أنا متعلقة بجوزي أوي وبحب وجوده ومش بعرف أنام في البيت الا وهو موجود وبخاف عليه جدا وهو بالنسبة لي كل دنيتي
في المقابل هو رافض كل اهتمامي وشايفني ببالغ ودايما يقوللي مش لازم نتكلم ودايما مشغول بالشغل وكل تفكيره يعيش مع اهله في بلدهم حتى لو انا رافضة دا او مش قادرة اعمله
وعاوزة اقلل اهتمامي وحبي دا وحاولت وفشلت كتير بس انا تعبانه افيدوني اعمل اي
في ناس مش حبه الاهتمام الزائد ممكن جوزك من النوعيه دي...(أنت برافو عليكي علشان خايفه عليه و حباه انا بجد مبسوطه جدا منك لكن احترمي رأيوا برضو ❤️) شوفي لو هو مهتم بالتواصل الجسدي ولا لأ... مثلا زي بعد لما يجي من الشغل احضنيه و بوسيه او تعمليلوا مساج او حمام ساخن حلو...البسي فساتين نوم تجذبه...
تم النشر الخميس، ١٤ أغسطس ٢٠٢٥
زمان كانوا بيقولوا الشيء ان زاد عن حده اتقلب ضده. فالاهتمام الزياده لما بيبقى كتير احنا بنسميه كم مبالغه اللي هو لا انت بتبالك في مشاعرك فما دام ما بنقول ان انت صادق بنقول ان هو كذاب بنقول ان هو بيتصنع. لان الزياده يا اما بيتخنق يا اما بيحس ان بملل ليه كثير كده ومش معنى ان احنا نقلل اهتمام ان احنا نقلل الحب احنا ممكن نحب الشيء جدا ونحبه قوي بس مش لدرجه ان احنا نخنقه. انت لو بتحبي جوزك بجد؟ فالبني ادم لما بيحب حد بيحاول يقلل من الحاجه اللي بتضايقه والاهتمام بيضايقه قلليه. شوفي الحاجه اللي هو بيحبها واعمليها وبلاش تزودي في مشاعرك لان المشاعر الزياده وحشه بتتقلب عكس.
تم النشر الأربعاء، ١٣ أغسطس ٢٠٢٥
السلام عليكم، إن شاء الله الخبراء الأسريين والنفسيين هنا ينصحوكِ إزاي تتعاملي مع المشكلة بحلول عملية من خبراتهم وفي حالتك أعتقد هتحتاجي متابعة مع مختص. بس هو عمومًا، الاهتمام الزائد بيخنق والرجالة غالبًا بيكرهوا ده، وكل ما بعدتِ عن نفسكِ وخليتِ شخص تاني هو مركز الكون بالنسبة لك والمدار اللي بتدوري فيه هتلاقي نتيجة سلبية للأسف ونفور من الطرف المقابل أو عدم تقدير في كثير من الأحيان. ** أنتِ كل اللي محتاجاها تعرفي نفسك أكتر وتوصلي لسبب التعلق ده، ممكن خوف واحتياج لشيء وطول الوقت خايفة من فقده إذا فقدتِ زوجكِ. اعرفي نفسك وحبيها أكتر وقضي معها وقت أكتر من أي حد تاني، اشغلي نفسك بحاجات تطورها وتطور عقلك وتفكيرك. واحدة واحدة هتلاقي نفسك بتتوازني وتبعدي عن التعلق والاهتمام المتطرف ووقتها مش بعيد هو يبدأ يحس بتغيرك وابتعادك ويبدأ هو يهتم المرة دي. اعملي ده في الأول عشان نفسك قبل ما يكون عشان تحصلي على اهتمامه. ** ربنا يعينك ويوفقك ويكتب لك الخير إن شاء الله.
تم النشر الأربعاء، ١٣ أغسطس ٢٠٢٥
مرحبًا عزيزتي، شكراً لكِ على صراحتك ومشاركتك لمشاعرك، وهذا بالفعل يحتاج إلى قوة وشجاعة. أنتِ تتعلمين الآن كيف توازنين بين حبك واهتمامك بزوجك واحتياجاتك النفسية، وهذا تحدٍ كبير، خصوصًا مع انعدام تفاعل واضح منه. دعينا نحاول نفكك المشكلة ونضع خطوات عملية تساعدك: فهم التعلق وأسبابه التعلق الشديد يمكن يكون ناتج عن خوف من الفقد أو احتياج عاطفي كبير، بل قد يكون أحيانًا علامة على عدم الثقة بالنفس أو الشعور بانعدام الأمان. هذا طبيعي جدًا أن تحبي زوجك وتخافي عليه، لكن في نفس الوقت يجب أن يكون هناك توازن لأنك بحاجة أيضًا لأن تعيشي حياتك وتعتني بنفسك. التوجيه الذاتي والاهتمام بالنفس حاولي تضعي لنفسك أوقات تكرسينها لاهتماماتك، هواياتك، وأصدقائك، أو تنمية ذاتك سواء بتعلم شيء جديد أو حتى قراءة كتب أو ممارسة نشاط تحبيه. هذا سيعطيك شعور بالاستقلال ويخفف التعلق الزائد. التواصل الصريح والمفتوح معه حتى لو هو مشغول، يمكنك طلب من وقت لآخر أن يجلس معك ويتحدث بصدق عن مشاعرك بدون لوم أو انتقاد. قد يكون هو نفسه يعيش ضغطًا يحتاج لتخفيفه بطريقة خاصة، ومن المهم أن تجدي وسطًا بينكما. ضرورة وضع حدود صحية اهتمامك يجب أن يكون معقولًا لا يرهقه ولا يجعلك تشعرين بالألم من تجاهله. حاولي تذكير نفسك بأن الحياة لا تقوم على شخص واحد فقط، وأنك قوية وقادرة على عيش حياتك بشكل متوازن. هذا لا يعني تقليل مشاعرك، ولكن تنظيمها بطريقة تعود عليكِ بالنفع النفسي. طوري من ثقتك بنفسك بلّغي نفسك دائمًا بإنجازاتك مهما كانت بسيطة، وادعي مع الله أن يرزقك راحة البال والاطمئنان. الاستعانة بالذكر والدعاء جزء قوي من توازن النفس وتثبيت القلب. استشارة مختص إذا كنتِ تشعرين أن الأمر فوق طاقتك أو أنكِ تعانين من قلق مزمن أو اكتئاب، فهذا أمر يستحق الدعم النفسي من مختص (معالجة نفسية أو استشارية زوجية). في منصة فدني يمكنكِ البحث عن خبراء متخصصين يساعدونك أكتر. أحب أقول لكِ، في بعض الأحيان حبنا لشخص ما لا يعني أننا أقل قيمة من دونه، بل عليكِ أن تصنعي لنفسك مقامًا مستقلًّا في حياتك، الرياضة، العمل، الاهتمامات، والعبادة كلها ستساعدك في بناء هذه الاستقلالية النفسية. أنتِ لستِ وحدكِ، وأنا هنا دائمًا لكِ لو تحبي تستشيري أو تتكلمي أكثر. هل تريدين نصائح لممارسة أنشطة تساعدك على التركيز على نفسك قليلاً؟ أو تريدين أفكار لتطوير ذاتك وشغل وقتك؟
تم النشر الأربعاء، ١٣ أغسطس ٢٠٢٥
حياة خاصة بيكي ولوحدك مش معناها تتطلقي عشان متفهمنيش غلط 😂 لا يعني اعمليلك روتين في اليوم يشغلك عنه بحيث متبقيش مشغولة بيه طول اليوم و بتحسسيه بالاهتمام الزايد اعملي حاجات او هوايات بتحبيها .. اهتمي بنفسك و اعملي سكين كير ..فهمتي حاجات بتحبيها حياة ليكي .. بيزنس ليكي صغير ممكن يعني حياتك انتي .. لكن في نفس الوقت متخليهوش يحس انك استغنيتي عنه خليه يحس انك لسه محتاجاه و هو الحامي و المدافع و سندك بعد رينا
تم النشر الخميس، ١٤ أغسطس ٢٠٢٥
علي فكرة هو قالك الحل بعضمة لسانه قللي اهتمامك الراجل مش بيحب الست اللازقة ... و ازاي متعلقيش نفسك بيه؟ اصنعيلك حياة انتي يعني خلي ليكي حياة بحيث لو جوزك مش في حياتك انت بالفعل عندك حياة مش هو يبقي محور حياتك .. لا لازم تفكي التعلق و تصنعيلك حياة لوحدك الراجل بيحب الست اللي كده الست الكاريزما الست اللي عندها حياة و بتصنع لنفسها حياة ...
تم النشر الخميس، ١٤ أغسطس ٢٠٢٥
المرأة بطبيعة الأمر عندها المشاعر اعلي من الرجل في كل حاجه والاهتمام الزائد بيؤدي الي النفور
تم النشر الخميس، ١٤ أغسطس ٢٠٢٥
حاولي تصلي الرحم وتهتمي وتتواصلي مع أهلك عشان ياخدو شوية من الإهتمام فيقل اهتمامك بزوجك
تم النشر الثلاثاء، ١٩ أغسطس ٢٠٢٥
احيانا الاهتمام بيخنق ، ماتبقيش الدبة اللي قتلت صاحبها
تم النشر الاثنين، ١٨ أغسطس ٢٠٢٥
فهمت جزاك الله خيرا
تم النشر الجمعة، ١٥ أغسطس ٢٠٢٥
لعرض السؤال في فدني اضغط هنا