انت شايفة ايه؟ انتي قولتي انك مش انطوائية .. وتعاملتك مع الناس انتي شايفه انها طبيعية ولكنها جادة ( هل جادة هنا مشكلة)؟ يعني هل مطلوب منك انك تهزري مع كل الناس وتتعاملي مع الكل عادي .. بكل ود ؟ اكيد لأ + ان مش من حق اي حد انه يحكم عليكي ... او انه يقولك انتي تعاملك كذا مع الناس وده السبب؟ اين المنطق في ذلك؟ كل واحد له الحدود الخاصة به .. يعني حتى الحدود مش قواعد ثابتة بالعكس كل واحد له حدوده الخاصة به هو. الزواج في الاول وفي الاخر مكتوب .. نصيبك هيصيبك ومش معنى ان شخصيتك جد وعامله حدود يبقى ده السبب .. لأن انتي ممكن تردي عليهم وتقولي هل كده كل الناس اللي مش جد اتجوزوا؟ متشغليش بالك بالناس وبأحكامهم .. لأنهم مش وراهم غير الكلام مهما كنتي!
اه جدا ربنا يااااارب يباركلك
تم النشر الأحد، ١٥ يناير ٢٠٢٣
اتمنى اكون عرفت اوصل وجهة نظري ليكي يا قمر
تم النشر السبت، ١٤ يناير ٢٠٢٣
صح
تم النشر السبت، ١٤ يناير ٢٠٢٣
مش الطيبة السبب، طيب نكون واضحين أكتر، الطيبة حاجة وسلوكنا وطريقة تفكيرنا حاجه .. يعني أنا ممكن اكون طيبة، ولكن طريقة تفكيري مختلفة في تصرفاتي، طيب ايه المختلف إن الشخص يكون مقدر ذاته هو اولا، يكون عارف حدوده، يكون انتقائي في اختيار دايرة الأشخاص اللي في حياته. هو بأن فيه فرق ما بين الطيبة والسذاجة. لازم تكون الجزء ده واضح قدامك. هل أنا بتصرف بطيبة ولا بسذاجة؟ هل بعرف أن الناس اللي حواليا يستاهلوا ولا لا؟ هل عطائي ليهم عامل ازاي ع فكرة حتى لو ناس كويسة ..جزء العطاء ده عند الكل، لأن لو هفضل ادي علطول، الشخص ده هيبقى عايز ياخد طول الوقت، زيه زي الطفل الصغير اللي ديما بجبله كل حاجه فخلاص اتعود.
تم النشر السبت، ١٤ يناير ٢٠٢٣
بس الشخص الطيب بيإذي نفسه لأن مافيش حد بيقدر الشخص الطيب عن تجربه بجد
تم النشر السبت، ١٤ يناير ٢٠٢٣
بالظبط .. اصل حقيقي الطيبة ده شئ جميل مستحيل تكون بتأذي حد ابدا. سعيدة ان طريقة تفكيرك في الشئ ده اتغيرت
تم النشر السبت، ١٤ يناير ٢٠٢٣
بصراحه وبدون مبالغه اكتشفت وحضرتك اللي خلتيني اخد بالي دلوقت من ده مع أن ماما كانت بتقولي حاجه زي كده أن انا كل اللي كان ليا علاقه بيهم أنا بس اللي كنت مثمره في حياتهم
تم النشر السبت، ١٤ يناير ٢٠٢٣
عظيم جدا .. يبقى المشكلة عندنا دلوقت مش في اسلوبك الطيب .. او شخصيتك الطيبة .. بالعكس احنا كلنا بنتمنى شخص سوي وطيب يبقى في حياتنا، ولكن المشكلة في اختيارنا للاشخاص عطائنا الزيادة. ابتدي ركزي في كل شخص انتي بتتعاملي معاه، راجعي كده علاقتك مع كل شخص وابتدي حللي علاقتك به عامله ازاي؟ انا بعمل ايه في العلاقة ده؟ هل الشخص ده اعطي ليا حاجة؟ هل وجوده في حياتي مثمر ولا انا فقط شخصية مثمرة له هو؟ راجعي تعاملك مع الناس وعلاقتك بيهم .. برشح ليكي برده كتاب علاقات خطرة لدكتور محمد طه .. هتستفادي منه جدا في موضوعنا.
تم النشر السبت، ١٤ يناير ٢٠٢٣
والإختيار الغلط للناس اللي بتعامل معاهم
تم النشر السبت، ١٤ يناير ٢٠٢٣
ايوه الله ينور علي حضرتك بجد ....المشكله فعلا في العطاء يبقي هي دي
تم النشر السبت، ١٤ يناير ٢٠٢٣
اما بالنسبة يبقى شخص باقي على زعلك .. والله ديه ترجع للشخص اللي قدامك .. ولاختيارك للاشخاص نفسهم ؟ هل هما مستغلين ؟ يعني لما يكونوا محتاجين حاجة يستنوا ياخدوها وبعد كده مع السلامة. ما خلاص بقى اخدوا مصلحتهم. انتي اللي بتختاري الناس اللي حواليكي .. انتي اللي بتحددي الدايرة بتاعتك .. ف ده يعتمد على اختياراتك .. اختاري ناس تكون فعلا ناس جدعة .. ناس تبقى واقفة معاكي زي ما انتي بتقفي معاهم .. انتي ممكن تكوني اصلا عطائك كبير للناس .. يعني هي بقى مش مشكلة طيبة هي مشكلة عطاء .. انك بتدي كل اللي عندك وبتدي كتير .. ومرة واحدة كده هيلاقي الشخص انه اخد كل اللي محتاجة .. ف خلاص مش عايز تاني. فالموضوع هنا تنظيم عطاء .. متديش كل حاجة مرة واحدة. وزي ما هتدي زي ما هتاخدي.
تم النشر الجمعة، ١٣ يناير ٢٠٢٣
طيب نبدأ بحاجة حاجة ..هل علشان كل اللي حوالينا مش بيصلوا ف انتي كمان هتقولي لا ما كل اللي حواليا مش بيصلوا ؟ هل علشان كل اللي حوالينا بيشربوا خمر ... هل خلاص اعمل كده لان الكل بيشرب؟ انتي مقتنعة طيب بكلامك ؟ ولا مش شايفة حل غير كده؟
تم النشر الجمعة، ١٣ يناير ٢٠٢٣
ويكون متعاون معاكي وقت الحاجه
تم النشر الجمعة، ١٣ يناير ٢٠٢٣
انا مش عاوزاه يبقي متمسك بس عالاقل يبقي عاملك حساب وفارقله زعلك وخاصة انك ماعملتيش معاه حاجه وحشه بالعكس
تم النشر الجمعة، ١٣ يناير ٢٠٢٣
للاسف الناس اللي في محيطي كده وخاصة اني انا مديره علي ناس اكبر مني وفيه اللي من سني رجال وسيدات
تم النشر الجمعة، ١٣ يناير ٢٠٢٣
انتي عايزة الناس تحس انك مؤذية؟ وكمان مش عايزة تبقى جادة في علاقاتك ؟ طيب ازاي ؟ ازاي طيب الاتنين دول يجتمعوا مع بعض ؟ وازاي شخص سوي يتقبل ان يبقى في حياته شخص مؤذي او مش كويس؟
تم النشر الجمعة، ١٣ يناير ٢٠٢٣
بعد كام مرة مثلا بتأخدي موقف؟ طيب طالما الانسان في الاساس مش مناسب انك تتكلمي معاهم او يبقى فيه بينكم معرفة زي الاول، انتي اساسا معترضة عليه مثلا في كذا حاجة، ليه عايزاه يبقى متمسك؟
تم النشر الجمعة، ١٣ يناير ٢٠٢٣
وكله بالذوق يعني مش بتعامل بفلاظه أو كده بالعكس فعلشان كده بحس الناس بتتعامل معايا علي اني طيبه ومش مؤذيه وكمان جاد في تعاملاتي فبقيت بحس كده مش صح في الوقت الحالي
تم النشر الجمعة، ١٣ يناير ٢٠٢٣
بصي انا بتعامل في حدود مع الرجال يعني مش بدخل معاهم في هزار شديد او اني يسمح لحد منهم ياخد عليا في الكلام
تم النشر الجمعة، ١٣ يناير ٢٠٢٣
انا مش يتهاون بالعكس يواجه وباخد موقف بعد تكرار الأمر بس بلافيهم ولا فارقلهم علي العكس قبل ما يتعاملوا معايا ويبقي في خلطه وكده
تم النشر الجمعة، ١٣ يناير ٢٠٢٣
كنت كاتبة في الاجابة كلمة (حدود) ايه هي حدودك؟ هل فكرتي فيها قبل كده؟
تم النشر الجمعة، ١٣ يناير ٢٠٢٣
بس هنا المشكلة مش عند الناس .. ولا المشكلة في الطيبة .. كويس انه يكون الانسان طيب .. الوحش انه يكون متهاون في حقه، متهاون في مشاعره، متساهل في بعض الامور اللي ممكن تضايقه.
تم النشر الجمعة، ١٣ يناير ٢٠٢٣
بس اللي اقصده أن مش يلاقي تقدير من الناس ليا أو عارفه بيستخفوا بيا علشان بيلاقوني طيبه أو بمعني اصح مش الشخص اللي ممكن يخافوا من زعله
تم النشر الجمعة، ١٣ يناير ٢٠٢٣
لا فيه طبعا لدرجة في ناس كتيره لما بتبقي متضايقه أو محتاجه حاجه بتكلمتي انا بالذات
تم النشر الجمعة، ١٣ يناير ٢٠٢٣
اهتمامك بالناس،سواء العائلة او الاصدقاء _ الخير اللي بتعمليه مثلا لاي حد.. ده يعتبر اثر طيب وجميل في حياتهم.
تم النشر الجمعة، ١٣ يناير ٢٠٢٣
يعني اثر جميل .. حاجة حلوة عملتيها لشخص مثلا وتركتي جواه معنى كويس، كلمة قولتيها .. او نصيحة لشخص غيرت مجرى الاحداث في حياته. حتى لو كانت بسيطة جدا.
تم النشر الجمعة، ١٣ يناير ٢٠٢٣
يعني ايه أثر طيب
تم النشر الجمعة، ١٣ يناير ٢٠٢٣
هل ملكيش اثر طيب في اي حد؟
تم النشر الجمعة، ١٣ يناير ٢٠٢٣
الشخص العادي اللي ما بيجذبش الناس من كلامه واللي مش بيبقي له أثر في نفوس الناس عند التعامل معها من حيث الكاريزما والشخصيه
تم النشر الجمعة، ١٣ يناير ٢٠٢٣
وهل المطلوب اننا نمشي على اهواء الناس؟ او اننا نبقى حد تاني غير نفسنا علشان نعجبهم، او يشوفونا مش عاديين؟ هو يعني ايه عادي .. وايه اللي مش عادي من وجهة نظرك؟
تم النشر الجمعة، ١٣ يناير ٢٠٢٣
مش كده الفكره أن انبهارهم وانجذابعم ليا بيقل وأوقات بيروح لان بيحسوا أن شخص عادي
تم النشر الجمعة، ١٣ يناير ٢٠٢٣
وايه المشكلة انك تكوني طيبة؟
تم النشر الجمعة، ١٣ يناير ٢٠٢٣
بصي في ناس لما تشوفيها من بعيد تقولي ياه دولت شخصيتهم جامده وشديده ويبقي ليهم كده كاريزما من بعيد ولما تتعاملي تلاقيهم عكس ما انتي افتكرتي من بعيد وتلاقيهم ناس طيبين وغلابه انا بقي كده اللي يشوفني من بعيد بيبقي حاسس بكده يتعاملوا معايا يقولولي انتي طلعتي طيبه ..
تم النشر الجمعة، ١٣ يناير ٢٠٢٣
لعرض الإجابة في فدني اضغط هنا