مساء الخير للجميع
حبيت أخرّج الهموم اللي جوايا بإني أشاركها مع ناس معرفهاش
محبتش أكون مجهوله علشان طول عمري ببقي مجهوله حبيت أطلع اللي في روحي واللي خانقه
أنا دايما حاسه إني وحيده دايما لما أقول لحد إني مخنوقه او مهمومه وتبقي اقرب الناس ليا يقولولي اني إنسانه attention
بزعل من جوايا بس ببان انه عادي كلمه عادي وبضحك عليها
مش عارفه سبب الخنقه بس ممكن بسبب كلمه اتقالت لي من شهر واحد من واحده في الجامعه مكنتش متخيله ان ممكن حد يقول لي كدا
مكونتش صحاب دايما وحيده وانا رايحه وانا راجعه لما بابا وماما بيسألوني عملتي اي شفتي صحابك بيعاملوني كويسه بقولهم اه وانا أصلا معنديش صحاب بس مبحبش أزعل ماما وبابا لو قلت كدا
بذاكر علي آخري بس بقيت عندي خمول وفقدان شغف مفيش زي كدا في الحياه ولا كنت أتخيل إن لينا بنفسها تبقي زعلانه وفاقده الشغف
بذاكر علشان أجيب gpaعالي بس مؤخراً بقيت بذاكر علشان أشرح للناس وأعمل summary or mind mapللدفعه علشان أبقي محبوبه ويصاحبني من فتره صاحبت شلّه أنا مصحباهم بس هما لا فاهمين حاجه؟
يعني أنا مجرد واحده ماشيه معاهم مُهمّشه
صاحبت واحده منهم بحبها قد حياتي والصراحه ما لاقتش منها غير كل خير ومساعده لكن امبارح بعتت لي ماسيج أننا نبعد عن بعض لانها خايفه تخسرني أنا مقمتش من النوم لحد دلوقتي بسبب الكلمه دي كل الناس اللي عرفتهم عاوزين لينا في حياتهم اما علشان تضحكهم بإفيه من اللي بترميهم أو بهدف المصلحه تعبت جدا لدرجة بتمني الموت حتي الموت خايفه منه لاني نسيت حفظي للقرآن والأحاديث والصلاة بقيت بستقبلها بثقل
أصلا فانيه وهنموت كلنا وانا عارفه مش هيفيدني غير عبادتي بس بلا جدوي التفكير حتي
مساء الخير يا لينا، شكراً إنك شاركتِ همومك بصراحة. اللي بتمرّي بيه طبيعي في ظروف زي دي، والشعور بالخنقة والفقدان للشغف غالباً بيجي من الوحدة والضغط الاجتماعي والأكاديمي معاً. السبب الرئيسي غالباً مش كلمة واحدة، لكنه تراكم الشعور إنك مهمشة ومش ملاقية دعم حقيقي. ده بيأثر على النفسية والروح مع بعض. أنصحك بشدة تتواصلي مع متخصص نفسي عبر صفحة الخبراء في فدني ( https://www.fedni.net/experts ) عشان تحصلي على دعم مخصص. كمان ابحثي عن أسئلة مشابهة في فدني لتشوفي تجارب غيرك. خدي خطوة صغيرة النهاردة زي كتابة اللي بيضايقك، وتذكري إن عبادتك حتى لو بثقل هتكون مصدر قوة مع الوقت. أنتِ مش لوحدك في ده.
تم النشر السبت، ٦ يونيو ٢٠٢٦
أظن أنك لو قرأتي كلامك تاني هتلاقي الحل عندك, على العموم أن الإنسان مايكونش ليه صحاب دا شيء محزن ولكن ما يبقاش شيء معطل للحياة ومعيق, وجود أصدقاء شيء مهم ولكن يبقى ليه وزنه ومقداره ودا هيسهل تكوين علاقات وعدم الاستنزاف النفسي , أنا أنصحك بمحاضرتين لماذا أنت مهم لإياد قنيبي بس مع العلم أنهم طوال وربما مملين وربما يكون تأثير الكلام مؤقت وربما مش هغيروا حاجة https://www.youtube.com/live/sSLHbBX4iss?si=I1a3ZyylSj2UkSQk https://www.youtube.com/live/ofyuTw22JnU?si=kQGtL8vNbrC---yi
تم النشر السبت، ٦ يونيو ٢٠٢٦
الله يبعد عنك أي إحساس حسيتيه كان سيء شكرا علي كلام الحلوّ
تم النشر الأحد، ٧ يونيو ٢٠٢٦
ولا يهمك خالص، أنا حاسه بيكي والله و عارفه اد اي دا صعب و يمكن في حاجات بتشبه اللي مريت بيه لكني بصراحه بقيت متصالحه مع كدا . المهم ما تبطليش تحاولي، حتى لو ببطء. وخدي وقتك عادي، مفيش حاجة بتتصلح مرة واحدة. ربنا يطمن قلبك ويقويكِ.
تم النشر السبت، ٦ يونيو ٢٠٢٦
العفو..اللهم آمين و اياكِ 🤍
تم النشر الأحد، ٧ يونيو ٢٠٢٦
بحاول علي قد ما أقدر بحاول للمره المليون شكرا علي كلامك أخذت كتير من وقتك
تم النشر السبت، ٦ يونيو ٢٠٢٦
بصي يا لينا، فكرة الصحاب دي مش هي المقياس الحقيقي لراحة الإنسان ولا لقيمته. في ناس معاها أعداد كبيرة من الصحاب وبرضه وقت الضيق بيلاقوا نفسهم لوحدهم. فمش الكثرة هي الأهم، الأهم مين بجد موجود بصدق. انتي مش محتاجة تركّزي دلوقتي على إنك لازم يبقى عندك صحاب بالعكس، ركّزي على نفسك الأول نفسيتك، دراستك، وراحتك، وقربك من ربنا. لأن لما الإنسان بيكون ثابت من جواه، ربنا بيبعتله الناس الصح في الوقت الصح. ومش معنى إن مفيش صحاب دلوقتي إن دي نهاية الدنيا، دي مرحلة وبتعدّي. ومع الوقت إن شاء الله ربنا يرزقك بناس صالحين يطمنوا قلبك مش يستهلكوه.اللي فقد الناس ما فقدش قيمته، واللي اتكسر جوه مش معناه إنه انتهى… أوقات دي بس بداية رجوع مختلف..أهم حاجة دلوقتي إنك ما تكسريش نفسك علشان فكرة الصحاب، خلي الأولوية ليكي إنتي.
تم النشر السبت، ٦ يونيو ٢٠٢٦
لعرض السؤال في فدني اضغط هنا