عندي صداع بقاله اسبوع او أسبوع وشوية ومش بيروح لما باخد مسكن وبيفضل موجود طول اليوم من اول م اصحى لحد م انام وممكن يروح وقت قليل اوي فجأه كدة ويييجي تاني وهو في نص راسي وكأنه حزام لحد قورتي وحتى لو شربت قهوة مش بيحصل اى حاجة ولو نمت كتير بردو مش بيروح
السلام عليكم، أولا ألف سلامة عليكِ، شفاكِ الله وعفاكِ. بالنسبة للصداع فهو له أسباب كتيرة. ** بتاخدي أي أدوية أو بتتعالجي من أي حاجة؟ وهل الصداع ده مصحوب بأي أعراض تانية؟ زي غثيان أو حساسية للضوء أو الأصوات أو الألم بيزيد مع الحركة؟ النوم أخباره إيه؟ الصداع ممكن يحصل من الإرهاق وعدم النوم الكويس. كمان فيه صداع توتري، قريب من الوصف اللي وصفتِه، ممكن يحصل نتيجة وجود توتر نفسي أو قلة النوم، والجلوس أمام الشاشات لفترات طويلة وإجهاد العينين أو عندك شد في عضلات الرقبة. وفيه طبعا احتمالات تانية أقل. فأنتِ ضروري تكشفي باطنة الأول. *** لازم تاريخ مرضي مفصل وكشف عشان نقدر نستبعد الأسباب والطبيب يحدد السبب الرئيسي للمشكلة والعلاج المطلوب لها. ** حاليا على ما تروحي تكشفي، اشربي مياه كتير وبلاش مسكنات كتير لأن كثرتها برضه بتعمل صداع قللي منبهات، هي كده كده مش بتعمل حاجة والكافيين لو زاد استهلاكه بيزيد التوتر والصداع. النوم الكتير، مش هو اللي يقلل الصداع، عدد ساعات كاف بجودة كويسة ده اللي محتاجاه. النوم الكتير بيسبب خمول ومن أهم أسباب الصداع. حاولي تقللي توتر وتحسني نومك واشربي أعشاب مهدئة للتوتر ومفيدة لجودة النوم. دي حاجات مؤقتة على ما تكشفي فمتأخريش الكشف كتير وتابعي لو فيه أعراض جديدة ظهرت زي الغثيان والقيء أو حساسية شديدة للضوء أو تنميل. ** .وإن شاء الله ربنا يطمنك ويشفيكِ.💚
تم النشر الخميس، ٢ يوليو ٢٠٢٦
لعرض السؤال في فدني اضغط هنا