انا مخطوبه لواحد اكبر مني بكتير معنديش مشكلة في ده بس كل مشكلتي اني عاوزه اهتمام لما بتكلم معاه بيقول كلام حلو وبيسال وبحس انه مهتم جدا بس لو اقعدت اسبوع او أكتر ما سالت ما يسال مع اني اتكلمت معاه في الموضوع بيقول انه مشغول بس انا حاسه انه اتغير من ساعت أول لما بابا اتكلم معاه وقال له انه ما ينفعش يتكلم معايا وحصل مشكلة بس ده لانه اتكلم معايا في امور البيت واختيار الأشياء وكدا... بس بابا شاف انه لا ومينفعش يتكلم معايا وانه يتكلم مع بابا بس في الامور دي وهوا والله كان غرضه اختار انا بدل ما اقعد في مكان مش علي ذوقي المهم ده كان في اول الخطوبة من بعد الكلام ده هوا ما بيسال غير لما انا ابعت الاول وانا بحس باني غير مرغوبه لان انا دايما اللي بسال بقي ليا علي الحال ده شهرين وقولت له أكتر من مره ان بابا سمح ليا اني اكلمك وحاليا هنتجوز وانا معرفش عنه شيء للامانه بكون مرتاحه وانا بتكلم معاه بس انا مش عاوزه اتجوز واحد ما بيسال خايفه يكون كدا بعد الجواز انا لسه صغير ممكن عادي اطلق بس لا مش حابه الفكره، والله انا مش عاوزه كلام حب بس كنت عايزة علي الاقل انه يسال بيطابع كل الاستوريهات تبعي بس ولا مره علق حته ولما بعلق علي الاستوري تبعه عشان افتح معاه موضوع يقول تمام او يشوف من غير رد، عاوزه اقول حاجة لما بيحصل كدا بنقول انه بيكون معاه واحده تانيه او الكلام ده.. لا هوا انسان متدين جدا ومش بيكون فاتح اصلا، ولما ببعت له بيرد عليا اول لما ابعت علي طول ده في اغلب الوقت، بس أحياناً بيكون سايق يفتح يشوف الرسايل وما يرد بطلت ابعت بس بعد كدا فهمت الموضوع اعتذر وبقا يرد حتي لو باموشنج، ممكن تقوله اني تافه، بس انا اتختبط قبل كدا وكان 24 ساعه بيتكلم معايا وانا اللي كنت مضايقه بس في نفس الوقت حاسه بي الإهتمام وبعدين ما حصل نصيب وبابا فشكل الموضوع، ومكملت شهر وانختبط لي محمد كل تعليقي عليه عدم الإهتمام، او ممكن يكون العيب في انا مش عارفة كل اللي حاوليا بيقوله ليا كدا بس انا مش حاسه بكدا ممكن حل
حبيبتي، أنا فاهمة تمامًا شعورك ده، ومشاعرك طبيعية جدًا في مرحلة الخطوبة زي دي، خاصة لما تكوني عايزة تشعري بالاهتمام والأمان قبل الجواز. خلينا نفكر مع بعض في حل عملي خطوة بخطوة، بدون أي لوم على حد. أولًا: فهم اللي حصل اللي حصل مع باباكي غيّر ديناميكية التواصل، وده شائع؛ هو محترم رأي أبوكي ومش عايز يعمل مشكلة تانية، فبقى ينتظر إشارة منك. بس ده مش معناه إنه مش مهتم، خاصة إنه بيرد فورًا لما تبعتي. الاهتمام مش دايمًا بالكلام الكتير، بس أنتِ محقة إن التواصل اليومي بسيط زي "عاملة إيه النهاردة؟" أو تفاعل مع ستوري بيبني الراحة. ثانيًا: حل عملي دلوقتي افتحي حوار هادئ ومباشر : اختاري وقت هادئ (مش وهو مشغول)، قوليله كده: "أنا بحس براحة لما نسأل بعض عن يومنا، زي أول الخطوبة. ممكن نبقى نتابع ستوري بعض ونسأل 'إيه ده؟' عشان أتعرف عليك أكتر قبل الجواز؟ بابا سمح دلوقتي، وأنا عايزة أحس إننا فريق." استخدمي "أنا بحس" بدل "أنت مش"، عشان ميحسش بضغط. حددي توقعات صغيرة : اقترحي روتين بسيط، زي رسالة يومية قصيرة أو كول أسبوعيًا. قوليله: "أنا عارفة إنك مشغول، بس الرسالة الواحدة دي هتفرحني وتخليني أعرفك أحسن." اختبري الرد : بعد الكلام ده، لو استمر نفس الشكل شهر، فكري في إشراك أهلك أو حد من عيلته في حوار جماعي (زي اجتماع خطوبة رسمي)، عشان تشوفي إذا كان هيحترم الطلب ده ولا لأ. الزواج الإسلامي مبني على الراحة المتبادلة (زي قوله تعالى: "وَعَاشِرُوهُنَّ بِالْمَعْرُوفِ")، فلو مش قادر يديكِ الاهتمام الأساسي، ده إشارة مهمة. نصيحة إسلامية سريعة الخطوبة وقت للتعرف، مش التعلق. صلي الاستخارة تاني، واسألي ربنا يرشدك للي فيه الخير. أنتِ صغيرة وليكِ حق تختاري اللي يريّح قلبك، والطلاق مش نهاية العالم لو الراحة مش موجودة، بس الأفضل نبني علاقة سليمة من الأول. لو عايزة آراء أكتر، ابحثي في فدني عن "اهتمام الخطيب" أو روحي لصفحة الخبراء https://www.fedni.net/experts، فيه خبراء في الإرشاد الأسري والزواج هيقدروا يساعدوكِ باستشارة شخصية. أنتِ قوية وذكية، وهتقدري تتعاملي مع ده. قوليلي إيه رأيك في الخطة دي؟ 💕
تم النشر الأحد، ١٢ أبريل ٢٠٢٦
اللهم آمين يارب وربنا يخلي خالتك فعلاً معاه حق لان حته لو ما حسيت بشي ربنا بيبعد عنك الشر وبيختار ليك الاحسن
تم النشر الاثنين، ١٣ أبريل ٢٠٢٦
اللهم آمين 🤍 صلى تانى وتالت ورابع وعاشر دية حياة كاملة يا بنتى قولى يارب اكتب لى الخير يارب وفقنى لما فيه صلاح أمرى خالتى الله يبارك لها كانت تقولى أنا معرفش أخطى خطوة من غير ما أصلى استخارة ف انتى صلى وادعى وقولى يارب ديه خطوة كبيرة فى حياتى خليك معايا وانتى شكلك كويسة والله وتستاهلى كل الخير اللى فى الدنيا ربنا يفرحك دايما ويحنن قلب والديكى عليكى
تم النشر الاثنين، ١٣ أبريل ٢٠٢٦
وانا صليت قبل كدا بس ما بحس بشي بس هصلي تاني مفيش اي مشكلة واللي في الخير يقدمه ربنا
تم النشر الاثنين، ١٣ أبريل ٢٠٢٦
اللهم آمين واياك بالمثل يارب
تم النشر الاثنين، ١٣ أبريل ٢٠٢٦
ابقى شوفى المنصتين دول كدا وابحثى عنهم أحسبهم على ثقة بس انتى ابحثى وتأكدى ممكن يفيدوكى جدا .. ربنا يوفقك ويكتب لك اللى فيه الخير يارب
تم النشر الاثنين، ١٣ أبريل ٢٠٢٦
https://letaskono-zwaj.com/?fbclid=IwVERDUARJwLtleHRuA2FlbQIxMABzcnRjBmFwcF9pZAwzNTA2ODU1MzE3MjgAAR5F5qp2Yat7206VYnL3EueguKQsfXws9maHYlC-vHqE9YdDPVHnBBv4hDTvzw_aem_CI052XQUZNm58SE8Gl-ESw
تم النشر الاثنين، ١٣ أبريل ٢٠٢٦
العفو 🤍 ربنا يبارك فيكى ويحفظك بص صلى استخارة أهم حاجة علشان متظلميش حد وادعي ربنا يوفقك للقرار الصح وياريت تقطعى علاقتك وكل سبل التواصل بخطيبك الأولانى علشان ميكونش لية تأثير عليكى ربنا يوفقك لما فية الخير ليكى🤍 ... وبالمناسبة فية شيوخ ثقة وبرامج هنا فى مصر مبنية على الزواج ان العريس يجهز نفسة على قدر الإستطاعة ويجيب هو كل حاجة ودا شرع ربنا أصلا ربنا يارب يكتب لك الزوج الصالح اللى ترتضية وتعيشى معاه عيشة هنية يسعدك فيها بإذن الله 🤍
تم النشر الاثنين، ١٣ أبريل ٢٠٢٦
بشكرك جداً علي كلامك بجد كنت محتاجة حد يقولي كدا، وانا مش هقدر اكمل مع الانسان ده لان والله تعبت من فكره ان حته يسال عني مش موجود وحاجات تانيه كتيره والله يعني في مره كنت بكلمه وحسيت من كلامه انه مستكتر نفسه عليا كان بيقولي انا مش متجوز واللي بيجو من برا بيكون متجوزين وهعيشك عيشه حلوه..... وكمل كلامه بس انا والله بعد الكلام ده حسيت احساس وحش وكنت عاوزه ارد عليه واقوله اني كنت مخطوبه لوحد 25 سنه ومش متجوز واقعدت معاه سنه كامله وبابا اللي فشكل الجوازه ولحد دلوقتي والله العظيم بيحاول يتواصل معايا، وكنت هفشكل الموضوع معاه عشان الكلام والاسلوب اللي بيتكلم بيه في المكالمه بس خفت عشان لو عملت كدا اهلي هيقوله اني بعمل كدا عشان ارجع تاني لخطيبي وسكت، بشكرك لانك اعتبرتني زي اختك وانا حته لو اهلي مش احسن حاجه ولو هضرب كدا كدا بضرب بس مستحيل اكمل الموضوع ده بجد انا تعبت نفسيان منه اوي والله حاجات كتيره بس انا عشان هوا مش بيتكلم مش عارفة ابينه علي حقيقته، وبقول اسيبها علي ربنا بس خلاص مش هقدر
تم النشر الاثنين، ١٣ أبريل ٢٠٢٦
معاك حق والله انا بفكر في كدا خايفه يكون كدا بس بنت عمتي هيا كمان اتجوزت كدا وعايشه كويس دلوقتي ولما بقول كدا واتكلم مع اختي تقول مهما كانت العيشه اكيد احسن من اللي انتي عيشاه دلوقتي سيبها على ربنا ولما قولت لي امي نفس الكلام قالت ليا مش هيدف مهر 250000 عشان يتسلا غير الدهب والمصريف التانيه انا والله مش عارفة اعمل ايه حاسه اني محتره وخايفه جدا من اللي هيحصل بعدين وطول الوقت بنام عشان اهرب من الوقع بس اقوم اعمل شغل البيت وانام تاني وحياتي وقفه تمام وسبت التعليم في تالته ثانوي بسبب المصريف ومشاكل تانية كتيره... بتوجهني فبقول ده هيكون احسن قرار
تم النشر الأحد، ١٢ أبريل ٢٠٢٦
الجواز بيتم عن طريق خاطبه وبنشوف بعض وسط العيله وبس جواز صالونات
تم النشر الأحد، ١٢ أبريل ٢٠٢٦
وخطيبي الاول كان من عمان بص هوا انا رافضه فكرة اني اتجوز مصري وده لاني مش هقدر اجهز نفسي ومعنديس مشكلة لو كان من دوله تانية بس
تم النشر الأحد، ١٢ أبريل ٢٠٢٦
ايوا
تم النشر الأحد، ١٢ أبريل ٢٠٢٦
ده حصل بالفعل وقال انه مشغول في اجرات الجواز لانه من السعودية وكمان تجهيزات البيت وحلف ليا بكدا
تم النشر الأحد، ١٢ أبريل ٢٠٢٦
مش عارف أقولك إية والله بس الفلوس عندهم غير عندنا والدتك شايفة انه دافع كذا وكذا هو ممكن عندهم أصلا الفلوس ديه عادى فاهمانى وبعدين أنا مش قصدى يتسلى أنا قصدى فعلا هو عاوز يتجوز وهيتجوزك وكل حاجة بس فكرتى عليكى انتى البنت بتحتاج حاجات كتير أووى غير الفلوس والله أعلم هو مش هقدر أحكم بس معظم السعاودة اللى بيتجوزوا من هنا هو شايف انه شارى سلعة مش زوجة لأنه بيبقى عارف هو دافع فلوس كتير أووى محدش فى مصر بيدفعها ف مش من حقك بقى بعد الزواج تطلبى حاجة فاهمة انتى زوجة وخلاص الله أعلم بيه ممكن يبقى على عكس كدا بس الموضوع لو كدا هيبقى مدمر ليكى ولحياتك وهتحسى حرفيا انك اتباعتى بالفلوس مش أكتر وممكن يكون العكس تعيشى ملكة وحياة كنتى عمرك ما هتعيشيها فى مصر الله أعلم الأمر يرجعلك ولأهلك .... المهم لو انتى أختى دلوقتى وهنصحك نصيحة ... ف أول حاجة تقعدى تانى مع الشخص دا وتقوليلة كل أحاسيسك مرا تانية توصلى أحاسيسك وتخوفاتك ديه لأهلك مرا تانية وبعدين تقعدى مع نفسك وتصلى استخارة وتشوفى انتى احساسك إيه وعايزة ايه من الزواج أصلا نفسك زوجك يبقى ازاى بس دا يبقى نابع منك انتى مش تأثير خارجى وبعدين بقى تشوفى وتقررى الحاجة الأهم بقى وحطيها على جنب كدا للمعلومة انتى ذكرتى انك مش هتعرفى تجهزى نفسك واللى انتى متعرفيهوش ان الشرع بتاعنا بيقول كدا ان الراجل يجهز البيت على القدر استطاعتة ف فيه شباب كتير بتبقى مقتنعة بكدا وفى مصر عادى وفى شيوخ ومنظومات زواج فى مصر بتوصل الاتنين ببعض وغالبا هيكونوا شباب فى سنك وفى مصر بس علشان تقدمى على خطوة زى كدا لازم تراعى فرق الفلوس اللى هيحصل لانك عارفة الفرق بين مجتمعنا والمجتمع السعودى بس فى المقابل ممكن تلاقى حد قريب من سنك وفكرك قادرين تتفاهموا مع بعض وتبدأوا حياة مع بعض دا والله أعلم برضة ظروفك وحياتك أن معرفش ظروفك وحياتك علشان كدا مش قادر أحكم ولا أديكى نصيحة ثابتة فاهمانى
تم النشر الاثنين، ١٣ أبريل ٢٠٢٦
بصى لو مشكلتك مع المصرى فكرة تجهيز نفسك ف فيه ناس كتير أووى بتجيب هى الحاجة والشقة وكل حاجة حرفيا ف ديه محلولة عادى + بس أنا خايف تكونى مجرد لقمة سائغة للسعودى خايف يكون شايفك علشان الفلوس خصوصا ان فرق السن بينكم كبير مش عارف بالظبط ظروفة وحياتة ف مش قادر أحكم علية بس خايف عدم الإهتمام دا يكون دا الطبيعى بعد الزواج أو طريقة تفكيره كدا وشخصيته كدا ودا هيكون مدمر ليكى ولنفسيتك ودا حرام عليكى بتظلمى نفسك كدا فاهمانى
تم النشر الأحد، ١٢ أبريل ٢٠٢٦
انتى مصرية وهو سعودى ؟ وأكبر منك بكتير كام سنة ؟
تم النشر الأحد، ١٢ أبريل ٢٠٢٦
لازم تقعدى معاه وتصارحية بمشاعرك ديه لازم يبقى فيه قاعدة وتفهمى منه بقى دا ناتج عن إيه علشان ميحصلش مشاكل بعد الزواج
تم النشر الأحد، ١٢ أبريل ٢٠٢٦
لعرض السؤال في فدني اضغط هنا