السلام عليكم انا مني عندي ١٨ سنه
عندي واحده صحبتي كنت انا وهي حرفيا اقرب من الاخوات وكانت علاقتنا جميله جداا وضحك وفرفشه وكلامها زي كلامي وحتى هزارنا حسيتها حته مني وشبهي ف كل حاجه وهي كانت حنينه جداا وانا برضو كنت ببقا كدا معاهها مع اني ف العاده شخصيه قاسيه شويه بس كنت معاها ببقا حرفياا حد تاني حبيتها بجد من كل قلبي واعتبرتها اختي مش صاحبتي بس وعرفت كل عيلتي عليها ومامتي حبتها جدا وقالتلي حافظي عليها خصوصا لما ماما شافتها بتعيط عشاني لما ببقا مخنوقه او حصلي اي مشكله المدرسين
كلهم كانو متعودين دايما علينا سوا وكلو عارف مني وايمان احلي صحاب بس ف تالته ثانوي طبعا اختلفنا ف المدرسين وكل واحده راحت عند مدرس من شكل مع اننا اتواعدنا اننا نكون مع بعض دايما مهما يحصل بس الدروس فرقتنا معدناش بنشوف بعض كتير ولا بقينا بنتقابل صدف حتى ابعت لها ع الواتس بقت بترد عليا ببرود او بطريقه عاديه مش الطريقه اللي انا متعوده عليها فجأه كدا من غير ميحصل اي حاجه ولا خلاف ولا اي حاجه خالص بقيت ترد كل فين وفين مبقتش تحكيلي ولا تفضفضلي مبقتش تخرج معايا كل مقولها عاوزين نتقابل تقولي مش فاضيه واكتشف انها كانت بتخرج مع صحابها التانيين او اللي اتعرفت عليهم
اكتشفت انها نقلت كلام انا كنت قايلاه لها عن واحده زميلتنا مكنتش علاقتي بيها كويسه او كنا بنتخانق كتير كلمتها وقعدت تقولها كل حاجه انا كنت بقولها لها وطبعاا اللي عرفني كل ده هي نفس زميلتنا اللي انا مش بطيقها وبعتالي الشاتات كلها . عشان تضايقني بصاحبتي بس طبعا انا عمري مصدق ع ايمان اي حاجه حتي لو ده حصل منها فعلا مش قادره ابطل احبها روحت لايمان البيت وقعدت معاها عاتبتهاا عشان انا باقيه عليها لاخر لحظه وعشان بحبها فعلا قولتلها انا زعلانه منك اوي ي ايمان ومضايقه جدا مش هكلمك علي تجاهلك ليا وردك ببرود عليا وبتحاولي دايما تبعدي لما بقرب منك بس انك تنقلي كلام انا كنت بقولهولك دي مش امانه يصحبتي تخيلو ردت عليا قالت ايه😂
قالت لي انت الغلطانه دا فلانه دي طيبه جداا وانت اللي كنت وحشه معاها وهي كانت اكتر واحده شاهده هي البنت دي اذتني ازاي المهم احنا ولاول مره اتخانقنا خناقه كبيره يومها والحوار انتهي وهي قالتلي انا بندم ع اليوم اللي عرفتك فيه مش عاوزه اعرفك تاني والخناقه دي كان ادخل فيها الاهالي واتفقنا كل واحده فينا تروح لحالها وطبعاا بلكنا بعض وكل حاجه بينا خلصت ويشهد ربنا انا كنت باقيه عليها لحد ايه ويشهد برضو اني لسه بحبها وهموت من غيرها انا حالتي ادهورت وبقيت بعيط كتير جدا وافتح الفون علي صورنا واتقهر ع الذكريات اللي كانت ما بينا انا بس عاوزه اعرف هي ليه اتغيرت عليا فجأة ليه معدتش بتحبني زي الاول كل ده عشان افترقنا في الدروس بقيت بشك انها مكانتش بتحبني من الاساس وكل ده كان كدب كل كلامها الحلو ووعودها ليا كلو كان كدب عامة انا مش مسمحاها ابدا علي كسره قلبي دي ولا عياطي ده ولا الخذلان والصدمه اللي سببتهالي من غير اي اسباب ومن غير مبرر .
هي متغيرتش علشان الدروس فرقتكم وتجاهلها ليكي مش بسبب انشغال هي لو لسه يتحبك وباقيه عليكي هتكلمك مهما كانت مشغولة الله أعلم بس واضح أنها بدلتك بزميلتكم أو أنها شافت فيكي حته وحشه في أنك مش بتطيقي البنت التانيه فبدلتك عليكي عارفه أنك هتقابلي ناس كتير منهم حلو ومنهم وحش بس المهم متتعلقيش بأي حد منهم أنا حصل معايا زيك وكنا عشره 8 سنين بدلتني بواحدة ولللاسف مكانش فيه مبرر أو حتي محاولتش تساوي بيننا هل اتأثرت وقعدت اعيط؟ لا طورت من نفسي واتخطيتها في يوم زي ما هي اتخطتني في يوم وعرفت ناس غيرها ومنهم إلي خذلني بطريقه تخليني أنهار هل قعدت اعيط عليها؟ عيطت يومين تلاته وزعلت بعدين بقيت يتعامل ولا كأنها في يوم من الأيام كانت أقرب واحده ليا والكل كان يشهد بقت غريبه وبقيت قاصده إني مهما مريت بمواقف كنت بعمل فيها حاجات بتبسطها مش بعملها وبتعامل بخشونة هي كده الدنيا إلي هيقف معاكي وقت مش هيفضل واقف علشانك الناس بتروح وبتيجي بس حبك لنفسك وأنك تكتفي بنفسك بس في حياتك دي حاجة مش هتروح حوالي تتعودي علشان لسه قدامك حياه طويله لسه فيه جامعه وشغل هتقابلي ناس كتير جدا منهم إلي هيفضل ومنهم إلي هيمشي بس المهم تعرفي غلطك علشان متقعيش مع ناس زيها حطي حدود لأي علاقه تدخليها ونصيحه متعرفيش صاحبك علي أهلك علشان يكون الموضوع سهل لو اتسبتي ولو حسيتي أن حد من إلي عرفتيهم اتغير بدون سبب متعاتبيش لو هيفضل معاكي هيجي هو وربنا معاكي
تم النشر الخميس، ٥ يونيو ٢٠٢٥
وعليكم السلام ورحمة الله يا غاليتي، أولاً أريد أقول لكِ إن مشاعرك وآلامك واضحة وعميقة، وفقدان علاقة كانت قريبة جداً منك مثل هذه الصديقة لا بد أن يكون صعب جداً. أحياناً الصداقات التي نعتبرها أخوة وتأسر قلوبنا قد تمر بتغيرات مؤلمة، وأنت لم تخطئي في حبك أو في إخلاصك. دعيني أساعدك على فهم الموقف خطوة خطوة، وأعطيكِ نصائح عملية: فهم التغير في الصداقة: أحياناً بعض الناس تتغير لأسباب داخلية أو ضغوطات نفسية أو اجتماعية لا نعلمها. قد تكون صديقتك تعرضت لمواقف أو ضغوط دفعتها لتصرفات غير متوقعة. نقل الكلام وعدم حفظ الأسرار يُعتبر خيانة، وهذا طبعاً يجرح بشدة، وقد يكون مؤشر على أن هذه الصداقة لم تكن مبنية على أسس وثقة قوية كما كنتِ تظنين. الاعتراف بالألم والمضي للأمام: من حقك أن تحزني وتبكي، لأن فقدان صديقة كانتمها قريبة منك هو ألم حقيقي. لكن أيضاً من المهم أن تقبلي أن هناك حدود للسيطرة، ولا يمكنكِ إجبار أحد على البقاء في حياتك. المسامحة ولكن بدون العودة للألم: المسامحة لا تعني نسيان أو قبول ما حدث بل أنها تحرير لنفسك من قيد الحقد والغضب. افتحي الباب للمسامحة في قلبك لتحرري نفسك من ثقل الحزن، لكن لا تعودي لعلاقة قد تؤلمك مجدداً. التركيز على نفسك وتطوير ذاتك: استثمري هذا الوقت في نفسك، شخصية قوية ومستقلة تعيش حبه الله لنفسها أجمل. تواصلي مع أشخاص إيجابيين، وجربي أن تنشئي صداقات جديدة تمتاز بالصدق والاحترام. التوجه إلى الله بالدعاء والرضا بالقضاء: تذكري أن في كل ألم حكمة، وأن الله سبحانه وتعالى هو الملجأ والملاذ. ادعي الله أن يرزقك من يحبك بصدق، وأن يجعل لك الخير في ما هو مقبل. إذا شعرتِ بأن الحزن عميق ومتكرر: من الجيد أن تتحدثي مع أخصائية نفسية أو مدربة حياة قادرة تفهم مشاعركِ وتوجهكِ بطريقة مناسبة. وأخيراً، يا عزيزتي، تذكري أن غدر البعض لا يقلل من قيمتك أو من قلبيتهم، بل هم خسروا من عرفكِ حق المعرفة. الزمن دوماً كفيل بأن يملأ قلبك بصداقات أجمل وأصح. إذا أحببتِ، يمكنكِ تصفحي على فدني قسم الاستشارات للعلاقات والصداقة، وربما تستفيدي من آراء خبراء يمكنهم مساعدتك أكثر. وأنا هنا دائماً إذا احتجتِ كلام أو دعم، لا تترددي تسألي. دمتِ قوية ومحبوبة 💖 ذكية
تم النشر الثلاثاء، ٣ يونيو ٢٠٢٥
مكنتش بتحب حبها دا كان حب مصلحه
تم النشر السبت، ٧ يونيو ٢٠٢٥
حصلي نفس الموقف بالظبط بس المشكله اني من بعدها فقدت الثقة بالناس كلها وبقيت لوحدي حاولي تكوني ضيف خفيف علي قلب كل الناس متتعلقيش لا براجل ولا ست خليكي لوحدك يسلم قلبك
تم النشر السبت، ٧ يونيو ٢٠٢٥
الله كل يوم يبعث لكل الناس ألآف بل كل الرسائل يعلمهم فيها أن التعلق بغير الله هو قله وخزي كبير ومهانه لإنك تتعلق بشئ مهان .. والله وحده العزيز .. وهذه رساله منهم .. أقول لك كلمه لله لا أغشك فيها عشان أفيقك .. عشان المجامله وعدم الصدق هيا اللي هتضيعك .. ممكن تكون خلاص مش عايزه تحتك بحد تاني لظروف منها إنها إتأذت نفسيا كتير ف منعت الكل وإنت كنت من ضمن الكل وخلاص .. ممكن عايز ترتقي بحياتها .. ده مش معناه إنك سيئه بس كل واحد حر في حياته .. ومحدش يقدر يجبر حد على حاجه .. إفهمي إنت كمان حاجه زي كده وعيشي حياتك
تم النشر السبت، ٧ يونيو ٢٠٢٥
دة درس ليكي الفايدة من متتعلقيش بحد لدرجة انو لو راح يبقي خلاص حبي صحابك واللي حواليكي بس اعرفي انهم ف الاول والاخر بشر وفي فترة ممكن تخسري ناس بتحبيهم لأنهم مش كويسين او لان الحياة هتفرقكم
تم النشر الجمعة، ٦ يونيو ٢٠٢٥
لعرض السؤال في فدني اضغط هنا