السلام عليكم ورحمه الله وبركاته
جماعه انا داخله الجامعة السنادى وكمان عندى فرح اختى ف نص تمانية ودلوقتى انا طالعه من الثانوية بشرتى مايعلم بيها الا ربنا وكمان وزنى زايد اه خسيت شويه من بعد ماخلصت بس عايزه اخس اكتر عشان الفستان يدخل 👩🏻🦯
ف دلوقتى ازاى اخس بسرعه بس بدون ضرر ع صحتى
ونيجى بقى للمهم بشرتى انا مختلطه وفيها خيوط دهنية سودا ف مناخيرى وبيضه ف دقنى وفيه كام واحده سودا كدا وخدودى كمان فيها المسام فيها حاجات سودا برده ماعرفش دى خيوط دهنية برده ولا ايه انا مش بحط ميكب خالص ممكن احط مره كل شهر مثلا وف البيت يعنى مش بنزل بيه خالص وقليل جدا لما بحط وحاجات بسيطه ف انا دلوقتى عايزه اعالج كل دا وقبل الفرح ياخواتى عشان يكون شكلى حلو عشان انا اخت العروسه الوحيده مافيش غير انا واختى مالناش اخوات تانيين
بفكر اجيب ليلاك غسول ومرطب بس مش عارفه خصوصا ان الميزانية ف الارض الفتره الى قبل الفرح دى وبابا وماما لو طلبت منهم حاجه مش بعيد يتبرو منى ف اتصرفولى اخواتى ف الله ربنا يستركم😭😂😂
ياسلام بقى لو قولتولى ع ماسك القهوه وماسك السكر والحاجات الى ببلاش دى هادعيلكم ليل نهار بس كله بيقول عليها غلط اعمل ايه انا دلوقتى 🙇🏻♀️
السلام عليكم ورحمه الله وبركاته انا بس يعني عايزه اقول حاجه في الاول هو احنا ليه بنجيب فستان نبقى عايزين نخس له طب ما نجيب فستان على مقاسنا يعني ليه عايزين ندخل نفسنا في الفستان ونضغط على نفسنا كده ما نخلي الموضوع الطف ويعني نجيب الفستان يكون على مقاسنا مضبوط يعني على وضعنا كده فيعني يا ريت اتمنى تاخدي نصيحتي دي عشان ده دايما التساؤل اللي عندي لما بلاقي البنات بتقول انا عايزه اخس عشان الفستان لا هو الفستان بيتعمل عشاني المهم البثور السوداء يعني من أنجح الحاجات ليها وانك تعملي سكراب وتعمليه تعملي قبليه حمام بخار احنا مش محتاجين تكاليف كثير الحمام البخار ممكن نعمله بالكاتل اللي احنا بنسخن فيه الميه عشان الشاي لو مش عايزين نستخدم الكاتل ممكن نغلي حله ميه على النار وبعدين نطفي على النار وناخذ البخار ده ونغطي راسنا بفوطه ويفضل البخار يطلع على وشنا ده بيفتح المسامي ولما يفتح المسام ننشف وشنا من المايه بس وبعدين نبدأ نجيب سكراب والسكراب بسيط جدا والسكراب بقى بتاع السكر والقهوه عظيم يعني انا الاضرار بتاعته هو انك بس ما تعمليش انت يعني ما تدوسيش انت قوي على بشرتك عشان ما يحصلش التهابات ايه معلقه قهوه ومعلقه سكر وبما ان بشرتك دهنيه فممكن تحطي نقطتين ليمون وتقلبيهم كده على بعض وممكن بقى تضيفي مثلا زبده زيتون ممكن تضيفي زيت جوز هند يعني هيبقى حلو جدا برده عشان البشره ما ما تلتهبش او ما تبقاش ناشفه قوي بعد ما تخلصي ولكن هتعملي سكراب كويس قوي هتلاقي جزء كبير جدا من البثور بدا يطلع تقدري تستعيني بالابره اللي هي بتاعه الفطور لو قدرت تستخدميها مقدرتيش تستخدميها وممكن تاذي نفسك او تعوري نفسك بيها فبلاش ممكن بقى يعني كده من مصروفنا او اي حاجه نروح نعمل تنظيف بشره فاقرب كوافير جنبك بس يكون حد مضمون ونضيف تاكدي ان هم معقمه والحاجه نظيفه او تروحي مركز يكون بيعمل تنظيف البشره ده يعني اعتقد بيكونش تكلفته كبيره قوي ممكن تلاقي في مراكز بتعمله ب 200 جنيه ب 250 وبيكون لطيف وهتديكي النتيجه اللي انت محتاجاها لحد يوم الفرح اعملي حاجات مرطبه بسيطه هتلاقي وشك نور باذن الله على الفرح.
تم النشر الثلاثاء، ٢٢ يوليو ٢٠٢٥
وعليكم السلام ورحمة الله وبركاته، يا حبيبتي ذكية معك، وأنا هنا لمساعدتك بكل حب واهتمام. أولاً، أحب أبارك لكِ دخولك الجامعة وفرح أختكِ قرب، وإن شاء الله كل حاجة تكون على أكمل وجه. خليني أرتب لكِ الموضوع عشان يكون سهل وواضح. بدايةً: خسارة الوزن بسرعة وبأمان البطء في خسارة الوزن أفضل لصحتك: خسارة الوزن بشكل سريع جداً ممكن تضر جسمك، فخلي هدفك خسارة وزن متدرج يعني نصف كيلو لكيلو في الأسبوع تقريباً. نظام غذائي صحي: حاولي تركزي على أكل صحي متوازن (خضار، بروتين، فواكه، وقليل من النشويات)، وقللي السكريات والدهون المشبعة. شرب ماء كثير: لأن الماء يساعد على تنشيط الجسم وحرق الدهون، وحاولي تشربي من 8 إلى 10 أكواب ماء يومياً. الحركة اليومية: مش لازم رياضة عنيفة، بس المشي لمدة نصف ساعة يومياً أو أي نشاط بتحبيه. العناية بالبشرة المختلطة مع وجود خيوط دهنية وسوداء اختيار غسول مناسب: ليلاك غسول خيار جيد للبشرة المختلطة لأنه يساعد على تنظيف البشرة وزيادة نضارتها بدون تجفيفها. استخدميه مرتين يومياً بحركات دائرية لطيفة. الترطيب مهم جداً: رغم أن بشرتك دهنية أو مختلطة، الترطيب ضروري، استخدمي مرطب خفيف (يفضل خالي من الزيوت ويدعى "oil-free"). تنظيف المسام السوداء: لا تغسلي وجهك كثيراً أو تفركي بشرتك بشدة، استخدمي مقشر لطيف مرتين في الأسبوع. يمكن استخدام ماسك القهوة طبيعي كفكرة، لكن يجب أن تكون حركات الفرك خفيفة جداً حتى لا تجرّحي البشرة. بالنسبة لماسك السكر، هو مقشر كذلك لكن انتبهي لا يفرك بشرتك بقوة. عدم المبالغة في استخدام المكياج: بما أنك لا تستخدمين مكياج كثير، فهذا جيد لأن المكياج المستمر قد يفاقم مشكلة المسام السوداء. تجنبي لمس الوجه كثيراً لأن اليدين تحمل بكتيريا يمكن أن تزيد المشكلة. نصائح أخرى احصلي على قدر كافي من النوم: النوم الجيد يساعد على تجديد خلايا البشرة وتحسين صحتها. تجنبي التوتر والضغوط النفسية: لأن التوتر ممكن يزيد مشاكل البشرة، وحاولي توكلي أمورك على الله وتمشي خطوة بخطوة. إذا استمرت مشاكل البشرة، استشيري خبير جلدية: لأن بعض المشاكل قد تحتاج علاج طبي. وأخيراً عن الميزانية والطلب من الأهل أنتِ ذكية وعندك قدرة على تنظيم الأمور بدون ما تضطري تطلبي أشياء كثيرة، ركزي على الأساسيات زي غسول جيد ومرطب بسيط. دايماً ممكن تلاقي حلول طبيعية بسيطة وآمنة للبشرة زي عسل نحل طبيعي، لكن خليك حذرة مع المقشرات الطبيعية عشان لا تضرّ بشرتك. يا جميلتي، نصيحتي الرئيسية هي الصبر والاهتمام بنفسك بطريقة صحية وغير مُجهدة، واخلقي روتين بسيط ومستمر. وإن شاء الله يوم فرح أختك تظهري بأحلى وأجمل صورة. لو حبيتي، ممكن أساعدك أوجهك لأخصائية جلدية أو خبيرة تغذية موجودين على منصة فدني عشان يساعدوك بشكل محترف. وأي سؤال ثاني، أنا موجودة معاكِ دائماً، لا تتردي تسألي. ربنا يوفقك ويبارك في فرح أختك ويكتب ليكم السعادة جميعاً! 🌸✨ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٠ يوليو ٢٠٢٥
لو معاكي فلوس وفاضيه روحي اكشفي عند دكتور جلديه يعملك جلسات تقشير.... ونصيحه مني ... انا لسه رجعه من عند الدكتور من يومين قالي لازم تعملي تقشير ف الشتا عشان بشرتك متسمرش
تم النشر الأربعاء، ٢٣ يوليو ٢٠٢٥
بصي يا بطوطه... الي تقدري تشتغلي عليه دلوقتي..هو انك تحبي نفسك... الناس كلها تخينه والناس كلها بشرتها محببه وانا وحده منهم... قدامك ١٥ يوم تقريبا تتعلمي ازاي تحبي نفسك زي ماهي... وحاولي لما تاكلي تكلي وجبتين بس ومتشبعيش... دي فعلا اخطر نصيحه ممكن اديهالك اوعي تشبعي سواء غدا او عشا.... لو انتي جعانه كلي خيار.. ونصيحه اخت.. محدش بيخس في نص شهر الا خمسه كيلو بالكتير خالص ده لو مكلتيش خالص... انتي جميله يا روحي ومش مهم تشقطي عريس يعني في الفرح😜وعيلتك طبعا بتحبك وشيفاكي قمر...❤️ خليكي شيفه انك جميله واتصوري وارقصي كأنك ملكه جمال❤️
تم النشر الأربعاء، ٢٣ يوليو ٢٠٢٥
اعملي جلسات تنضيف بشره . مثلا اعملي ماسك الطمي
تم النشر الاثنين، ٢١ يوليو ٢٠٢٥
لعرض السؤال في فدني اضغط هنا