المشكلة هنا ان كل ما بتبصي على حد بتدورى على نفس الحاجة اللى شكلك مش حلو فيها من ووجهة نظرك وكل البنات فعلا حلوين ..بما فيهم انتى ...كل التفاصيل حلوه وليها اللى بيحبها وبيتغزل فيها كمان. ان حد يتقدملك مش ده مقياس الجمال . شوفى كل حاجة فيكى ....ليها قيمة فى جمالك...ابتسامتك و ذوقك فى الكلام والهدوم اللى لايقة عليكى والناس اللى حواليكى ومستمتعين بصحبتك. كل دى واكتر منها حاجات ممكن تجذب اللى قدامك ليكى ...مش بس الشكل اصلا. احساسك بكل نقط جمالك هيظهر على وشك وتعبيراته ولمعان عينيكى....الثقه بالنفس لوحدها من عوامل الجمال.
ايوه ما انا قولتلك لو حابه تستخدميه فى الفترة الاولى لتقبلك لنفسك ...لو مش حابه خلاص
تم النشر السبت، ١٠ يونيو ٢٠٢٣
تأملى كتير فى قصص الاشخاص اللى فقدوا اجزاء من جسمهم ولكن هم من الاشخاص المؤثرين والمميزين بالاجزاء اللى موجوده عندهم لسه ...الدنيا موقفتش على اللى ناقص ...ونقدر نتجمل باللى موجود.
تم النشر السبت، ١٠ يونيو ٢٠٢٣
مش بحب الميك أب ومش بحب احطه وشايفة أن ده مش حل ده زي المسكن كدا
تم النشر السبت، ١٠ يونيو ٢٠٢٣
اكتبي كل شىء مميز ويستاهل المدح فيكى وتخيلى نفسك ان ممكن تكون دى الصفه الوحيده اللى تخليكى فخورة بنفسك وتخلى اللى حواليكى فخورين بيكى وحابين يبقوا معاكى بسببها
تم النشر السبت، ١٠ يونيو ٢٠٢٣
تشوفى نفسك بعين الجمال ان ربنا مخلقش حاجة وحشة وان جمال الشىء مش مظهره وبس ...ولو حابه تساعدى نفسك فى المرحلة الاولى انك تحطى شوية ميكب وتتصورى لنفسك وتقولى انا حلوه فى عين نفسي وده الاهم.
تم النشر السبت، ١٠ يونيو ٢٠٢٣
دلوقتي أنا المطلوب مني إيه أو المفروض أعمل ايه عشان أحب نفسي، وأثق فيها، لأن حقيقي الموضوع مأثر علي كل جوانب حياتي ومش استمتعت ولا أكون مبسوطة
تم النشر الجمعة، ٢ يونيو ٢٠٢٣
ونعم بالله، هبحث في الموضوع إن شاء الله.
تم النشر الجمعة، ٢ يونيو ٢٠٢٣
هنا احنا محتاجين نتعمق شوية فى مسألة الاقدار ....اجتهادنا وسعينا مش بالضرورة يؤدى للقدر اللى مكتوب لينا من ربنا اللى شايف حياتنا بصورتها المامله اكتر مننا فبيرتبلنا ترتيبات تانيه خالص غير اللى احنا راسمينه وبنتمناه او حتى مجهودنا كان كله فى اتجاهه....حكمة ربنا مخفيه ومش شرط تظهر لينا فى وقتها ....عشان احنا مبنكونش فاهمين ...فبنزعل ونفتكر ان حظنا قليل ...لكن الحقيقة هى ان دى ترتيبات من ربنا بس لسه مظهرتش نتيجتها فى الحاجة اللى بيترتب ليها ......تعمقى اكتر فى معنى السعى
تم النشر الجمعة، ٢ يونيو ٢٠٢٣
دي حقيقي أنا أول حاجة بتشوفها عنيا هي الحاجات اللي مش عندي مع أني قبل كدا ممكن مكنش مركز في كل ده ،أنا حد مجتهد والحمد لله علي قدر كبير من الأخلاق والذوق وده بشهادة كل اللي حواليا ولبسي شيك ومحترم ومثقفة وبحب القراءة جدًا وعندي كتب كتير وبحاول دايما أوصل لأفضل نسخة من نفسي، بس حقيقي مشكلتي أني شايفة نفسي مش حلو دايما حاسة بالنقص بسبب الموضوع ده، يعني لما بشوف كل البنات الحلوين اللي حواليا اللهم بارك بحس بالنقص، وإن ثقتي بنفسي اللي بحوالي ابنيها بتتبخر في لحظة ومزاجي بيتقلب وبلقيني زعلت جدًا ،وإني معنديش حاجة مميزة يعني كل اللي عندي عند غيري وعندهم حاجات تاني أحسن، يعني أنا موفقتش ومدخلتش الكلية اللي كنت عوزاها، في ناس حواليا دخلوا كليات حلوة وعلي قدر كبير من الجمال، ومش عارفة الاقي حل لمشكلتي، وتعبت من كتر التفكير في حاجات كتير أنا مليش دخل فيها، وبحس أني أخدت كل ما هو سيء من كل شيء في حياتي، ده مجرد جزء صغير خالص من أفكار كتير في دماغي، بتمني لو عندك حل تقولهولي وجزاكٓ الله كل خير.
تم النشر الجمعة، ٢ يونيو ٢٠٢٣
لعرض الإجابة في فدني اضغط هنا