الانسان يعمل ايه لما يكون كبير وان اهله او ابويا عامةً بيتعامل معايا على اني لسه صغير ومعرفش حاجه و حته الضغط عليا ان مفيش نزول من البيت ومفيش خروج فمش بخرج من البيت اصلا ولوحدي دايما
والله الفكره نفسها بغض النظر عن السن ممكن تكون انت بتعمل حاجات برا البيت زي انك بتعرف تتعامل مع الناس بتعرف تفتح مواضيع وتاخد وتدي مع الأكبر منك ومتكونش قليل الكلام أو أنك مش مكسوف مع اي حد جديد تقابله لأن في نقطة مهمه لازم تاخد بالك منها اي حاجه بتعملها بعيد عن أنظار أهلك عمرهم مهيصدقوك عليها إلا لو هما اختبروك فيها أو شافوك يعنيهم وانت بتعامل بدالهم في مواقف معينه فانت بالطريقه دي بتدي لنفسك فرصه أو room مساحه يعني بحيث الأهل يثقوا ويصدقو انك تقدر تعمل حاجات مكنتش تقدر تعملها و في برده فكره زمشتركه مش شرط تكون فيك ولكن هي الكسوف لما تكون مكسوف حتي لو جوا البيت أو برا البيت أو برا وجوا الكسوف دي لوحدها معناها ان الأهل عارفين انك عندك حدود معينه في التعامل مع الناس أو في انك تاخد بالك من نفسك في الشارع دي نقطه مش هيفهموما كويس إلا بحركه كويسه ممكن تعملها ممكن وانت قاعد مع أهلك تحاول تفتح معاهم موضوع وتقولهم انت انصرفت ازاي أو التصرف الصحيح بيبقي ازاي عشان يعرفوا أن لو في حد هينصب عليك أو هيغفلك ف موضوع برا في الشارع تكون انت ناصح في الحاجات دي وطبعا الأهل مش مصدقينك لأن هما مشفوش منك ف انت هتعمل اي هتحاول تقعد معاهم في البيت علي قد م تقدر ولو فتحوا موضوع من غير مياخدو رأيك فيه انت تقولهم التعامل الصحيح مع الموقف دا بيبقي ازاي عشان تملأ فراغ انو هما شايفينك صغير، وبعدين برده انا عايزك تفهم نقطه مهمه جدا أهلك مش شايفينك صغير بمعنا انك مثلا مثلا يعني واحد عنده ١٦ سنه او ١٨ سنه والي هقوله ينطبق لو عندك ٢٥ أو ٣٠ سنه انو كده مفكر انو هما شايفينك صغير بالعكس هما شايفينك صغير في سياق انهم خايفين عليك برا من المشاكل الكتير الي بتقع فيها الناس زي بتوع المخدرات الي بيقتلوا ناس في الشارع أو ناس بيلبسوا مشاكلهم أو قواضيهم لناس تانيه الحاجات دي أهلك شايفينك فيها صغير عشان انت ممكن متقدرش تتعامل فيها لأن غيرك اتحط في الواقف دي وبيقع فيها برده ف الموضوع مش سهل ولكن في مجمل الكلام الي عايز أوضحه اهلك مش شايفينك صغير عموما بغض النظر عن سنك هما شايفينك صغير في بعض السياقات والمواضيع الي ممكن متقدرش تتعامل معاها ولكن مش شايفينك صغير وخلاص ولازم تتحمي ويعرفوا انت رايح فين وجي منين هي بس دي مشكله للاسف بتكون عند الاهل عموما وهي أنهم بيخافوا علي الابن بشكل كبير ف اكن الموصوع بيبان انو تحقيق معاك، وفي نفس الوقت لازم تحترم فكره انو الأهل خايفين عليك بغض النظر انها تقيله عليك ولكن حاول تتعود وتتعامل مع اسئلتهم انك عارف هما هيقولو اي وتقولهم بالتفصيل انت نازل لي بحيث تبينلهم انك مقدر قد اي هما خايفين عليك وفي نفس الوقت انت بقيت فاهم مشاعر أهلك اتجاهك بغض النظر برده أنها فيها بعض من المغالاة، ووفقك الله أن شاء الله
تم النشر الاثنين، ١٤ سبتمبر ٢٠٢٦
أنا آسفة إنك بتمر بكده، وأقدر إن الشعور ده بيخليك محبط ومحدود، خاصة وأنت راجل كبير وعايز تثبت نفسك. التعامل معاك كأنك لسه صغير ده أمر شائع في بعض العائلات، وغالباً بيجي من خوف الوالدين أو عادات متراكمة، مش بالضرورة من عدم الثقة فيك. ابدأ بخطوة عملية: اختار وقت هادي وهادئ واتكلم مع والدك باحترام وهدوء، بدون ما تتهمه. قول له مثلاً إنك بتحب تحس إنك قادر تتحمل مسؤوليات أكبر، واطلب فرص صغيرة زي الخروج لمهمة محددة أو لفترة قصيرة، مع التأكيد إنك هترجع في الوقت المتفق عليه. أظهر له بالأفعال إنك ناضج، زي إنك تاخد قرارات يومية بنفسك أو تساعد في البيت بطريقة تثبت إنك قادر. في نفس الوقت، حاول تبني استقلالية داخل البيت أولاً، زي إدارة وقتك أو تعلم مهارات جديدة، عشان يشوفوا التغيير ده. لو الضغط مستمر، فكر في استشارة شخص موثوق من العائلة الكبيرة أو متخصص في العلاقات الأسرية عشان يساعد في فتح الحوار. ابحث عن أسئلة مشابهة على فدني عشان تشوف تجارب ناس تانية وتاخد أفكار إضافية. أنت قادر تتجاوز المرحلة دي خطوة بخطوة، وأنا هنا لو عايز تتكلم أكتر.
تم النشر الاثنين، ١٤ سبتمبر ٢٠٢٦
حاسه ان فكره انك مش بتخرج البيت لوحدك كبروها شويه بس عامةً مهما كبرت انت هتفضل ابنهم اللي بيخافوا عليه فحاول واحده واحده تجيبهالهم انك كبرت واعتقد هما لما يشوفوا افعال فخلاص..... واه اهم حاجة بلاش تغضبهم يعني
تم النشر الاثنين، ١٤ سبتمبر ٢٠٢٦
جداً والله وده بيخليني كل شويه بحس اني متوحد اكتر من اليوم اللي قبله ومش عارف اتعامل مع حد ومبحبش اخرج من الاوضه عايز اخرج عايز كذا لا لا مفيش غير الكلمه دي حرفيا ابويا ده سبب في كل حاجه وحشه بتحصلي
تم النشر الاثنين، ١٤ سبتمبر ٢٠٢٦
مهما كبرت ف هما هيفضلوا اكبر .. وعموما الموضوع مش هيطول هيجيلك وقت تبقى حر وتعمل اللى تشوفه مناسب وكويس .. لكن ف الوقت الحالى اسمع كلامهم ارضاءا ليهم ع الاقل ومش هتندم عامة
تم النشر الاثنين، ١٤ سبتمبر ٢٠٢٦
لعرض السؤال في فدني اضغط هنا