يامرحب بيكم كلكم
انا "زوزو" عندي 25 سنه بشتغل في شركه خاصه وكان ليا زميلي في الشغل شخص لطيف جدا وبشوش اتعرفنا علي بعض وبدات بينا صداقه خصوصا بعدما انتقلت لنفس القسم اللي بشتغل فيه ومع الوقت بمرور سنه اعترفلي انو بحبني وعايز ينقل علاقتنا لمستوي تاني وقتها كنت موظفه جديده عندي 23 سنه ، فطلب مني اديلو وقت اكتر ونتكلم مع بعض بعد الشغل او نخرج حتي لو ضمن مجوعة الشغل المهم بصراحه انا كنت معجبه بيه جدا لانه شخص بحب الشغل و شغال علي نفسو جامد ودا كان باين عليه في" ترقيه في السلم الوظيفي" .. وقتها كان بيسالني بكل صراحه لو انا حاسه بحاجه من نحيتو ومكنتش بحب نوع الكلام اللي هوا بحبك وبعشقك وياعمري وياقلبي ماليش فيه وكان بيلاحظ كدا ورديت عليه بصراحه اني معجبه بيه وهو شخص غالي عندي بس بحس المشاعر بتبرد بسرعه لو كملت قبل الجواز .. المهم الفتره دي ماكنتش افضل فتره في حياتي بسسب صراعي مع الاضطرابات النفسيه كنت تعبانه نفسيا وكل حاجه عندي ملغبطه وحاسه اني ظلمتو معايا جدا خصوصا انو كان صادق جدا ودايما كان بحاول يهون عليا وينصحني بس انا مكنتش عايزه يتبهدل معايا وتعبت نفسيتي مره تانيه جدا وسحبت اجازه وبعد فتره كملت شغل من البيت وفي نفس الوقت بتعالج .. مفيش حد عرف عني حاجه وانا كنت شايفه ان الموضوع دا شخصي وحساس جدا بلاش ادخل حد فيه .. ورجعو طلبوني لقسم تاني في الشغل فنزلت الشركه مره تانيه وانا بصراحه كل الفتره دي بفكر فيه وكان نفسي يدعمني بس انا عملت نفسي قويه وندمت علي كدا لما نزلت محستش بتغير في تعاملو معايا بالكعس كان اطلف شخص حبيتو جدا ( كان متفهم جدا اني كنت بس شويه تعبانه بس مش نفسيا 😶🌫️يعني وابدا محبش يتخصص في الموضع دا .. لكن للاسف مفيش حاجه حلوه بتكمل ، تعبت مره تانيه😞😞 والمره دي كانت اقوي من اي مره وطلبت تاني اكمل شغل من البيت .. وبعد فتره مش كبيره سمعت انو خطب مازعلتش علي نفسي زعلت عليه لانه كان حببني من قلبو وكان بيعافر عشان العلاقه دي تنجح .. انا كنت صدمة عمرو لاني مرتين انسحبت مره وحده من حياتو ومبررتش دا كان ليه 💔 انا عارفه اني غلطانه بس نفسي اعترفلو اني كنت بمر بأزمه نفسيه ودا كان بسبب المرض مش جحود مني او تقليل قيمه وخايفه من ردة فعلو وخصوصا انو شبه بيتجوز وحاسه ان الوقت مش مناسب خالص ،هل اسكت واخليه يفتكر اي حاجه وحشه عني او اتكلم ،مش عايزه اكون شخص مثالي بس مش نفسي ابدا تكون صورتي مكسوره في عيون اغلي شخص عندي 🥹💔
دة واحد خلاص شاف طريقه وماشي في سكة الزواج .. مفيش أي داعي لأي كلام من أي نوع دلوقتي لكي لا تشتتيه عن الطريق والإنسانة اللي اختارها ادعي له بالتوفيق والبركة وبس!
تم النشر الثلاثاء، ١٧ أكتوبر ٢٠٢٣
25 سنه العمر ليس قدمك وبكره تقابلي احسن منه بكتير. لكن صح انك تبعدي عنه تماما حتي في الشغل ودا الافضل صدقني دا موش من نصيبك ، حاولي انتي كمان تتعفي من المرحلة دا وتشوفي نفسك اهتمي اووي بشكلك لبسك وطوري من نفسك وبلاش تفكري في الحب علشان هو هيجي لواحده كده كده لكن فكري في مستقبلك ، هو خلاص انتها دائما قولي كده لنفسك لو هي فكرتك بيه ، هو شاف حاله يبقي انتي كمان اعتبرية ماضي وانتهي وبلاش تبوظبي حياتي ، مع العلم أن هو ممكن يحول يتواصل معاك بعد الجواز بالفترة ودا بيكوان اكبر فخ ليك بمعني أن هو حضرتك شايف حياته ،اتجوز ، ناجح في شغله ، ولكن مينفعش يدمرلك حياتك بحجه أن هو مازل بيحبك دا كلام فارغ شوفي نفسك. أما بالنسبة انك تقولي ليه ،انك كنتي تعبانه فدا معادة فات موش هيفرق معاه لأن بحبك بجد وشاف منك ولو اجابه أو قبول كان هيعافر علشان يوصلك. انسي ،ركزي علي نفسك ، كملي علاجك ، قربي من ربنا ، نصيبك جاي جاي ، اختاري صح ، حبي نفسك 🌸
تم النشر الأربعاء، ١٨ أكتوبر ٢٠٢٣
لا داعى ...كان فى وقت تانى هيبقى عادى صورة وحشة او حلوه مش هتفرق فى شىء حاليا وانتى قولتى انه عموما مش بيعاملك وحش يسبب الله الاسباب ليقع القدر ..
تم النشر الأربعاء، ١٨ أكتوبر ٢٠٢٣
ملوش لزوم ترجعي اي حاجه فاتت، لن بشكل صريح مكانش فيه بينكم اي وعود في الكلام. يعني انتي قولتي انك معجبة بيه، وهو كمان بس مكانش فيه اي احداث بعد كده يعني هو حتى محاولش مثلا انه حتى يتقدم ليكي او يحاول يوصل لاهلك. هو طلب منك انكم تعرفوا بعض شوية. ف مظنش ان الموضوع تطور ما بينكم للحد اللي هو يزعل او يحس انك لعبتي بيه. ف ابعدي خالص، ومتقلبيش في اي حاجه فاتت .. طالما انه خلاص على وشك الزواج.
تم النشر الثلاثاء، ١٧ أكتوبر ٢٠٢٣
لعرض السؤال في فدني اضغط هنا