انا مى عندي 22سنه ليا صاحبه كنا بيست فريند لبعض وكل حاجه نحكيها لبعض واتعلقنا ببعض فترة ما جدا جدا جدا وكنا كل حاجه مع بعض فجأة صحبتي دي اتغيرت بدون اي مقدمات اه عندها ظروف شقلبتها شوية بس ماكلنا. عندنا ظروف ده داعي اتغير ع الى بحبهم ؟
المهم عاتبتها مره واتنين والف وفكل مره تقريبا الموضوع كان بيقول اننا نسيب بعض نهائيا وبالفعل كل ما اكلمها ميكونش فارق معاها واحس بقسوة فالتعامل
وانا الى ارجع سوري زي الكلبة واكلمها لدرجة اني مابقتش قادرة اسيبها وبقا في مؤشرات كتير تقول انها خلاص مش عاوزاني مابقتش مهما عندها زي الاول الا اني بردو ماسكه فيها اه ساعات مابقيناش نتكلم باليوم والاتنين والاسبوع كمان ولازم ادخل انا ابادر وساعات هي تبادر بس مش اوي
انصحوني اعمل اي انا فعلا متعلقة بيها وكل ما اكلمها تقولى طاقتي خلصت حورات معاها اجتماعية وحورات معاها وظروف ادتلها كل المبررات الى فالدنيا
وكل ما اعاتبها متدنيش كلمه حلوه تبل ريئي كلامها كله محايد بعد ما كانت بتعشق حرفيا التراب الى بمشي عليه ولو تعبت شوية واختفيت كانت ترن عليا وع ولدتي وتوصلى باي طريقه وغيرو وغيرو انا بس مش عاوزه اطول المسدجات طويلة اوي بالله ساعدوني
حاولت افك التعلق حاولت ابعد بس مفيش
قولولى اعمل اي وانا بجد عايزاها وفنفس الوقت حاسه اني تقيله عليها مابقتش عارفه اعمل اي
حبيبتي مش لازم تبعدي تماما بس حاولي تشغلي نفسك بحاجات تانيه صاحبتك مش اخر حد فالدنيا هيقرب منك يعني مش لازم تقطعي معاها تماما بس اتعامل عادي اللي هو مبعتتش متبعتيش ممكن كل فتره تبعتي تطمني عليها كدا وبس وهتلاقي نفسك واحده واحده معدتش فارقه معاكي
تم النشر الجمعة، ١٤ أغسطس ٢٠٢٦
السلام عليكم، طالما عملتِ اللي عليكِ وسألتِ وعاتبتِ فخلاص متستهلكيش طاقة أكتر من كده وركزي في حياتك. مش لازم تقطعي معها تماما لكن اعملي زي ما هي عملت. ممكن تسألي قليل لو صعبان عليكِ علاقتكم، تطمئني من حين للتاني. *** وعاوزة أنبهك برضه لحاجة، مفيش حد بيتغير فجأة، ممكن تراكمات، حاجات صغيرة حصلت بينكم ومكنتيش بتاخدي بالك منها مثلا وهي من النوع اللي مش بيعاتب مثلا ففضلت تشيل لحد ما قطعت مرة واحدة. (مش بقول ده الأكيد، ده احتمال ممكن تفكري فيه) وفيه احتمال يكون حد وقع بينكم ونقل كلام مش حقيقي عنك بس لو ده حصل كان المفروض تيجي تعاتبك أو تقول لك حصل كذا وكذا وتتأكد منك. واحتمال آخر بما إنك بتقولي حصل عندها ظروف، فمين عارف، جايز الظروف دي غيرتها من جوا أو كسرتها، ممكن دخلتها في اكتئاب أو عزلة عن الكل بما فيه أقرب الناس. وعلى فكرة، حقيقي وبيحصل... ممكن الإرهاق النفسي يوصل الشخص إنه يبعد حتى عن اللي بيحبهم ويفصل عن الحياة كلها بدون مقدمات. ** عموما، أنتِ زي ما قلت عملتِ اللي عليكِ وسواء كانت بعدت من نفسها أو بتمر فعلا باكتئاب أو إرهاق نفسي شديد فاصلها عنك وعن الحياة فبعدك في الحالتين بيعطيها المسافة سواء اللي أخدتها بعمد أو اللي ممكن تكون مجبرة عليها نفسيا. *** أنتِ بقى اشغلي نفسك في حياتك واملي يومك أهداف وهوايات عشان تقل حاجتك للتواصل معها أو مع غيرها. وإن شاء الله ربنا يصلح أحوالك ولو فيها خير يصلح بينكم ويوفقكم لطاعته سوا.
تم النشر الأحد، ١٦ أغسطس ٢٠٢٦
يا بنتي، أنا فاهمة إن اللي بتمرّي بيه صعب جدًا، خاصة إنك كنتِ متعلقة بيها بقوة وكانت جزء كبير من حياتك اليومية. التغيير المفاجئ ده بيوجع، وبيخلّي الواحد يحس إنه تقيل أو مش مرغوب فيه، وده شعور طبيعي لما الصداقة تتحول كده بدون سبب واضح. بس خليني أقولك بصراحة ولطف: التمسك القوي ده بيأذيكِ أكتر مما بيفيدكِ، لأنكِ بتدوري على حاجة مش موجودة دلوقتي. عمليًا، جربي تقللي المبادرة تمامًا لفترة، مش عشان تعاقبيها، لكن عشان تعطي نفسك فرصة تشوفي الوضع بوضوح. لو هي فعلاً عايزاكِ، هتظهر ده بدون ما تضغطي. وفي نفس الوقت، ركزي على حاجات بتخصكِ أنتِ: طوري مهاراتكِ، اقرئي كتب، أو حتى ابحثي عن أنشطة جديدة بتساعدكِ تبني ثقة في نفسكِ بعيدًا عن الاعتماد على ردودها. الإسلام بيعلّمنا إن العلاقات رزق، ولو اتغيرت، يبقى فيه حكمة، فادعي ربنا يريح قلبكِ ويبعد عنكِ اللي مش خير لكِ. أنتِ مش لوحدكِ في الموقف ده، كتير بيمرّوا بنفس التجربة. ابحثي عن أسئلة مشابهة على فدني عشان تشوفي وجهات نظر تانية. خدي خطوة صغيرة كل يوم عشان تحرري نفسكِ، وهتلاقي الراحة تيجي تدريجيًا. أنا هنا لو عايزة تتكلمي أكتر.
تم النشر الجمعة، ١٤ أغسطس ٢٠٢٦
متتعبيش نفسك وتهلكي طاقتك ع الفاضي انتي بتفكري فيها بس يمكن هيا لا فمتهلكيش طاقتك ونفسك سيبك منها دلوقتي هيا عاوز تبعد ابعدي انتي كمان خليها شخص عادي فحياتك ومترجعاش تاني المكان ده ولا اي حد تخليه في المكان ده حبي نفسك اكتر وقدري ذاتك بس متتعلقيش بحد صدقيني هتشوفي الحياة احلي ومفيش حاجه هتزعلك طول مانتي بتبصي لنفسك ومتعلقة بربنا بس
تم النشر الجمعة، ١٤ أغسطس ٢٠٢٦
المشكلة لما بتعرف ع ناس جديده بتفهمها الى هو اه انتي عاوزه تنسيني وبتاع بينما عي اصلا مش معايا زي الاول وبقت تعمل كل حاجه من ورايا حته الخروج اقولها يلا نخرج تعترض وتتحجج بينما الاقيها يوم اجازتها نازله فرح ولا عيد ميلاد ولا بره عموما ومعرفش غير لما تيجي الله يهديها لحالها
تم النشر الثلاثاء، ١٨ أغسطس ٢٠٢٦
بصي عارفه أن الموضوع صعب بالذات لو هي صاحبتك الوحيده أو البيست فريند الوحيده بس ممكن تتعرفي على ناس جديده و تعملي حاجات جديده و حاولي لو كنتي بتكلميها مره في اليوم كلميها مره كل يومين او تلات هي خلاص مش عاوزاكي حافظي على كرامتك و ابعدي عنها تدريجي علشان الموضوع يكون سهل و اتعرفي على ناس جديده و كوني صدقات جديده
تم النشر الاثنين، ١٧ أغسطس ٢٠٢٦
حصل ليا موقف زي بتاعك بس كرامتي خط احمر وفعلا بعدت عني بدون سبب ومحاولتش اسالها ليه علشان انا ياما عاتبتها وبرضو مفيش فايده وزعلت من بعدها لحد دلوقتي مش عارفة اتعافي من خذلان بس الحمدلله ربنا معايا احسن من اي حد خدي وقتك في زعل بس متحاوليش تاني معاها هي متستاهلش حبك اصلا
تم النشر الأحد، ١٦ أغسطس ٢٠٢٦
بصي طالما مفيش بينكم خناقات أو مشكلة لقدر الله تجبرها تبعد يبقي خلاص بعدين انتي عاتبتي وعملتي اللي عليكي خلاص اتعلقي بربنا ملكيش دعوه بيها بلاش تتعلقي بالبشر هتتعبي بجد كنت زيك وعانيت جامد حاليا بقيت مه نفسي وبث كل ماتقربي منها وتعطي غيرك قيمه هبعد عنك اكتر بلاش بجد حسيتي انك تقيلة ف حيات حد انسحبي ايا كان مين لكن مش تيجي ع نفسك بالشكل دا
تم النشر السبت، ١٥ أغسطس ٢٠٢٦
بتحاولي في اي
تم النشر الجمعة، ١٤ أغسطس ٢٠٢٦
انا بقالى خمس شهور بحاول لما اتهلكت لدرجة حسيت بقا معنديش كرامه
تم النشر الجمعة، ١٤ أغسطس ٢٠٢٦
انا فاهمك وفاهم شعورك لما تكوني بتعزي حد بجد وبتعتبريه اقرب حد ليكي يعني اكتر من اخت ممكن بالنسبالك بس العادي ان الحب ده بيتغير او الشخص بيتغير مع الوقت واهدافه وتفكيره علاقاته كمان يعني ده الطبيعي فعادي يعني خليكي عارفه ده شوفيهايمكن حصل معاها مشاكل او حاجه خلتها تبعد عنك شويه او حصلت معاها ظرف ما ده لو هيا بتحبك بجد زي منتي بتحبيها كمان متعلقيش نفسك بحد متخليش حد محور الكون فحياتك وتعشمي فيه زياده تن اللزوم مهما كان مين لأن هيجي وقت وهيتغير او يبعد ف اشغلي نفسك اتعلمي مهارات اعرفي اكتر عن العلاقات وازاي تبني علاقات صحيه متتعلقيش غير بربنا لان اي شئ يزول مع الوقت الا هو كل شئ هالك الا وجهه متزعليش نفسك عادي انا من حصل معاي نفس الموضوع واديت فرص كتير بس لقيت اني بخسر نفسي ومتعلق بحبال دايبه فبقيت بعامل الكل تعامل عادي بحب الناس واضحك واهزر وكل حاجه بس مش متعلق اه خطوه صعبه هتحسيها بس بعدين هتتعودي عادي بس اشغلي نفسك واتعلمي وطوري نفسك
تم النشر الجمعة، ١٤ أغسطس ٢٠٢٦
لعرض السؤال في فدني اضغط هنا