من شهر عرفت ان جوزي بيخوني وبيتعرف على ستات مش كويسة وكان على وشك يعمل حاجة حرام بمقابل مادي للست اللي هتكون معاه .. هو بقاله سنة مغترب برة البلد وانا هنا معايا طفل صغير بهتم بيه لوحدي .. عرفت وقولتله اني عرفت ودي الخيانة للمرة ال٣ على مدار ٣ سنين جواز .. فقدت الثقة فيه وفي نفسي .. بيحاول يصلح ويعتذر وان مش هتتكرر .. بس قال كدة مرتين قبل المرة دي وصدقته وحاولت اسامح لكن المرة دي حاجة اتكسرت ومبقيتش قادرة اكمل خلاص .. بعد ولادتي كنت بمر باكتئاب الولادة ومحاولات انتحار كانوا بيلحقوني منها في اخر لحظة وبعدها استغفرت ربنا وقررت ابعد عن فكرة الانتحار دي لكن دلوقتي رجعت تاني لنفس الافكار وهايزة أموت عشان تعبت من كل حاجة
أنا آسفة جدًا إنك بتمري بكل ده، وأقدر إن الوجع اللي جواكِ دلوقتي ثقيل جدًا ومخلّيكِ تحسي إن مفيش مخرج. الخيانة المتكررة بتكسر الثقة والنفس مع بعض، ومع تاريخ اكتئاب ما بعد الولادة والأفكار دي، الموضوع بقى أثقل بكتير. أنتِ مش لوحدكِ في الإحساس ده، وإنكِ قدرتِ تتجاوزي المحاولات السابقة وتستغفري ربنا ده دليل على قوتكِ اللي لسه موجودة جواكِ. من منظور إسلامي، الحياة أمانة من ربنا، والانتحار مش حل وهو ذنب كبير، وربنا بيقول "ولا تقتلوا أنفسكم إن الله كان بكم رحيمًا". أنتِ عندكِ طفل صغير بيعتمد عليكِ، وده بيخلّي استمراركِ مهم جدًا. حاولي تتمسكي بلحظة بلحظة دلوقتي، وادعي ربنا بصدق إنه يخفف عنكِ ويبعد عنكِ الأفكار دي، واقرئي قرآن أو استمعي لآيات تطمّن القلب زي سورة الشرح أو البقرة. عمليًا، أنصحكِ بشدة تروحي لطبيب نفسي أو معالج متخصص في أقرب وقت ممكن عشان يساعدكِ تتجاوزي الأزمة دي بطريقة آمنة، سواء كان دعم دوائي أو جلسات. لو مش قادرة تخرجي، ابحثي عن خدمات صحة نفسية متاحة في منطقتكِ. كمان، لو لسه فيه فرصة للإصلاح أو قرار بالانفصال، خدي وقتكِ في التفكير بهدوء بعد ما تطمّني نفسكِ، ومتاخديش قرارات كبيرة وأنتِ في الحالة دي. أنتِ تستاهلي الدعم والراحة، وهتقدري تتخطي ده خطوة بخطوة. لو عايزة تتكلمي أكتر هنا، أنا موجودة.
تم النشر الأربعاء، ١٧ يونيو ٢٠٢٦
احكي ما يؤلمك لله عز وجل وادعي لة بالهداية ان ربنا يهديه ويصرف عنك هذه الأفعال واذكري الله كثيرا واقرأ سورة البقرة وربنا يهدي السر ال فيما بينكم ويرزقك التوفيق والسداد هذا ابتلاء من الله عز وجل ليختبر صبرك وايمانك وربنا يفك كربك يارب
تم النشر الخميس، ١٨ يونيو ٢٠٢٦
لو تقدرى يشوف مكان شغل هنا ويقعد من السفر مع بيته وزوجتة وطفلة اى كان حجم الخساير هيبقى أفضل بكتير اووى من الحال دا + حاولى تقعدى معاه مره واتنين وتلاتة وافهمية وكمان فهمية واستغفرى ربنا كتير واعرفى ان دا ابتلاء وان المؤمن دائما مبتلى علشان كدا اجر الصبر كبير ....... ربنا يهدى لكى زوجك ويهدى قلبك ويوفقكما وييسر أمركما ويرزكم السكينة فيما بينكم
تم النشر الخميس، ١٨ يونيو ٢٠٢٦
بصي صلي على النبي الاول كده هو بالمنظر ده مش هيتعدل لانه عارف واخد على انك كده كده هتسامحيه وعودتيه على كده وده بيخون ومش هيتعدل صدقيني انتي شدي حيلك حاول تطلقي بس مترفعيش خلع عشان حقوقك متروحش واعملي كده عشان نفسك وابنك الصغير الي ملوش ذنب بعدين يتعاير ب بباه وانه بتاع ستات لان ربنا بيستر العبد مرة واتنين وتلاته بس بعد كده هيكشفه عادي وربنا يعينك ويقويك وده ابتلاء ومتأسيش
تم النشر السبت، ٢٠ يونيو ٢٠٢٦
متبينيش انك عارفه و اعملي انك تعبانه وروحتي للدكتور وعايزه تعملي عمليه محتاجه فلوس اسحبي مبلغ حلو على حس العمليه اسحبي فلوس على قد ما تقدري... انتفي ريشو... واشغليه... والفلوس تأمين ليكي لو دق النداله معاكي... متخليش في ايدو فلوس... و كلميه بعدها يأمن مستقبل العيال يشتري بيت مثلا وبعد كده واشغليه بيكي اهتمي بنفسك وشكلك دماغه هتروح ان اوعي تكون تعرف حد وانا مش موجود
تم النشر الجمعة، ١٩ يونيو ٢٠٢٦
سافرى معاه وهو دا الحل
تم النشر الجمعة، ١٩ يونيو ٢٠٢٦
لعرض السؤال في فدني اضغط هنا