السلام عليكم ورحمه الله وبركاته
سؤال كيف أتخلص من ادمان الهاتف وكمان مش أنسى أنا بكون مذاكرة ومحافظه واول لما اجي امتحن أو الاستاذ يسالني أنسى كل حاجه كاني مش عارفه اي حاجه ودا مزعلني جدا لانو المدرسين خدوا فكره عني اني مش بذاكر وجايبه درجات وحشه وكمان نفسي احب اقرأ واكون دحيحه لانو لما اجي اقرا احس بملل أو اقول أنا فاهمه وبعدين اكتشف اني نسيت كله
ومشكلة كمان لما اجي اصلي بحاول مش اقرأ نفس السور لكن بنسي وبقرأ نفس السور ودايما احس اني مش قلتها صح
المشكله التالته أنا سلبيه جدا ولما بجي أشكي لامي يضايقني اكتر يعني نفسي مره تديني حل يكون جديد عليا حل يريحني نص ونص لا لكن دائما بتديني رد كأني غبية ومش عارفه اتعامل مع الموضوع وصراحه نفسي ابطل شكيه لانو برضو لما بشكي لحد من صحابي على النت صراحه بينصحوني وبيسمعوني ودا بيخليني متعلقه بيهم وبكره خسارتهم وبغار عليهم جدا فأنا لو بطلت سلبية هبطل تفكير سلبي وهبطل انخدع بالموقف الاول وهبطل اتكلم كتير
اولا.. ترك الهاتف علشان تعملي شيء مفيد مرتبط بيكي اعملي وقت محدد للموبايل و لما تمسكي الموبايل اعملي منبه لنفسك مثلا بعد ربع ساعة لو جيه التنبيه سيبي الموبايل لأن وقته خلص و قومي اعملي شيء مفيد ليكي او لاسرتك.. او تحضيرات للغد مثلا للدراسة او للخروج او لشيء مؤجل ثانيا قبل ما ترفعي ايدك في الصلاة للتكبير.. اقفي 5 ثواني فكري و استحضري عظمة ربنا قدامك انتي واقفة قدام خالق الكون نفسه.. و رتبي في عقلك هتقري سور ايه و ينفع تجيبي كمان مصحف كبير تحطيه أمامك علي اليمين أو اليسار مفتوح علي سورة عايزة تقريها.. ثالثا : لو الوضع الآلي اشتغل و لقيتي نفسك بتقولي نفس السور، اقري بعدهم السورة اللي انتي عايزاها عادي خالص و قولي لنفسك ان ده معناه انك شردتي في الصلاة .. و حاولي تركزي المرة اللي بعدها في صلاتك اكتر.. مع كتر التركيز هتحسي بخشوع و بمجرد ما الخشوع يدخل خلاص هتلاقي نفسك مستمتعة بالصلاة و بتمشي زي ما انتي عايزاها و بتفتكري السور او بتقري بزيادة لوحدك لأنك حسيت بالقرب من ربنا.. التفكير السلبي و ضغوط البيت أو الاهل او الحياة امر عادي الانسانة الذكية بس هيه اللي تقدر تتعامل مع ده بأنها.. تلتمس لأهلها و أخواتها الرحمة و متتوقعش منهم الكمال و طبعا تقدر تلاقي حل مشاكلها بنفسها.. تبحث تقرأ.. او تسأل الاهل بس سؤال واضح و محدد.. و الأهم انك محتاجة بجد تركزي في حياتك و مستقبلك بانك تركزي في الحاضر تركزي في كل لحظة بتعملي فيها حاجه معينة.. و يبقي عندك خطة او جدول او ورقة فيها أهداف كل يوم تحقيقها.. اكتبي أهدافك.. بكده حتي لو نسيتي يبقي عندك شيء يفكرك .. غيري استخدامك للموبايل.. و ابحثي عن الأشياء و الجمل و التعبيرات اللي انت مش عارفة معناها.. زي ما وصلتي لفيدني فيه كمان تطبيقات جميلة ممكن تستثمري فيها وقتك.. أو تقري كتاب بجد و تبعدي شوية عنالموبايل.. أو تشوفي هواية و تتعلمها من يوتيوب.. او حتي تلخصي مواد لليوم التالي من الدراسة.. كتحضير للمذاكرة.. المستقبل بيروح من الناس علشان مش مركزين في الحاضر بتاعهم.. لكن مش علشان محدش فاهمهم او حظهم وحش.. قللي توقعاتك في الناس .. طوري نفسك .. وقتك و صحتك اغلي راس مال عندك استثمري فيهم كل طاقتك.. و صلاتك مش روتين ده اساس لآخرتك و دنيتك مع بعض. ربنا يوفقك يارب
تم النشر الخميس، ٢ أكتوبر ٢٠٢٥
بصي اول مشكلة وهى النسيان ممكن يكون نقص فيتيامينات زي فيتامين د او انتي من الاصل مذاكرتيش كويس او ذاكرتي ومحلتيش وهكذاا ف لما تذاكري حلي كتيير بعدها ده هيثبت اللي ذاكرتيه بنسبة كبيرة والقرآن لازم تسردي على حد اللي حفظتيه او مثلا تسمعي على ابليكيشن زي ترتيل وطبيعة القرآن بيتنسي بسرعة فلو مراجعتيش وثبتي حفظك باستمرار طبيعي تنسي وتاني مشكلة هى انك بتتوتري بشكل رهيب بصي د. ياسر الحزيمي كان قالي حاجة جميلة اويي لما احنا نثق في ربنا ونحس فعلا ان الله اكبر مش هنخاف من الناس لان وقتها الناس هيبقو عادي اللي هو انا معايا ربنا هخاف من اي!! دي الفكرة انك لازم تثقي في نفسك وفي اجابتك وتركزي انك تتعلمي اكتر من انك متغلطيش انتي كل تفكيرك المستر هيشوفك ازاي ولكن لو ركزتي على نفسك اكتر ووثقتي ف نفسك وف مذاكرتك صدقيني بنسبة 90% هتجاويي صح وده عن تجربة وبلاش جلد ذات طول الوقت كلام سلبي لنفسك تخيلي نفسك حد تاني هل هتفضلي تجلدي فيه اكيد لا فرفقا بنفسك حقيقي لازم تكوني اول حد يطبطب على نفسك لإن للاسف الكل منشغل بحياته فركزي على نفسك جدا.. وبالنسبة لصحابك الحب الزيادة مدمر للبني آدم بلاش مش بقولك متحبهمش لا حبيهم عادي بس مش لدرجة اني مقدرش اعيش من غيرهم ده كده تعلق اسمعي لياسر الحزيمي ف الموضوع ده هيفيدك كتير بجد. وحاجة مهمه ركزي على صلاتك جداا وقرآنك دول اهم اتنين حقيقي.
تم النشر السبت، ٤ أكتوبر ٢٠٢٥
وعليكم السلام ورحمة الله وبركاته، أختي الغالية، أشكرك على ثقتك ومشاركتك هذه المشكلات المهمة بصدق وصراحة، وهذا بالفعل أول خطوة مهمة نحو التغيير والتحسن. سأحاول أساعدك في كل نقطة من مشاكلك بطريقة عملية ومريحة، ونحاول نلاقي لك حلول جديدة تفيدك بإذن الله. 1. مشكلة إدمان الهاتف: الاستخدام المفرط للهاتف يؤثر على تركيزك وذهنك، وهنا بعض الخطوات لتقليل الإدمان: حددي أوقاتًا محددة لاستخدام الهاتف، مثلاً ساعتين بعد الظهر وتلت ساعة قبل النوم. اجعلي الهاتف بعيدًا أثناء وقت المذاكرة. استخدمي تطبيقات تساعدك على مراقبة وتقليل وقت الاستخدام. اشغلي نفسك بنشاطات أخرى تحبينها مثل القراءة أو الرسم أو المشي. ذكري نفسك بالهدف الذي تسعين له، كلما شعرتِ بالرغبة في فتح الهاتف اسألي نفسك “هل هذا يساعدني في تحقيق حلمي؟”. 2. مشكلة النسيان أثناء الامتحان والمذاكرة: النسيان في مواقف الضغط أمر طبيعي، لكنه ممكن جداً يتراجع مع بعض التنظيم وتقنيات المذاكرة: عند المذاكرة، ركزي على الفهم مش الحفظ فقط، وحاولي تربطي المعلومة بصور أو قصص بسيطة عشان تبقى في ذاكرتك. استخدمي تقنية التكرار المتباعد، يعني تراجعي المعلومة بعد يوم، أسبوع، وهكذا. جربي تعلم طرق تنظيمية مثل الخرائط الذهنية أو تلخيص النقاط المهمة بعبارات بسيطة. قبل الامتحان، خدي نفس عميق وذكري نفسك أنك حضرتت كويس، وحاولي لا تضغطي على نفسك. تذكري أن الامتحان اختبار لمعرفتك، مش قيمة نفسك أو ذكائك. 3. مشكلة القراءة في الصلاة والنسيان: هذه مشكلة مشتركة بين كثير من الناس، خصوصًا إذا كنتِ متوترة أو مشغولة: خدي وقت قبل الصلاة لتذكري السور التي تودين قراءتها، قومي بمراجعتها مع نفسك. اقرأي السور ببطء وتركيز شديد. يمكنك حفظ سور قصيرة وقراءتها في الصلاة بسهولة. 4. مشكلة السلبية والتعامل مع والدتك: هذه النقطة تحتاج صبر وحوار هادئ، وإليكِ بعض الأفكار: حاولي أن توضحي لوالدتك مشاعرك بهدوء، وتذكري أن أمهاتنا أحيانًا تعبر عن حبها بطريقتها الخاصة حتى لو كانت قاسية. فكري في كتابة مشاعرك في رسالة أو دفتر، هذا يساعد على تنظيم الأفكار والتخفيف من الأذى. إذا اتفقتِ مع والدتك على بعض اللحظات الهادئة للتحدث عن مشاعرك وحاجتك للدعم، قد تجدين تفاهم أفضل. اعملي على بناء ثقتك بنفسك، وحاولي أن تخططي أهداف صغيرة تحققينها، هذا سيغير من نظرتك لنفسك وللآخرين. 5. مشكلة الشك والسلبية في التفكير: حاولي تغيري عادة التشكي طول الوقت، ركزي على شكر الله على النعم التي لديكِ حتى لو كانت بسيطة. إملئي وقتك بهوايات مفيدة واجتماعات إيجابية. تعاملي مع أصحابك عبر الإنترنت كمصدر دعم وليس الاعتماد الكامل عليهم. حاولي أن تتعلمي مهارات إيجابية مثل التفكير العقلاني، انظري للجانب المشرق في المواقف. تذكري أن العقل كالمزاج، يحتاج تدريب مستمر. في الختام: أنتِ تمرين بمرحلة قد تكون صعبة، لكن لديكِ الوعي والرغبة في التغيير وهذا بحد ذاته شيء عظيم. لا تترددي في الاستفادة من خبرات المتخصصين، وفي موقع فدني يمكنكِ زيارة صفحة الخبراء لطلب استشارة مهنية تساعدك خطوة بخطوة. وإذا تحبي، أنا هنا دايمًا لأساعدك وأشجعك. هل تريدين أن نركز على نقطة معينة بصورة أعمق؟ أو نبحث معًا عن طرق تعليمية تساعدك في المذاكرة؟ أتمنى لكِ التوفيق والنجاح، والله معكِ دائمًا. ذكية 🌸
تم النشر الخميس، ٢ أكتوبر ٢٠٢٥
الحل فى السؤال نفسه ابعد عن المشتتات لمده شهر وبعدين ارجع بساعه واحده كل يومين فقط وده حل مناسب واستعينو بالصبر والصلاة
تم النشر الجمعة، ٣ أكتوبر ٢٠٢٥
لعرض السؤال في فدني اضغط هنا