الحقوني انا في تالته ثانوي أزهري علمي ودي اول سنه + اني قاسمه السنه علي اتنين علشان اوصل لهدفي بإذن الله اللي هيا كليه الصيدله وكنت بادئه والدنيا تمام وبعد كده العب شويه واذاكر شويه
لغايه مجه شهر خمسه ونا همتحن ٥/٢٩ الي هوا بعد 18 يوم من دلوقتي
الي بيحصل اني باجي احل على المواد واكون مذاكرها معرفش احل وحاسه اني الدنيا صعبه وخوف اني معرفش احل في الامتحان
ومترقبه المجموع وكمان الفيزياء صعبه معايا اوي بس لما بذاكرها بتبقا كويس
اسيبها معرفش احل فلو سمحتو عايزه حل خلال الفتره دي
السلام عليكم يا هند، ربنا يوفقك إن شاء الله بامتحاناتك. الفكرة كلها في الهدوء والبعد عن التوتر... التوتر هيخليكِ تنسي القوانين اللي انتِ مذاكراها فممكن قوي حتى وأنتِ بتحلي مع نفسك يكون جواك توتر وقلق من إنك مش هتفتكري أو مش هتعرفي تحلي فدماغك بيقف عن التفكير. الهدوء والثقة في نفسك ومذاكرتك وإنك تقعدي مع نفسك ترتبي المعلومات اللي ذاكرتيها وتخلي دماغك منظمة هيساعدك جدًا تقدري تحلي. نقطة كمان مهمة، لو بتذاكري بس مش بتنامي كويس طبيعي عقلك مش هيقدر يسترجع المعلومات اللي احتفظ بها من مذاكرتك فمش هتقدري تفكري في الأسئلة وتحليها. فلازم وضروري حتى لو صابح الامتحانات وفيه حاجات لسه ناقصاكِ إنك تعطي الأولوية للنوم عشان تعرفي تسترجعي اللي ذاكرتِه وحتى اللي اتذاكر نص نص هتقدري تفكري فيه وتجاوبي حتى لو مش إجابة كاملة. اعملي اللي عليكِ ومتفكريش في الامتحانات هتيجي إزاي ولا النتيجة النهائية هتبقى إيه، وتوكلي على الله وثقي فيه إنه هيكتب لك الخير ويرضيكِ به إن شاء الله. بالتوفيق.
تم النشر الثلاثاء، ١٣ مايو ٢٠٢٥
من المشاكل اللي كانت بتوجهني وبتواجه اختي دلوقت انك ممكن متكونيش عارفة تحللي السؤال زي الفيزيا مثلا يكون مديكي مُعطيات ونت متبقيش عارفة هو ايه المُعطى ده؟ وده قانون إيه؟ مفروض انك تعرفي القانون إيه مثلا وكل عنصر في القانون اسمه ايه وبيجي ازاي وكده وتركزي ونتِ بتقرأي السؤال وهكذا
تم النشر الاثنين، ١٢ مايو ٢٠٢٥
مرحباً هند، أنا معاكِ ومع كل تحديات الثانوية الأزهرية، خصوصًا مع هدفك الكبير والواضح اللي هو كلية الصيدلة – وده هدف رائع جدًا بالتأكيد! خليني أساعدك بخطة عملية تساعدك تجتازي فترة الامتحانات دي بثقة وهدوء. أولًا، خلينا نفك المشكلة على خطوات: القلق والخوف من الامتحان: طبيعي جدًا تحسي بالخوف والضغط، بس القلق الزايد بيشتت التركيز. خلي عندك عادة يومية تحاولي تذكري نفسك فيها إنك جاهزة ومستعدة، وإن الخطأ وارد ومش نهاية العالم، هو مجرد امتحان عادي بيقيس معرفتك اللي بذلتي جهد فيها. الفيزياء والمواد الصعبة: لما بتذاكري الفيزياء وبتحسي إنك كده بتتفهمي أكتر، ركزي وقت المذاكرة أكتر في حل الأسئلة والتدريب العملي. جهزي ملخصات صغيرة أو نقاط مفاتيح للموضوعات الصعبة، واختبري نفسك بأسئلة الامتحانات السابقة. حل الامتحانات: واحدة من أهم أساليب النجاح هي حل الإمتحانات بعد المذاكرة، حتى لو حليتيش صح كلها، المهم تعرفي أخطائك وتصححيها. لا تخافي من الغلط، الغلط هو طريقك للتعلم. تنظيم الوقت: قسمّي الـ18 يوم اللي قدامك جدول مذاكرة يومي: خصصي جزء من اليوم لحل امتحانات ومراجعة. خصصي وقت معين للمراجعة في الفيزياء بتركيز. خلي في فترات راحة قصيرة بين المذاكرة عشان تتركي دماغك تستريح. التفاؤل والدعاء: حاولي تحافظي على التفاؤل وادعي ربنا دائماً، لأن الثقة بالنفس والاعتماد على الله هما سر النجاح. نصائح عملية ممكن تبدأي بيها فورًا: ابدئي بحل أسئلة من امتحانات الأعوام الماضية في الفيزياء والمواد اللي بتحسيها صعبة. ارسمي نقاط قوتك في المواد والمحتوى اللي بتظني إنك متقنة. استعيضي عن التشتت بالتركيز على حاجة واحدة في كل جلسة مذاكرة. جهزي مكان هاديء للمذاكرة بعيد عن المشتتات. لو حسيتي إنك تحتاجي دعم نفسي أو تنظيم مذاكرة وفهم عميق أكتر، ممكن تتابعي استشاريين ومتخصصين في فدني من خلال صفحة الخبراء؛ هتلاقي هناك ناس متمرسة هيساعدوك. وأكيد ما تتردديش تسألي فدني تاني عن أي شيء، أنا ذكية معاكِ دائمًا. بالتوفيق يا هند، وإحنا كلنا معاك! 😊
تم النشر السبت، ١٠ مايو ٢٠٢٥
دي فترة ضغط نفسي وشعورك دا طبيعي جدا اهم حاجه متيأسيش ابدا حاولى مره. اتنين وتلاته وعشره اعملي كل اللى تقدري عليه وسيبي النتيجه على ربنا وان شاء الله ربنا هيكرمك اهم حاجه انك تتقنى عملك ان الله يحب اذا عمل احدكم عملا ان يتقنه وبالتوفيق ليا وليكى ي قمر
تم النشر الأحد، ١١ مايو ٢٠٢٥
لعرض السؤال في فدني اضغط هنا