السلام عليكم..
كنت حابب افهم اللى بعمله صح ام خطأ دلوقتى انا شخص منظم فى حياتى والحمد لله ومهتم بالدراسة وامور دينى وحاليا انا فى سنة رابعة آخر ترم وعلى قريب اتخرج ان شاء الله
المهم انى بحب بنت وهى بالفعل فعلت امور واشياء كتيرة اثبتت حبها زى انها تمسكت برغم كل المشاكل وانها حاولت تتواصل معايا اكتر من مرة بس كنت غالق الباب لسبب انى كنت على وعد معها انى هروح اتقدم لها بعد نهاية الترم ولكن اكتشفت انها كانت بعتت رسالة اعجاب صراحة لطريقة شخص هو بيحب بنت ما
ولما كشفت الموضوع اعترفت انها غلطانة ومش هتكرر الغلطة تانى بس لما عرفت عن ماضيها شوية اتضايقت اكتر لانها كانت فى علاقات قبلى وحسيت ان نفس كلام الحب والمشاعر كأنه بيتشارك مع الكل مش معايا بس يشهد انها احترمت العلاقة ما عدا نقطة دخلت بعتت اعجاب صراحة لشخص عن طريقة حبه للبنت دى وانا كنت غالق معاها الفترة دى كلام عشان يعنى على ما والدها ينزل وكدة
ووالدتى بالفعل تحدثت معاها وكانت الامور تمام وزين ولكن انقلبت الموازين بسبب الموقف ده ولما سألتها عن السبب انها عملت كدة قالت انا بالفعل غلطانة ومكنتش اقصد بس عجبتنى بس طريقة حبه للبنت وانا قلت لها اكيد لو كنت مكانى وعملت حاجة زى كدة انا كدة ابقى بقلل من ثقة الشخص اللى معايا غيابا له قبل وجوده..
حاليا هى حاولت اكتر من مرة تصلح اللى اتعمل وانا تقبلت الامر بس الفكرة ان كل مرة لما بعرف عنها شيئ فى الماضى بتضايق اكتر واكتر
هل تنصحونى باى ؟؟
وعليكم السلام ورحمة الله وبركاته أخي العزيز، أولًا، أشكرك على ثقتك بمشاركتك هذه المشاعر والتجربة الصادقة. من الواضح أنك شخص مسؤول ومنظم، وتهتم بدراستك ودينك، وهذا شيء رائع جدًا. أما بخصوص مشاعرك وتجربتك مع هذه الفتاة، فأود أن أساعدك في تفكيك الموقف والتعامل معه بطريقة واقعية ومتزنة. نقاط مهمة في وضعك تستحق النظر فيها: النية والاحترام: أنت واضح في نيتك أنك ستتقدم لها بعد انتهاء الدراسة، وهذا يدل على احترام للعلاقة وللظروف. موقفها من العلاقة وماضيها: من خلال ما تحدثت عنه، هي حاولت تثبت حبها وتمسكت بالرغم من المشاكل، وهذا أمر إيجابي. لكنها أخطأت بالتعبير عن إعجابها بطريقة قد تُشعرك بعدم الأمان، ومهم أنها اعترفت بالخطأ ووعدت بعدم تكراره. ضيقك من ماضيها: الشعور بالضيق عندما تكتشف شيئًا عن ماضيها أمر طبيعي، خاصة إذا كان ماضيها يتناقض مع قيمك ومبادئك. لكن عليك أن تسأل نفسك: هل ماضيها هو أمر يمكن أن يؤثر على المستقبل معها؟ أم أنك تنتظر أن تكون بداية جديدة خالية من المشاكل؟ الثقة والأمان: المفتاح في أي علاقة صحية هو الثقة المتبادلة. عندما تتأثر هذه الثقة بمواقف أو اكتشافات عن ماضي الشخص، تحتاج لتقييم مدى قدرتكما على بناء الثقة من جديد. نصائح عملية لك تساعدك في اتخاذ قرار أفضل: تحدث معها بصدق وهدوء: شاركها مشاعرك بدون لوم أو اتهام، فقط عبّر عن انزعاجك والسبب وكيف يمكن أن تبنيا معًا الثقة. قيم مشاعرك: هل تشعر أنك قادر على تجاوز الماضي والتركيز على الحاضر والمستقبل معها؟ أم أن ذلك يثقل عليك؟ ضع حدود واضحة: إذا كنت تقبل بالعلاقة، ضعا قواعد واضحة تحترم مشاعر الطرفين وتبني علاقة سليمة احترامًا لكل منكما. اطلب المشورة من شخص مختص: إذا استمر الخلاف ووجدت صعوبة في اتخاذ القرار أو إدارة مشاعرك، لا تتردد في زيارة خبير نفسي أو مستشار أسري من موقع Fedni يمكنهم مساعدتك بعمق. خذ وقتك: لا تستعجل القرار. التخرج هو مرحلة حرجة، حاول أن تعطي نفسك مجالًا للتركيز على مستقبلك وفهم مشاعرك بوضوح. من الناحية الإسلامية: الحب والنية الحسنة شيء مبارك، ولكن يجب أيضًا أن تكون النية مبنية على الاحترام والتوافق والأخلاق. الحرج من معرفة الماضي شيء مفهوم، والنبي صلى الله عليه وسلم قال: «إنما النساء شقائق الرجال»، ولكن التسامح والنظر للأفضل واجبان خصوصًا إذا كان الطرف الآخر ممن تابت. استعن بالله واطلب منه السداد في قرارك، وادعوه أن يرزقك من الخير في حياتك ويبعد عنك ما فيه ضرر لك أو لها. إذا أردت، يمكنني أن أوجهك إلى خبراء في العلاقات الزوجية أو الإرشاد النفسي في منصة فدني، حيث يمكنهم تقديم استشارات خاصة تناسب وضعك بشكل أدق. أيضًا يمكنك البحث في فدني عن أسئلة مشابهة لتتلقى آراء مختلفة تساعدك في فهم الوضع. أنا هنا متى ما احتجت لأستمع وأدعمك! لا تخجل من طرح أي سؤال أو طلب توضيح. دمت بخير يا أخي العزيز، وادعو الله أن يسهل عليك ما فيه خير لك. 🌷
تم النشر الجمعة، ٦ يونيو ٢٠٢٥
السلام عليكم، أول حاجة حابة أقولك إني فعلاً احترمت إنك شاركت تجربتك بالشكل الصريح ده، وواضح قد إيه كنت صادق ومخلص في علاقتك معاها. من وجهة نظري، إنت ما غلطتش في حاجة، بل بالعكس، إنت عملت اللي عليك وزيادة، كنت راقي، صريح، وداعم ليها وهي بتمر بظروف صعبة. المشكلة مش فيك، المشكلة إن البنت دي ما كانتش جاهزة لعلاقة جدية، وده باين من تصرفاتها، سواء في إنها بعثت إعجاب لشخص تاني، أو إن مشاعرها دايمًا متلخبطة. طبيعي تتعب وتتأثر، بس صدقني، ده مش حب حقيقي من ناحيتها، لأن الحب مش بيتغير بالشكل ده. نصيحتي ليك امشي من العلاقة دي وانت رافع راسك، وماترجعش تفكر في اللي حصل على إنه غلطة، بل كدرس زودك نضج وخبرة. ربنا يكتبلك اللي يستاهلك، والبنت اللي تعرف قيمة اللي زيك، هتجيلك في الوقت الصح♥🫂
تم النشر الثلاثاء، ١٠ يونيو ٢٠٢٥
بص انت قدامك حلين يا تتقبل الماضي وانساه وتبدأ من اول وجديد معاها... يا تبعد خالص عنها ومتكلمهاش تاني لازم تختار انت عاوز ايه عشان دا مش حل انت محتاج تفهم نفسك قادر تتقبل ماضيها ولا لا... في ناس بتعرف تتقبل الماضي وتنسى وناس لا والقلوب طاقه عادي ف من حقك تختار وربنا يصلح حالكم
تم النشر الاثنين، ٩ يونيو ٢٠٢٥
السلام عليكم ورحمه الله وبركاته اللي انا احب ان انا انصحك بيه انك سواء البنت دي او اي بنت ثانيه ما ترتبطش ما تروحش تخطب الا لما تكون قدرت تتقبل اللي قدامك كان كبشر لانه ان انا اتعامل مع اللي قدامي انه بشر بمعنى كده انا متقبله ان هو هيغلط. لان الطبيعي في البشر إنهم يغلطوا وانت شخصيا بتغلط وهتغلط فاحنا محتاجين نتقبل اللي قدامنا انه بني آدم لانك حتى لو قلت ده هي محترمه وكويسه وكل الكلام اللطيف ده لازم تكمل الجمله تقول ولكن في احتماليه للخطا أكيد هتغلط وتغلط وسط ايه هتغلط اكيد وسط مميزاتها يعني هي متدينه ولكن ممكن الخطأ يبقى في النهايه تيجي في موقف والخطأ يجي في درجه التزامها ممكن تكون ما بتسيبش فرد ولا ايه في مره ان هي جمعت صلاتين على بعض كسل بدون داعي انشغلت هنا لو انا معلق للبني ادم مشنقة فيبقى عمومًا صعب الارتباط بالنسبه لك سواء بالبنت دي اتمنى ان انت تفكر في نقطه جدا تاخذ بالك منها كويس جدا وتتقبل اللي قدامك بكل ما يحتوي من تفاصيل سواء أفكار ومشاعر أو ماضي او حاضر أو مستقبل. ربنا معك.
تم النشر السبت، ٧ يونيو ٢٠٢٥
كانت في علاقات قبلك وكأن نفس كلام الحب والمشاعر بيتشارك مع الكل ؟ .. شوف ده مستقبلك مش شئ للتضحية والتجربة .. لو انا مكانك هصرف نظر علطول قولا واحدا .. متفكرش ان ما شاء الله اكيد حصلت معجزة التوبة و بقت ملاك نقي .. ممكن .. ولاكن ممكن تكون انت بتتعامل مع قناع و انت واحد من عداد الضحايا .. والحمدلله انها زلّت واعجبت يمكن ده جرس إنذار .. ده رأيي
تم النشر الاثنين، ٩ يونيو ٢٠٢٥
لعرض السؤال في فدني اضغط هنا