بحب شخص اكبر مني ب ٧سنين متعرفين على بعض سوشيال من الواتس

Question

انا حاليا بحب شخص اكبر مني ب ٧سنين متعرفين على بعض سوشيال من الواتس كنت ف جروب كد كلام بس مشترك وكان غرضنا بس نسلي وقتنا مش اكتر ف الجروب وانا الي دايما كنت ببدا بالكلام معاهم عماتا المهم انه بدا يتكلم ف الجروب معانا وانا كنت بتغزل ف الصور بس كنت بهزر مش جد وهو فهم كد وفعلا اخدنا الكلام جد بس فضلنا ٣ايام نتكلم ع الجروب والي ف الجروب تقريبا فهموني غلط وقالو انتي مينفعش تتكلمي كد لاننا ف سوشيال يعني مفيش ارتباط وانا اصلا نيتي كانت مفهاش حاجه من دي بس كمان خافو لاكون بتكلم جد لاني كنت اصغر واحده فيهم وشككو فيا اصلا وفكرني فعلا بحبه وكد والي ف الجروب دخلو قالولو فهمها وكمان عشان فرق السن دخل شات وبعتلي باسمي وانا رديت وقالي سيبك من الجروب انتي بتتكلمي بجد فهمته وقلتلو اني بهزر بس عجبني حوار انكو صدقتو وهو فهم وفضلنا نتكلم شويه وقفلت وبعديها سجلنا بعض ودخل فهم الاعضاء وهما فهمو احنا فضلنا نتعرف على بعض ك صحاب بس وانا مش بعمل كد اصلا او ايانا بعمل شخصيه فيك سواء مع الجنس بنت او ولد واحيانا لا بس هو عرفتو عني بصدق وانا مش من النوع الي بيبعت الصور اصلا المهم فضلنا نتكلم وهو من محافظه وانا من محافظه بس جنب بعض الفرق بس ساعتين لحد م اكتشفت انو عارف المكان بتاعي والبيت لانو كان بيجي كتير احنا بقلنا مده مش قصيره ومش طويله بنتكلم المشكله مش هنا هو صارحني بحياتو عماتا وقالي اسرار محدش يعرفها حتى اهلو وقالي عن مشاكل الي ف البيت والانفصال عند اهلو وبيدخل يحكيلي وكد يعني مصارحني وغير كد مامته عارفه انه بيكلمني او مش بالمعني هو بيكلمني قدمها عادي بس انا كنت مقرره اني هحاول ابعد عشان مش بؤمن بفكره السوشيال وكل م باجي افكر اعيط لاني من النوع الي بيكلم نفسه كتير لدرجه توصل للعياط والخناق معايا وغير كد اهلي بس ببعد الفكره عن دماغي بس احنا مش مرتبطين بس انا بحبه وهو لما بكلمه بيقولي انه حابب وجودي وبيوعد انو مش هيبعد او يخذل بس انا خايفه مش عارفه من اي مش عايزه ابعد او حتى اسيبه لاني اتعلقت بجد والموضوع مضطرب وبيجي ف بالي دايما لمجرد اني اسمع الاسم ببتسم وبفضل افكر فيه كتير وهو بجد خايف على مصلحتي اكتر مني مش ببالغ والله بس هي دي الحقيقه اسفه على الرساله الطويله دي وشكرا لانكم سمعتوني♥

Accepted Answer

اعذريني لكن انا مش هجاملك وانا هعتبرك في مقام اختي الصغيرة شوفي أولاً كل اللي قولتيه من كلامكم سوا لوحدكم سواء كتابة او فويس فهو محرم ولا جدال في ده. ثانيًا انتي كده بتخوني ثقة المسئولين عنك الأكبر منك، لأنهم في تفكيرهم إن بنتنا بعيده عن أي شُبهة وأي فعل خطأ ولذلك مسموحلك بالتليفون مثلاً. ثالثًا ناس كتير جربت التعارف على النت وفكروا انه حب حقيقي وطلع وهم. أه انتي شايفه انه حب، وبتبكي وتبتسمي .. لكن الحقيقة ده وهم، بسبب الفراغ. رابعًا الإرتباط هو الخطوبة والزواج غير كده مفيش، شغل أصل انا وهو مرتبطين وغيرنا الستايتس على الواتس والفيس ل in relationship ده محرم وكلام فاضي ملوش لازمة،، لو بيحبك بجد يجي يخطبك غير كده اعرفي إن اللي اتبنى على خطأ مش هيكمل وهيقع. خامسًا لازم تبعدي عنه وعن غيره لحد ما يجيلك ابن الحلال، وخلي بالك إحنا كرجالة فاهمين بعض أكتر ما انتم "فاكرين" إنكم فاهمينا. القصد إن كل كلامي ده عن تجارب كتيرة لدرجة إني كنت عارف نهاية الموضوع من العنوان. فيا بنتي خافي على نفسك وعلى أهلك وعلى أخلاقك، لأنك في يوم ممكن تفقدي شيء منهم وخاصةً الأخير؛ وربنا ما يجعلك تجربي فقدان الأخلاق.

Answer

حاولت تخمين عمرك حقيقة ولكني فشلت، إلا أن توقعي أنه بحال من الأحوال لا يمكن أن تكوني أكبر من 22 عامًا فأقل. وهذا من وجهة نظري فترة مراهقة، يعاني فيها الشخص من كم كبير من العواطف، لدرجة أنه يسير في طريق العواطف والارتباط بمشاعره فقط دون عقله. والسؤال الذي سأوجهه لك ما هو مصير هذه العلاقة من وجهة نظرك؟ هل هو يحبك لدرجة أن يتزوج منك؟ بشكل آخر يمكن أن أقول لك اسأليه هذا السؤال وإن أجابك بالإثبات اسألي عن توقيت الخطوة. بعيدًا عن قصتك، وبعيدًا عن إيماني بمدى جدية العلاقة بين الفتايات والأولاد وكونها تصلح أن ترتقي لحد الصداقة من عدمه، دعيني أخبرك بأن حيواتنا تحتاج إلى تفاصيل كثيرة نمارسها بشكل مستمر، فلا يكون هناك وقت فراغ. لأن الفراغ للأسف يجعلنا ندخل في دوائر من الاحتياج العاطفي والحاجة لأن نشعر بأننا مرئيين، فندخل في علاقات لا مصير لها سوى الفشل فقط لأنها تعطينا شعور بالرؤية. وفي حقيقة الأمر هي لا تفعل شيء سوى استنزافنا عاطفيًا ونفسيًا وفقك الله لما فيه الأصلح لك

Answer

شوفي الحب جميل جدا وربنا بيرزق الانسان بيه بس ف نفس الوقت ف حجات تنفع وحجات متنفعش يعني انك تهزري طبيعي يفهموكي غلط ومش بعيد يقولوا عليكي كلام وحش ويأذي سمعتك كمان الشخص ده هو مقلكيش انه بيحبك او وعدك بحاجه رسمي ف هو كده بياخد مشاعر الارتباط بدون ارتباط وبدون وعود هو مش هيتأذي انتي وحدك الي هتتأذي فيها لما تلاقي مشاعرك يوم عن التاني بتفرق وهو مش واعدك بحاجه وشايفك صغيره وبتلعبي ف هو كمان بيلعب خلي بالك من حاجه زي دي عشان تحافظي ع سمعتك وع قلبك وع مشاعرك حرام تضيعيها وتاذيها

بحب شخص اكبر مني ب ٧سنين متعرفين على بعض سوشيال من الواتس

اجتماعية

علاقات

حب

سؤال من احد أعضاء فدني

تم النشر الأحد، ٩ أبريل ٢٠٢٣

3 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك