إجابة علي السؤال: مش مرتاحه دايما

اي الحاجات اللي انت بتفكري فيها أو بمعنى أصح حياتك عامله ازاي مع صحابك أو اهلك لأن ليها عامل كبير على اللي بيحصلك

إجابة من Mustafa Gazoo

تم النشر الأربعاء، ٢٥ يناير ٢٠٢٣

11 تعليق

ربنا يصبرك بجد و يعينك و حاولي تلاقي شخص قريب منك تتكلمي معاه و تحكيله و تفضفضي عشان لو فضفضتي هترتاحي اوي و ممكن مع الوقت يظهر الحل + ارضي بالأمر الواقع و احمد ربنا على اللي انت فيه بس ضرورى تشوفي حد قريب منك و تتكلميه معاه + اسف اني مفتدكيش باي حاجة

تم النشر الجمعة، ٢٧ يناير ٢٠٢٣


واجهتها كتير ولله هى مش فاهمني ولا حتي بتحول تفهمني وانا واجبي اقول حاضر وبس وساعات كتير بطلع عن اعصابي بس برجع احسب نفسي واقول مش هعمل كده تاني زى ما قولتلك هى متناقضه معايا فى الحاجات اللى انا عاوزها صغيره فى الحاجات اللى هى عاوزها انا كبيره العاقله 😂😂 انا مش بيدى دلوقتى غير أرضه ب الأمر الواقع حتى لو وصلت ل ايه او كونت فى ايه انا المسئوله مش هقدر الوم حد وهى امى واغلى حاجه فى الدنيا عندى ربنا يعنيها يارب ويخليها ليا وانا مسامحه وانا هحاول اضغط على نفسى وابقي احسن

تم النشر الجمعة، ٢٧ يناير ٢٠٢٣


حربتي توجهيها و تقوللها لي بتعملي كده ؟قوللها انك مش صغيرة و اعملي ده حتى لو بتقولك لا و حققي اللي نفسك فيه حتى لو هتعملي زيي و تسهري تعملي اللي انت بتحققيه و ربنا يرحم باباكي يارب و اكيد في مكان احسن 🤍 مش مهم انك تراضيها المهم انك عارفة انت بتعملي اي قدام ربنا و انك بتعملي اللي بيرضي ربنا معاها و بلاش احساس انك مقصرة على اللي حوليكي عشان مش هيقدم ولا ياخر ركزي على انت عايزاه و اعملي اللي بتعمليه معاها و بينك و بين ربنا أن راضياها و بعدين بردو راعي عصبيتها و حاولي تهاوديها و براحة كده زي مبتعملي لأنها بردو بتقول بدور الام و الاب كمان و حاولي توجيها و تساليها و لو قالتلك صغير قوللها انا مش صغيرة و اتكلمي معاها + مفيش شكر انا بساعدك عادي مش مستني أن حضرتك تشكريني والله ده واجب عليا اني اساعدك

تم النشر الجمعة، ٢٧ يناير ٢٠٢٣


هى بتمنعني مع ان هى مش بتساعدني وده شئ مزعلني بس معنديش مشكله اقسم بالله انا اكبر من كده واكبر اساعد نفسي هى بتمنعني وانا بنت يعني أعلى يقدروا يمنعوني عادى وبابيا متوفي انا مش عاوزه الوم حد على انا فى دلوقتى بس انا بين نارين بين اللى انا عاوزه وهى منعني عنها بحجه أن انا الصغيره وبين الحاجه اللى هى عاوزها وانا بعاملها ومش بتعجبها يعني انا دلوقتي ولا عرفت أراضيها ولا أرضى نفسى وبلوم نفسي على كده حتي حاسه اني مقصره ناحيه كل اللى حواليا فاهمه حضرتك ولله وشكر ليك انا مش بيدى حاجه غير أن احول ابقى كويسه

تم النشر الجمعة، ٢٧ يناير ٢٠٢٣


يارب اكون فدتك 🤍

تم النشر الجمعة، ٢٧ يناير ٢٠٢٣


متبقيش مستنيه من أهلك يساعدوكي عندك انا مثلا بتعمل التسويق الالكتروني و شغلي اون لاين اهلي واقفين ضدي و عايزني اركز اي تعليمي و بيحبطوني و بييجو عليا بس انا مش مستني مني حاجة انا عايز اوصل ل ده مش محتاج حد يساعدني أو يحبطني انا هعمل ده بنفسي .... موضوع أن امك بتعاملك غير عن خواتك ف ده بيكون طبيعي في أي أسرى اللي هو بتفضل شخص عن التاني ف حاولي تتاقلمي ب الموضوع لأن دي تربية غلط منها و بتعمل كره بين الاخوات ف خليكي انت احسن منهم و اتعاملي مع الموضوع أنه ماشي يماما اللي انت عايزاه أو حاولي تواجهيها تقوليلها ماما انا حسة انك بتعاملي خواتي احسن مني أو تقولي لابوكي انا حسة بكذا من نحية ماما ... بصي اشتكي هنا ع ال app احنا تحت امرك + موجودين هنا عشان نساعدك و كمان مفيش داعي للانهيار او انك تعملي حاجة في نفسك أو الكلام ده لقيتي نفسك مخنوقة ممكن تحكي مع حد قريب منك و تشوفو حل توصلوله و تيجي هنا ع الجروب و حاولي تخلي شخص قريب منك يساعدك في حياتك و في الحاجة اللي بتعمليها و يديكي طاقة إيجابية ويكون جمبك

تم النشر الجمعة، ٢٧ يناير ٢٠٢٣


رباب

تم النشر الجمعة، ٢٧ يناير ٢٠٢٣


إن انا اشتكي 😂

تم النشر الجمعة، ٢٧ يناير ٢٠٢٣


تعرف المشكله ايه اني عارفه ده كلوا كويس وبسمعوه لنفسي كل يوم كل يوم انا مستوعبه ده كله انا امى مصيره تحطني فى مكان مش مكاني معنديش مانع بعمل اللى هى عاوزه حتي لو مش عجبها عادى هعصر على نفسي لمونه بس كأنها مش عارفني وقد ايه انا شخصيه نفسها فى حاجات كتير وطموحه ومش بتساعدني فيها مش مشكله عندى مش عاوزه حد يساعدني بس مش تمنعني بحجه اني صغيره وفى حاجات اللى انتي عاوزها ببقا فى مكانه الكبيره العاقله اقسم بالله الانهيار ده مش بيدى بحول اسيطر عليها بحول أهدى نفسي اقسم بالله بحول وفى نفس الوقت طريقه معاملتها مع اخواتي غير طريقه تعاملها معايا بتخلينى انهار اكتر كان العيب فيا انا وانا معملتش حاجه انا مش بعرف اشتكي ولا حتي انهار قدام حد انا بقفل عليا باب الأوضه عشان مش عاوزهم يشوفوني وانا مش قدرها اخد نفس ومش عارفه ابطل عياط هى مش حتي بتحول تفهمني هعملك كل اللى انتي عاوزه ولله بس مش تمنعني عن حاجة انا عاوزها مع أن الاتنين عليا كتير بس انا مش هشتكي وانتي تلوميني انا بكره اصلا أن الحكومة نا اشتكي

تم النشر الجمعة، ٢٧ يناير ٢٠٢٣


اول حاجة عايز اقولهالك ان أن تفكيرك في المستقبل ده بيخلي في توتر و قلق انك خايفة الحاجة دي متتحققش و بيكون عندك اهداف و طموحات تعمليها ف ممكن يعدي مثلا متعملهاش ف تبتدئ تتوتري اكتر و طبعا متفكريش في الماضي لأن الماضي هيسببلك اكتاب ف اهم حاجة تعمليها انك تفكري في الحاضر و ده ازاي عن طريق كذا حاجة زي اي بقى انك تعملي خطط يوميا لحياتك تعمليها و تاخدي قرارات انك تعملي الحاجة دي انهاردة لأن الشخص اللي بيتحكم في الحاضر بيتحكم في الماضي ازاي يعني بيتحكم في الماضي و هو اصلا قديم .. مش ده قصدي .. قصدي انك اللي بتعمليه انهاردة تاني يوم بيكون ماضي ف اعملي حاجة كويسة عشان تاني يوم لما تفتكري عملتي اي امبارح تبقي عارفة أن الماضي كده كويس إنما لو عملتي حاجة انهاردة مثلا مش كويسة هتفكري فيها بكرة و تندمي و تبقي كده بتفكري في الماضي و بلاش التفكير في المستقبل لانه هيخليكي عندك توتر و قلق فكري بس في الحاضر اللي انت عايشاه و خدي قرارات يومية من نحيه اهلك ف هما مش عايشين جواكي و عارفين انت اي و بتفكري ف اي و تفكير زمان غير تفكير دلوقتي ف لازم تحاولي ترضيهم و حتى لو مش بيتراضو ف اهم حاجة اللي بتعمليه قدام ربنا و يكون راضيكي انت و اللي بتعمليه معاهم يكون خير ليهم حتى لو مش عاحبهم لأن تفكيرهم غيرك فحاولي متتاثريش بكلامهم كتير لان الأهل ليهم عامل كبير على حياتنا كلنا حتى انا بس لازم اني اكون عندي ثقة بنفسي و مفكرش غير اني عايز اكون كده و اخطط في الحاضر عشان مستقبلي يكون كويس و موضوع أنها عطياكي قيمه اكبر منك ف دي حاجة كويسة ليكي هتعرفيها بعدين انك بعدين تقدري تتحملي المسؤولية و تكوني قد اي حاجة بتحصلك مهما كانت .... لو استحملتي اللي بيحصل دلوقتي هتقدري تستحملي حاجات كتير اوي هتعدى عليكي و انت هتكون مرت عليكي فا مش هتقي في اللي انت وقعتي فيه قبل كده ...... اهدي و مفيش داعي العصبية ابدا مهما كانت اي أو العياط انت لازم تكوني قدها لأن ده قدرك اصلا ف لازم تحمدي ربنا على اللي انت فيه و تكوني واثقة أن دي حاجة كويسة ليكي بعدين عشان متقعيش و عشان متستسلميش ف حاربي و كوني قدها وانا واثق انك أن شاء الله تكوني قدها ...... اي كل الكلام ده 😂😂 انا اسف اني طولت عليكي بس انا لسه طالع من كورس كان بيتكلم على نفس الحاجات دي بظبط ف يعتبر انا لخصتلك الكورس و لو عايزة لينك الكروس بردو ادهولك تستفيدي ب الموضوع اكتر يعني و بالتفصيل + اسف تاني مرة اني طولت عليكي و بجد كتير اوي بس يارب تكوني استفدتي يعني لو استفدتي قوليلي بردو + ربنا معاكي و معايا و معانا كلنا

تم النشر الجمعة، ٢٧ يناير ٢٠٢٣


بفكر دائما فى مستقبلي والحاجات اللى نفسي احققها علاقاتي مع أصحابي كويسه واخواتي برضو بس دايما علاقتي انا وامي فيها شد وجزم مع أنى الصغيرة بس بتعملني كاني اكبر واحده حاسها دائما حطني فى مكان مش مكاني ده اللى مش انا عاوزه بس دايما ولله بحول ارضيها ما هى امى واغلى حاجه فى حياتي بس مهما عملت مش بيعجبها بتضغتنى لغايط ما كرهت اعمل حاجه بلوم نفسي على كل حاجه ربنا يسامحني لو قصرت فى يوم ناحيتها أو ضايقتها بس وربنا انا بحول دائما اعمل اللى هى عاوزه بس مش بيعجبها وده مقدرتى مش قادره اعمل اكتر من كده دايما مسئولية كبيرة عليا مفروض انا ابقي دائما العاقله البنت اللى مفيش فى شخصيتها اتنين مفروض برضو استحمل نرفزتها عليا الدنيا ضغطه الكل حاضر انا معنديش مانع تطلع نرفزتها عليا بدل ده شئ بيريحها بس انا الوحيده اللى بتطلع النرفزه عليها طب واخواتي كبير برضو وهيفهموكي بحس اني دايما السبب على حاجه مش عملتها ولله بلوم نفسي دائما متناقضه معايا الحاجه اللى أنا بقا عاوزه وهموت عليها لا انتي صغيره لا ماينفعش اخاف عليكي انا بجد متوتره دائما زمان كونت بقابل الموضوع ببرود دلوقتى اقسم بالله العظيم مش بقيت قدرها مش بقيت بسيطر على نفسي انهار من العيط والضغط اللى عليا مش بقدر اخد نفسي ومن النرفزه اخبط اى حاجه قدامي وممكن اتعور

تم النشر الجمعة، ٢٧ يناير ٢٠٢٣

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك