السلام عليكم انا عندي 17سنه وادخله تالته ثانوي المشكله انى بقالى سنه وحاجه بعانى من اكتأب وفكرت كتير اوى فى الانتحار بس الحمدالله ربنا ستر وانا عندى تفكير مفرط اوى ومفيش حد قريب منى ولا عندى صحاب وبحس انى اى حد بيعرفنى بيكرهنى عندى احساس بكدا حاسه انى مفيش حد بيحبنى بجد ومش عارفه اعمل ايه انا عاوزه حل لى العلم انا قريبه من ربنا ومنتظمه فى الصلاه اغلب اوقاىتى بعد لوحدى ومحدش بيحس بيهه خالص لو زعلانه انا كتومه اوى بخاف حد يعرف انى حزينه لاكنى دلوقتي مدمره مش اعمل حاجه ياريت حد يفدنى وبتوتر كتير اوى بعمل تصرفات غير اراديه
الافضل اللجوء لاخصائي او معالج نفسي ، قبل ضغطة تالتة ثانوي كمان عشان تقدري تركزي وتذاكري وتكوني احسن. استغلي الوقت ال3 شهور الجاية في المتابعة مع معالج نفسي او طبيب نفسي ، باذن الله هيقدر يساعدك تتحسني والاكتئاب يخف. متهمليش نفسك ، اوقات الاكتئاب بيكون حاجة برة سيطرة الانسان ، حتى لو متدين وايمانه عالي. خدي بالك من نفسك.
تم النشر الخميس، ٢ مايو ٢٠٢٤
وعليكم السلام بصي انتي طالما قريبه من ربنا فالمفروض تكوني عارفه ان اللي انتي فيه دا ابتلاء واختبار علي صبرك يعني انتي اكيد مكتأبه بسبب حاجه لو ما عندكيش حد تحكيله احكي لربنا انا عارفه ممكن تقوليلي ما هوا عارف اللي انا في واللي مريت بيه بس دا الوحيد اللي هيسمعك ويساعدك متطلبيش المساعده من الناس اطلبيها من رب الناس لان مافيش حد هيفيدك غيره وأما بالنسبه انك بتحسي ان الناس بتكرهك فدا من وجهة نظرك انتي وهما اكيد مش شيفينك كده وبالنسبه انك معندكيش أصدقاء والله انتي في نعمه بس انتي مش عارفه
تم النشر الخميس، ٢ مايو ٢٠٢٤
اكتئاب ؟ احب اقولك يا أخت إن الصلاة لوحدها مش كفاية انتي لازم ترضي الله من كل النواحي عشان ترتاحي ويزيل عنك الهم اول حاجة لازم تلبسي النقاب لأن كل الأدلة الموجودة تدل أنه فرض ولو بتعملي اى ذنوب بطليها اغاني بقا مسلسلات افلام الكلام ده كله حرام ومينفعش ولازم برضو يكون ليكي حياة مع القرآن حفظ وقراءة وتصلي الفجر في ميعاده لأنك لو صليتيه بعد شروق الشمس ده كده قضاء وانتي ضيعتي الفرض عمد وآخر حاجة بما انك داخلة تالتة ثانوي تجنبي الغش جدا جدا جدا جدا وفي النهاية أحب اقولك بالتوفيق 🤍 ربنا يوفقك
تم النشر الاثنين، ٦ مايو ٢٠٢٤
تقدري تطلعي من اللي انتي فيه بسهوله جدا _حاولي كل ما يكون عندك وقت ما تسبيش نفسك للوسواس استغلي الوقت ده واتطوري اتعملي مهارات جديده اسمعي بودكاست كتير يفيدك ويقوي معنوياتك ويرفع روحك المعنويه واستغلي وقت الفراغ بتاعك باي شكل من الاشكال وحاولي متخليش الشيطان يسيطر عليكي ولا يضعفك وان شاء الله ربنا هايكرمك وتفائلي خير طول ما انتي مع ربنا 💙💙❤
تم النشر الجمعة، ٣ مايو ٢٠٢٤
لعرض السؤال في فدني اضغط هنا