكتر مش بيبعدو فانتى ابعدي وابني حياتك بنفسك لانك في اول مشوار في بناء مستقبلك ونقطه مهمه مش اي حد نشوفو بيصلى يبقي هو كويس مش شرط في ناس كتير بتصلى مش عشان تقرب من ربنا او ﻋارفه ان ده وصله العبد بربو في ناس بتصليه لانه فرض وخلاص وعشان ميتعذبوش من غير اهتمام ان قد اى الصلاه مهمه في حياتنا واننا اللى محتجنها مش هيا اللى محتجنا وصلى قيام الليل وادعي كتير بالزوج الصالح وعن تجربه بجد اي حاجه نفسك فيها صلى قيام الليل وادعي بيها واتمنى اكون فدتك ❤
تم النشر السبت، ٢٠ يونيو ٢٠٢٦
أختي العزيزة، أفهم تمامًا مدى الضغط الذي تشعرين به الآن، فأنتِ في سن 19 عامًا، وتواجهين تغيرًا في مشاعر ابن خالتك بعد فترة من التواصل، بالإضافة إلى إلحاح الأهل على الزواج. هذا الموقف طبيعي أن يسبب لكِ الإرهاق والحيرة، خاصة أن الشخص الذي كان قريبًا من ربه ويصلي لم يعد مهتمًا كالسابق، وأنتِ ترين أن المتقدمين غير مناسبين. دعيني أساعدكِ بخطوات عملية مستمدة من قيمنا الإسلامية وفهم النفس البشرية. أولاً، ركزي على نفسكِ وعلاقتكِ بالله. الزواج في الإسلام سنة حسنة، لكنه يجب أن يكون عند الاستعداد النفسي والمادي، وليس تحت الضغط. جربي الاستخارة والدعاء بصدق، واسألي الله أن ييسر لكِ الخير ويبعد عنكِ ما ليس فيه خير. كذلك، حددي أولوياتكِ الشخصية: هل تريدين تطوير نفسكِ في الدراسة أو العمل أو تعلم مهارات جديدة؟ هذا يمنحكِ قوة داخلية ويقلل من تأثير الضغوط الخارجية. أما بالنسبة لابن خالتكِ، فتغير مشاعره قد يكون إشارة إلى أن الأمر لم يكن مكتوبًا، فلا تتمسكي بما تغير؛ بدلاً من ذلك، ابتعدي عن التواصل إذا كان يزيد من الارتباك، واتركي الأمر لله. ثانيًا، تعاملي مع ضغط الأهل بحكمة وهدوء. تحدثي معهم بطريقة محترمة وواضحة، مثل: "أنا أقدر رغبتكم في سعادتي، لكني أحتاج وقتًا لأختار الشريك المناسب الذي يتوافق مع قيمي". اقترحي عليهم معايير واضحة للزواج (مثل الدين والأخلاق والتوافق) حتى يفهموا وجهة نظركِ. إذا استمر الضغط، يمكنكِ طلب وسيط من العائلة الموثوقين ليخفف التوتر. تذكري أنكِ لستِ ملزمة بالقبول بأي شخص غير مناسب، فالزواج شراكة مدى الحياة. أخيرًا، ابحثي عن أسئلة مشابهة على فدني للحصول على آراء إضافية من النساء اللواتي مررن بتجارب مشابهة. أنتِ قوية بما يكفي لتجاوز هذه المرحلة، ومع الوقت والصبر ستجدين الطريق المناسب. إذا أردتِ مشاركة المزيد من التفاصيل لأساعدكِ بشكل أعمق، فأنا هنا للاستماع.
تم النشر السبت، ٢٠ يونيو ٢٠٢٦
لعرض السؤال في فدني اضغط هنا