انا شاب عشريني تكونت بيني و بين ابن خالي صداقة عميقة حديثا هو من بداية العلاقة أراد الزواج بأختي بشكل صريح بينما انا مؤخرا بدات فكرت بالزواج من اخته بسب طيبته معي وتعامله الحسن والداعم لي ولكن المشكلة أن امي غير موافقة بسبب أن أمه ليست جيدة الطباع ايضا خوفا من تكون مشاكل أسرية لكن انا لا أعرفها حق المعرفة بسبب تباعدنا ايضا اختي أجمل والطف واخته أقل جمالا و لطف على ما أسمع ..
طبعا الزواج عندنا تقليدي جدا لا يوجد أي تواصل أو معرفة
أخشى اذا اصريت وتزوجتها ان نكون ازواج لأخوات بعض وتدخل الغيرة والحساسية بيننا
ولكن انا متشجع لأنهم من اسرتي ومعروفين لا احتاج للسؤال عنهم حيث اني متخوف من الزواج من الغرباء
ماهي نصائحكم حيث أكثر ما يشجعني هو صداقتي وحبي لابن خالي ودعمه لي في تقويم اخته اذا دخلت بيننا مشاكل لكن خائف من أمه هل ستأثر عليه مستقبلا اذا حصلت مشاكل أو هل زواجه من اختي فيما بعد سيؤثر على زواجي ايضا ويستعمل مبدأ المثل بالمثل
حاليا انا متشتت واحتاج من يصحح افكاري وينصحني
السلام عليكم، ليس شرطًا أن تربطا صداقتكما بزواج أحدكما من شقيقة الآخر لتظلا على تواصل وتحافظا على قوة صداقتكما. كل التحفظات التي ذكرتها ليست شرطًا لتحديد نجاح العلاقة المستقبلية من عدمها فهناك الكثير من الاحتمالات، قد تكون الفتاة مختلفة عن أمها وقد تكون مثلها، قد يساعدك أخوها في تقويمها كما تقول أو قد يساعدها ضدك ويقف في صفها مهما حصل منها ومهما كنت أنت محقًا، قد تفسد علاقتكما بسبب الزواج من أخت الآخر وقد يحدث العكس ويتضرر الزواج بسبب الصداقة. هناك كثير من الاحتمالات، وأنت من تستطيع التحديد والموازنة بين السلبيات والإيجابيات، وإن كنت أنا أرى أن الفتاة تستحق من يتزوجها لنفسها وليس لغرض تقوية صداقته بشقيقها وخاصة أنك لا تعرفها ولديك رأي مسبق أنها ليست بجمال أختك ولطفها. الفتاة تستحق من يراها زوجة وشريكة حياة. وعامة الأمر كله يختلف حسب الناس والشخصيات، هناك مشاكل تحصل في حالات زواج الأقارب وهناك أمثلة لعكس ذلك، هناك صداقات وعلاقات أخوة تفسد بسبب الزواج أو يفسد الزواج بسبب هذه العلاقات. ***** إن كنت تفكر جديًا في خطوة الزواج مستبعدًا صداقتك بأخيها فاتبع الخطوات الرسمية، صل استخارة واذهب للرؤية الشرعية وتعرف على الفتاة وحدد وقتها إن كانت مناسبة كشريكة حياة أم لا. بعد الزوج يعتمد الأمر عليكما معًا لإنجاح العلاقة وتلافي أي مشاكل وعقبات قد تحدث مستقبلًا. ** بالتوفيق.
تم النشر الأحد، ١٦ نوفمبر ٢٠٢٥
اولا كدا انت شكلك عمرك ما صحبت حد والصحبة دامت او في حاجة من هذا القبيل لان حسيت من كلامك انك مبسوط من الصحبة دي كانها حاجة جديدة عليك اما ان من بداية العلاقة وهو عايز يتجوز اختك فهو ممكن يكون مقرب منك علشان الموضوع دا لان انتوا طول عمركم قرايب اشمعني دلوقتي بقيتوا صحاب؟ حتى لو هو انسان كويس وجدير باختك دا ملوش علاقة انك تتجوز اخته وهو لو طيب مش لازم اخته تكون طيبه زيه فلما تفكر في موضوع الزواج يبقى تروح نظرة شرعية وتتكلم مع بنت خالك وتصلي استخارة وتشوف انت هترتاح ولا لاء وكذلك اختك مع ابن خالك - اما بالنسبة للام فوالدتك ممكن يكون عندها حق لانها ممكن تشوف ان بنت خالك نسخة من امها او ان امها بتقدر تسيطر عليها لدرجة انها ممكن تخرب عليكوا بعد الجواز او ان امها متسلطة هتتدخل في كل حاجة في حياتكم - بالنسبة لحته ان لو حصل مشاكل اخوها يدخل ويقومها دي مظنش لانها عادي ممكن متسمعش كلام اخوها -فكل دا انت لازم تتاكد منه قبل ما تاخد خطوة انك هل مرتاح لبنت خالي (مرتاح ليها هي مش اخوها انت هتتجوزها هي مش اخوها) هل بنت خالك ليها شخصية مستقلة فكريا بحيث ان امها متقدرش تسيطر عليها بعد الجواز وتحس ان امها عايشة معاكم في البيت ولو حصل نصيب بنكم انتوا الاربعة المفروض من الاول انتوا الرجالة تقولوا ان الجوازتين غير بعض يعني كل واحد بحياته ومشاكله ملوش دعوة بحياة التاني وبالتوفيق إن شاء الله وربنا يكتبلك الصالح اللهم امين ومتنساش تصلي استخارة
تم النشر السبت، ١٥ نوفمبر ٢٠٢٥
السلام عليكم ، هتلاقي أراء مختلفة ، مع احترامي طبعاً لكل أراء الأعضاء بس ممكن تحس بتشتت لذلك ف الأصح إنك تستخير الله عز و جل ف أمر ذي دة قبل م تُقدم عليه ،و ربنا يقدرلك الي فيه الخير
تم النشر الاثنين، ١٧ نوفمبر ٢٠٢٥
انصحك لا والله هتتعب الا زواج البدل عندنا كدا كان فيه اتنين بدل لما تتخانق واحده وتمشي التانيه برضوا كانوا بيمشوها علي بيتهم زي بنتهم و دلوقتي الاتنين أطلقوا والله مع انو فيه واحده بريئه منهم وكمان نقطه تاني زواج الاقارب مش شرط يكون كويس عشان انت عارفهم ومش هتسأل دا غلط انا بكلمك وانا حاصل معايا الموقف والله انا اتخطبت لأبن عمي ست سنين وعرفنا عنه بلاوي بعدين وسيبته اهو ابن عمي كان من حقي اكون عرفاه لكن لا والله بعد الست سنين عرفنا وبعدها سيبته حتي العيله قررت مش هاخد منها عشان كدا وارد الهم كله يكون من القريب وكمان مش حب ابن خالك يخليك تاخد خطوه زي دي لو حصل حاجه هتتفلب عداوه مش حب والله ابن عمتي اخد اختي وابن عمتي واخويا كانوا بيموتوا في بعض دلوقتي بسبب المشاكل والله متخاصمين من فتره طويله وبقوا بيكرهوا بعض جدا والله كل اللي انت سألت عنه فيه تجارب معايا ومع ناس اعرفهم عشان كدا نصحتك واسفه طولت عليك بس اقرأ الكل
تم النشر الأحد، ١٦ نوفمبر ٢٠٢٥
عادي علي فكرة انا خالي وخالتي اتجوزوا اتنين اخوات بس خالتي كانت بتاع مشاكل في كانت بتزعل كتير ف امها كانت شديدة ف كانت بتقول لخالي يودي مرات بيت اهلها فهو كان بيرفض وبيقولها ان مراته ملهاش دعوة والجوازتين غير بعض وخالي بقالوا 25 سنة متجوز عمر ما مراته راحت لبيت اهلها زعلانة- هما ناس قرايبي بس استصعبت اقول ابن خال ماما وبنت خال ماما ف قولت خالي وخالتي بس والله دا حصل
تم النشر الاثنين، ١٧ نوفمبر ٢٠٢٥
تجنب ما تفكر فيه انت ضامن اختك و اسلوبها لانها امامك وتعرفها بكده بن خالتك ف الامان لكن حسب ما وصفت زواجك مشكوك فى نجاحه اهم ما يجب ان تعرفه عن الفتاة التى تريد الزواج منها هى اخلاقها وامها لها خلفية سيية الطباع ف طبيعى هاتتشرب بعض الصفات. غير المقارنات ب اختك بعد الزواج ولو عملت مشكلة مع زوجتك امها مش هاتترك اختك فى حالها و هاتعيش حياة مقارنات تهلك الصحة النفسية
تم النشر السبت، ١٥ نوفمبر ٢٠٢٥
لا فكرة مش لطيفة هتقارن بين نفسك وصاحبك في المعاملة ديما
تم النشر السبت، ١٥ نوفمبر ٢٠٢٥
لعرض السؤال في فدني اضغط هنا