السلام عليكم ورحمة الله وبركاته 💗
ازاي اقدر اتخطى فراق شخص توفاه الله وكان غالي عندي اوي فات سنه وانا لسه واقفه مكاني كأنه لسه متوفي امبارح ومش قادره امارس حياتي الطبيعيه.
اتمنى نصيحه تفيدني وتدعوله بالرحمه والمغفره فضلاً ❤️🩹
السلام عليكم ورحمه الله وبركاته في مسألة الفقد الموضوع بيبقى مش مفهوم شويه بس لما نفهمه ممكن نقدر نعديه إن شاء الله بافضل شكل اولا لما نفقد شخص احنا مش محتاجين ان احنا نوقف نفسنا عن حاله الحزن عموما اي شعور او اي حاله احنا مش عايزين نقاومها كل ما بنقاومها كل ما مدتها هتطول وكمان شدتها هتزيد فاحنا مش عايزين نقاومها احنا من حقنا ان احنا نعيش كل شعور ايا كان ايه هو فحتى شعور الزعل والحزن محتاجين ان احنا نعيشه بس الفكره كلها هنعيشه قد ايه وهنعيشه ازاي وقد ايه هيبقى موقفنا او مؤثر على حياتنا انت هنا بتقولي انه بقالك سنه وحياتك متوقفه بسبب فقدان الشخص ده. في خمس مراحل بيعدي بيهم اي انسان ولما بيفقد شيء عزيز عليه حتى لو كان يعني ميداليه فقدها والميداليه دي عزيز عليك ممكن يعدي بنفس المراحل الفكره كلها انا هعدي المراحل دي كل مرحله منهم هتاخذ وقت قد ايه هو ده اللي بيفرق خلينا كده نشوفهم يعني في عندنا اول مرحله بتبدا وهي مرحله الإنكار لا لا الكلام ده ما حصلش لا لا مش ممكن ببدا انكر انه ده حصل وبكون مستني انه يكون ده حلم يعني انا عايز ده الحلم ده يخلص وانا افوق الاقي الكلام ده فعلا ما حصلش ومش حقيقي بعد مرحله الإنكار ما بتفضل موجوده وابدأ الاقي كل الحاجات اللي في الواقع عماله بتاكد عليا فانا بقى بتضايق انه ده عمال بيتاكد فادخل في مرحله الغضب وانه لا لا انا ما كنتش عايز ده يحصل اصلا وابدا اكون غضبان طول الوقت بتكون انفعالات دايما شديده اكون مش حابب اسمع حد بيأكد الموضوع ما حدش يقول انه انا فقدت الشخص ده ما حدش يتكلم بالطريقه دي بتبقى مرحله الغضب بعد كده بروح بقى لمرحله اهدى مرحله التفاوض طب ممكن اعمل ايه وارجع تاني مع الشخص ده طبعا ده بيكون في حاله مثلا الوفاه بيكون بتكون مرحله هي غير منطقيه خالص حتى الانسان وهو بيكلم نفسه يحس ان فيه حاجه غلط اعمل ايه طب يعني طب خلاص اوكي انا لو انا كنت مزعله انا مش هزعله بس هو يرجع ثاني دي كده مرحله التفاوض او مساومه انا انا عايزين نساوم كده نشوف انا مستعد اعمل اي حاجه بس الشخص ده يرجع مره ثانيه اخلص من حاله الفقدان بعد كده بيبدا الشخص يخش في مرحله اكتئاب هي مش بتبقى اكتئاب مش لازم يكون مصاب بالاكتئاب لكن بيكون عنده كل اعراض الاكتئاب هو حابب ان هو ينعزل هو حاسس بوهن شديد وحزن جديد مش قادر يعمل اي حاجه في حياته فبيكون في مرحله الاكتئاب يعني وجود الاعراض دي بيدينا كده نظره تفاؤليه رغم ان هي اعراض اكتئابيه لكن هي نظره تفاؤليه ان احنا خلاص قربنا من اخر مرحله لا خلاص بقى انا بعد كده بتقبل الموضوع وابدا اشوف انا قد ايه متاثر بالفقدان ده واشوف انا اقدر اعمل فيه ايه فكري كده في المراحل دي وبعد ما انا شرحتها لك يعني بشكل مختصر قولي لي انت حاسه نفسك في انهي مرحله بالظبط عشان نقدر نقول ايه الحاجه اللي محتاجين نعملها عشان نتخطى بقيت المراحل إن شاء الله.
تم النشر الثلاثاء، ٢٤ يونيو ٢٠٢٥
وعليكم السلام ورحمة الله وبركاته أنا مامتى متوفيه الله يرحمها وكنت متعلق بيها بطريقة فظيعة المهم هي متوفيه من سنتين وانا بجد كل يوم بتعلق بيها اكتر من اليوم إللى قبلو بس مش زعلان أنها ماتت علشان كنت واثق من ربنا إن هوا اختار الأحسن ليها ولينا فأنتى ثقى فى الله عز وجل وبدال ما توقف حياتك خلى فراقو قوة دافعة ليكى خليكى إيجابية وسيبك من اللى بقلك روحى لدكتور نفسى دا مش مرض ودا العادى انك تحزنى وتعيطى عليه. .... النبى صلى الله عليه وسلم لما فقد ابنه ابراهيم شالو وفضل يعيط فعادى يعنى ما عليكى غير انك تتقوى بالثقة بالله وتدعيلو بالرحمة وربما يرحمو هوا ومامتى وجميع المسلمين اموات وأحياء واتمنى اكون أفدتك
تم النشر الخميس، ٢٦ يونيو ٢٠٢٥
انا اعزيكي في من هو غالي عليكي، حاولي انك تستوعبي الموقف لانه واقع في حياتنا وبيمر على ناس كتير حوالينا . لو فعلا بتحبي الشخص ده ادعي ليه وافتكري أنه اكيد كان بيتمنى ليكي كل النجاح والتقدم في حياتك. فكده انتي واقفه مكانك وهو اكيد حاسس بيكي وهيزعل انك في الحاله دي. فخدي وقتك بس حاولي الوقت ميكونش كبير واستعيدي طاقتك لانك لازم تكملي في طريقك وحياتك علشان تحققي هدفك وكل اللي بتتمنيه
تم النشر الأربعاء، ٢٥ يونيو ٢٠٢٥
وعليكم السلام ورحمة الله وبركاته يا غالية، أشعر بمدى الألم والوجع الذي تحمليه في قلبك بعد فقدان شخص عزيز عليك، وهذا أمر طبيعي جداً ومفهوم تماماً. فقدان من نحب يشبه جزءاً كبيراً من حياتنا الذي اختفى فجأة، وهذا يجعلنا نتوقف عن الانطلاق في حياتنا. دعيني أشاركك بعض النصائح التي قد تساعدك على تخطي هذه المرحلة مع الحفاظ على مشاعرك وتقدير ذاك الشخص الحبيب: تقبلي مشاعرك بكل صدق الحزن والفقدان مشاعر طبيعية لا يمكن تجنبها أو تجاهلها. لا تشعري بالذنب إذا كنت تبكين أو تحسّين بالحزن الشديد. هذه المشاعر جزء من عملية التعافي. الاستمرارية في الدعاء والصدقة من أجمل الطرق التي تواصلي بها المحبة والرحمة لشخصك الراحل هي أن تدعي له دائماً بالرحمة والمغفرة، وأن تصدقي عنه، أو تعملي أعمال خيرية بنية رفع درجاته. تذكري اللحظات الجميلة دون حزن مفرط قد يساعدك أن تتذكري اللحظات السعيدة والمواقف التي جمعتك به، ولا يعني ذلك أنك لا تحبينه أو تتقبلين الفراق، لكن تذكُّر الخير يخفف الألم. ارجعي تدريجياً لحياتك الطبيعية بخطوات صغيرة لا تضعي على نفسك ضغطًا كبيرًا للرجوع للحياة كما كانت فجأة، بل ابدئي بأشياء بسيطة، مثل ممارسة هواية تحبينها، التواصل مع أشخاص يحبونك، أو تطوير مهارة جديدة. ضعي هدفاً أو مهمة صغيرة لتشغلي بها قلبك قد يكون ذلك كتابة يومياتك، أو تعلم شيء جديد، أو خدمة الآخرين. هذا يساعد على تخفيف الفراغ الذي تشعرين به بعد الفقد. احصلي على دعم من حولك وإلا من مختصين إذا استمر الحزن لفترة طويلة لا مانع من استشارة خبير نفسي أو استشاري في حال شعرتِ أن الحزن يسيطر على حياتك ويمنعك من الأداء اليومي. وأخيراً، اسألي الله عز وجل أن يكرم روح من فقدته، وأن يجعله من أهل الجنة، ويمنحك الصبر والسلوان. اذكري قوله تعالى: (وَبَشِّرِ الصَّابِرِينَ * الَّذِينَ إِذَا أَصَابَتْهُم مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ) [البقرة: 155-156] أنا هنا معك لو حبيتي نتحاور أكثر أو إذا أردتِ نصائح إضافية، لا تترددي أبدًا في التواصل. والله يرزقك الصبر وراحة القلب 💗🌹 إذا أحببتي، يمكنك أيضاً زيارة صفحة المختصين في فدني، حيث تجدين خبراء نفسيين يمكنهم مساعدتك بشكل أعمق. يمكنك الاطلاع عليهم من هنا: https://www.fedni.net/experts ولا تنسي البحث في فدني حول تجارب وأجوبة كثيرة تتعلق بفقد الأحبة، ستجدين دعمًا كبيرًا.
تم النشر الثلاثاء، ٢٤ يونيو ٢٠٢٥
الفراق طبعآ موش ساهل وعن تجربه بس ربنا خلقنا عشان ننساه ونكمل الحياة لانها هي اصلا دار فانيه
تم النشر الأربعاء، ٢٥ يونيو ٢٠٢٥
وعليكم السلام ورحمة الله وبركاته انصحك بالمتابعة مع متخصص لان نصائح النت مش هتكون مفيدة
تم النشر الأربعاء، ٢٥ يونيو ٢٠٢٥
الله يرحمه ويغفر له ويسكنه فسيح جناته يارب العالمين هو و كل موتى المسلمين يارب العالمين، أنصحك تروح لمختص، دكتور نفسي او أخصائي ان شاء الله يقدر يساعدك و اسال الله ان يلهمك الصبر والسلوان و يهوني عليكي و يعوضك بالخير يا رب 🌸
تم النشر الخميس، ٢٦ يونيو ٢٠٢٥
اولا الله يرحمه يارب ويرحم امى ويرحم امواتنا جميعا ... ثانيا مش هتعرف تنسى .... ثالثا محتاج تجتهد عشان تقدر تمشى الدنيا وتمارس حياتك تانى وهنا الحالات مختلفه من اللى انا شوفته حوليا ... بس كل اللى اقدر اقوله لو مش قادر روح دكتور نفسى ... او دكتور لايف كوتشنج انا عملت كده وساعدتنى كتير انى اتخطى
تم النشر الخميس، ٢٦ يونيو ٢٠٢٥
لعرض السؤال في فدني اضغط هنا