في البدايه... انا اولى ثانوي مدرسه مشتركه بين الصبيان والبنات... المهم الفصول مختلطه كمان.. ف ولد بيفضل يبصلي ونا بدايق وغصب عني ببص ليه وبيكون عاوزه اقوم ازعقلو أو اقولو مش يبصلي بس مش بقدر.. هو كرر الموضوع دا كتير
دا اي إعجاب ولا مش طايقني ولا اي .
المشكله عندي كمان انو لما حد يركز معايا أو يبص ف عيني مباشر بتوتر جامد وجسمي كلو بيسخن تلقائيا
ف مش عارفه هل أخد موقف ولا مش اهتم...
حاولي تتجاهليه تماما لإن عالم الولاد ده عالم خفي وممكن تلاقي الولد بيتظاهر إنه لطيف وبيبصلك ببراءة كده وهو ممكن يبقى لئيم جداا وعاوز يوقعك أو يقول لصحابه إنك بصتيله دي أول الحاجه الحاجه التانيه لو النظرة إنتي حاسه إنه مش طايقك فعادي هتعمليله إيه في داهيه هو مين يعني علشان مايطيقكيش إنتي بنت وسط صحابك ليكي شخصيه أما مع الولاد سواء معاكي في المدرسه أو في نفس الفصل فملكيش دعوه بيهم خالص والولد ده ماتديلهوش اهتمام خالص وماتقوليش ماتبصليش علشان لو قولتيله الموضوع مش هيبقى في صالحك إنتي خالص
تم النشر الثلاثاء، ٩ ديسمبر ٢٠٢٥
السلام عليكم، تجاهلي الموضوع تمامًا وغضي بصرك... شوية وهيزهق ويبطل يبص. أخاف أقول لك قولي لحد من المدرسات فالموضوع يكبر ويعملك مشكلة، وكمان أنتِ قلتِ مش هتقدري تقولي له متبصش عشان هو ممكن يحرجك ويقولك مش ببص وأنتِ بيتهيألك. فتجاهليه خالص وركزي مع صحباتك أو الشرح في الحصص... الموضوع مضايقك عشان انتِ منتبهة ومركزة معه لو تجاهلتِه وشغلتِ تفكيرك في حاجة أهم انزعاجك وتوترك هيقل وبعدها هتنسي الموضوع. جايز عاوز يضايقك أو يلفت نظرك لأي سبب وجايز نيته مش كويسة، وحتى لو إعجاب فغلط اللي بيعمله، متركزيش مع الفكرة عشان ميحصلش العكس وتنجذبي له أو تتعلقي به غصب عنك.
تم النشر الاثنين، ٨ ديسمبر ٢٠٢٥
انا هنصحك ك بنت اكبر منك في حاجه ملهاش علاقه بالموضوع اصلا بس والله كل ما افتكر وانا في سنه بتقهر وكان نفسي اعمل كدا . روحي اتعلمي اس مهاره من علي النت اتعلمي جرافيك ديزاينر ،كتابه محتوي اي حاجه .. متقوليش مش هتعرفي عشان الوقت او المدرسه ، طول الوقت هتفضلي مشغوله لازم لازم تعملي ساعه اتعلمي فيها مهاره وطوري من نفسك ، ابعدي عن السوشيال ميديا واسمعي فيديوهات لبنات نجحوا قبلك ، طوري نفسك دايما ولو صحابك كل كلامهم عن حجات ومواضيع مش هتفيدك بعد كام سنه ابعدي بجد عنهم واحده واحده ، الي بقولهولك دا هتعرفؤ قيمته بجد كمان كام سنه
تم النشر الأربعاء، ١٠ ديسمبر ٢٠٢٥
نصيحتي من اخ، انك تبلغي مدرس او مدرسه تثقي فيهم واثناء تواجد المدرس دا تساليه بتبص ليا ليه وتبلغيه انك هتبلغي اهلك بعد كدا، واوعي تسكتي عن الموضوع، ربنا يحفظك
تم النشر الأربعاء، ١٠ ديسمبر ٢٠٢٥
يا حبيبتي ولا كأنه موجود اغلبهم بيعمل كدة عشان يوقع اللي قدامه مش اعجاب
تم النشر الثلاثاء، ٩ ديسمبر ٢٠٢٥
تجاهلي تجاهل تام وكأنه مش موجود، ثم لو تجاوز حده أو الموضوع خاص بالنظر لكِ ما زال يزعجك قولي للمعلم/ة عندك يوقفه عند حده
تم النشر الأربعاء، ١٠ ديسمبر ٢٠٢٥
شكرا ليكم كلكم والله انا هغض بصري وهكتفي ب كدا وهو مع نفسو بقا
تم النشر الأربعاء، ١٠ ديسمبر ٢٠٢٥
حاضر. ان شاء الله هحاول اخصص من يومي عشان اعمل كدا
تم النشر الأربعاء، ١٠ ديسمبر ٢٠٢٥
منا محروجه اكلمو..... لانو ف العاده مش بكلم صبيان
تم النشر الثلاثاء، ٩ ديسمبر ٢٠٢٥
السلام عليكم . جربي قولي له لو سمحت متبصليش
تم النشر الاثنين، ٨ ديسمبر ٢٠٢٥
لعرض السؤال في فدني اضغط هنا