ممكن يكون سنهم قريب من بعض او عندهم اهتمامات مشتركه .....ممكن تكونى حساسه......حاولى تحسنى علاقتك بيهم و تشاركيهم اهتمامهم.....معرفتيش اعزلى نفسك عنهم و اشتغلى على نفسك......اظن ان سنكوا صغير لما تكبروا المواضيع دى هتتحسن تدريجى......حاولى تتكلمي معاهم او مع مامتك فى الموضوع ده.....شوفى ايه اللى مضايقهم منك
شكرا ليكي يا ريم انا هحاول اعمل بنصيحتك علي قد ما اقدر💖
تم النشر الجمعة، ٢٨ فبراير ٢٠٢٥
انتى جميله والله حاولى متزعليش او تتضايقي منهم و اتكلمى مع مامتك او باباكى فى الموضوع ده و انهم يحسنوا معاملتك......ممكن يكونوا بينصحوا ب طريقه سيئه او انهم مبيعرفوش يختاروا كلامهم و تفكيرهم غيرك....ف اتكلمى مع حد كبير فى البيت احسن
تم النشر الخميس، ٢٧ فبراير ٢٠٢٥
هما فعلا الفرق بينهم سنه واحده بس اللي عاوزه اقوله انا كنت بحبهم اوي من كل قلبي وكنت دايما بعملهم كل حاجه بس انا جيت في فتره وجالي اكتئاب وبعدت عنهم وكنت حرفيا مبخرجش من الاوضه ولا باكل ولا بعمل اي حاجه كنت علطول نايمه وهما مهانش عليهم يسألو عني في الفتره دي وحصل بينا خناقات كتير ومشادات لاسباب تافهه او مش تافهه وبدأو بقا يجرحوني بكلام زي انت مريضه وروحي لدكتور اتعالجي متخرجيش من اوضتك تاني وكانو بيتريقو علي حالتي ساعتها مع اني كنت بمر باكتئاب حاد ومحدش حاسس بيا وكانو بس بيستغربو حالتي وازاي وضعي اتشقلب كدا من اني كنت بهزر واضحك معاهم وكنت بحبهم جدا اللي حصل اني جالي فتره ضعف وانهيار وهما مقدروش ده ولا استحملوني في الفتره دي بل زادو عليا الضغط بكلامهم وافعالهم اللي كنت بحسهم بيعاندوني بيها دانا لسه لحد دلوقت فاكره الدموع وحرقه قلبي من كلامهم ليا وتصرفاتهم معايا مع اني مأذتهمش كنت مستغربه ازاي الواحد ممكن يتغير على اقرب الناس ليه كدا وازاي يجرح اخته بالكلام كدا هما مره قالولي احنا عارفين اننا قلنالك كلام وحش وعاملناكي باسلوب وحش ولو واحده صحبتنا عمرنا منكلمها كدا يعني هما كانو عارفين انهم زعلوني وحاسين بكلامهم فبعد كل ده انا كرهتهم ومعدش فيه اي ذره حب ليهم بعد اللي عملوه فيا والله والله لحد دلوقت انا مش مسامحه اي حد نزل دموعي وحرق قلبي من القهر وحسبي الله ونعم الوكيل بجد
تم النشر الخميس، ٢٧ فبراير ٢٠٢٥
لعرض الإجابة في فدني اضغط هنا