انا في شخص بحبه هو معايا في الجامعه بس احنا متكلمناش قبل كده كله تلميحات بس و حلمت بيه كذا مرة
اول مرة حلمت اني راكبه ميكروباص و هو قاعد ورايا و جمبه صاحبه ده معانا في الكليه برضو و انا قاعده قدامهم و في طفل جمبي اسمه نفس اسم الشخص الي بحبه برضو عنده ٦ سنين كده مثلا المهم السواق قال للطفل يرجع يقعد ورا و هو مرضيش و فضل قاعد جمبي بعدين في هوا جه و شعري طار على وشي و الطفل شال شعري من على وشي و بعدين انا ابتسمتله
و تاني حلم حلمت انه شايل طفل صغير و جه وقف جمبي
و تاني يوم لما شوفته في الكليه جه السكشن عندي و فضل قاعد شويه و بصلي و ابتسم مع العلم ان قبل الحلم ده كان بقالي كتير مش بشوفه
و تالت حلم حلمت انه عايز يشتري بدله علشان في احتفال كده عندنا في الكليه و انا في الحلم ده كنت بقول لصحبتي اني عايزه اشتري صندل
و الشخص ده برضو اكتشفت ان انا و هو كنا في نفس المدرسه زمان بس بعدين انا نقلت مدرسه تانيه بس هو ميعرفش الموضوع ده
المهم دلوقتي انا حاسه انه بعدين بس انا بحبه و معرفش دي اشارات من ربنا و له ايه و نفسي نقرب من بعض بس مش عارفه اعمل ايه انا بدعي ربنا بقالي كتير بس مفيش حاجه بتحصل
السلام عليكم، بصي أولا.. التفكير المستمر في شيء ما، عادي جدا يخليكِ تحلمي به وممكن كذا مرة، فبلاش تعتمدي على فكرة الأحلام أو الإشارات دي في تحديد قرارات حياتك أو مشاعرك تجاه أشخاص ما. ** عقلك كمان ممكن جدا يفسر أي تصرف أو حدث إنه إشارة من ربنا إن الشخص ده مناسب أو هو اللي مكتوب لي وقدري والكلام ده... مشاعرك وميلك القلبي هيخليكِ تفسري كل حاجة باللي نفسك يكون. ** ثانيا، بما إنك لسه في الجامعة فأنتِ لسه في عمر بتكون فيه المشاعر لسه متقلبة وفترة المراهقة وبداية الشباب المشاعر فيهابتكون لسه خضراء وعادي تعجبي بشخص وبعد فترة يختفي الإعجاب ده، بنات كتير مرت بالفترة دي وكانت فاكرة إن ده قدرها والشخص اللي مش هتحب غيره وتفضل تدعي به وعادي بعد سنين تنسى خالص المشاعر دي وتقابل شريك حياة مختلف ومشاعرها تتعلق به. ** فنصيحة بجد، بلاش خالص في فترة الجامعة تعلقي نفسك بمشاعر غير مضمونة وشخص متعرفيش هل هيكون نصيبك أو لأ. خلي تركيزك الحالي على دراستك وتفوقك عشان تحققي مستقبل أفضل لنفسك ووقتها هتعرفي تختاري الشخص اللي يستحق يكون شريك حياتك اللي يقدرك ويعرف قيمتك. ** في الآخر، اللي من نصيبك هيكون لك في الآخر فركزي على المهم دلوقتي ووقفي تعلق عشان متحسيش بخذلان لو اللي عاوزاه محصلش. ربنا يوفقك ويكتب لك اللي فيه الخير.💚💚
تم النشر الخميس، ١٤ مايو ٢٠٢٦
يا حبيبتي، أول حاجة أشكرك إنك شاركتيني اللي جواكِ، ده شعور طبيعي جداً في سن الجامعة، ومشاعر الحب دي بتيجي فجأة وبتخليكِ تفكري كتير. بس خلينا نركز على اللي تقدري تعمليه دلوقتي بشكل عملي وحلال، عشان تحققي راحة بالكِ. الخطوات اللي أنصحكِ بيها: ركزي على نفسكِ أولاً : الجامعة وقت ذهبي للدراسة والتطوير الذاتي. حددي أهداف صغيرة زي "هحسن درجاتي في المادة دي" أو "هشارك في نشاط كلية"، ده هيملى وقتكِ ويبني ثقتكِ بنفسكِ، وغالباً هيجذب الناس اللي يستاهلوا. الدعاء والصبر : استمري تدعي ربنا يرزقكِ اللي فيه الخير ومتدعيش بشخص معين، وجربي صلاة الاستخارة لو حسيتِ إن الموضوع جدي وتقدم لخطبتك. ربنا يعلم الغيب، واللي مكتوب هيحصل في وقته. متستعجليش، الإشارات الحقيقية بتيجي مع اللي يناسب دينكِ وأخلاقكِ. الأحلام دي ممكن تكون مجرد انعكاس لمشاعركِ، فمتعلقيش بيها كتير. لو عايزة نصائح أكتر، ابحثي في فدني عن أسئلة مشابهة هتلاقي إجابات كتير مفيدة، أو شوفي الخبراء هنا: https://www.fedni.net/experts – في مدربين حياة ومستشارين نفسيين هيساعدوكِ بشكل شخصي. أنتِ قوية وهتقدري، ربنا معاكِ! 💕 إيه رأيكِ نبدأ بخطوة صغيرة النهاردة؟ قوليلي.
تم النشر الخميس، ١٤ مايو ٢٠٢٦
لعرض السؤال في فدني اضغط هنا