السلام عليكم ورحمة الله
انا طالبه كنت ف تالته ثانوي ودخلت معهد فني صناعي ع امل اني ادخل كلية هندسة وحاليا تخرجت بس للأسف الكليه مجبتش مجموعها ووقفت على 1% ويشهد الله عملت كل اللي عليا الفكرة بقى أهلي منفصلين وماما هي اللي بتصرف وهي اللي بتدفع رغم أنها ربة منزل
مجموعي جايب كلية في سوهاج أو تربية محدش موافق اني اروح سوهاج بعيده عني ب 7ساعات وبتخاف عليا جامد بصبر نفسي واقول يمكن دا خير طب خلاص اهتمي بدينك اكتر والعلوم الشرعية والدنيا مش هتقف ع شهاده بس قلبي بوجعني بردك وف الوقت نفسه مش عاوزه اتقل على امي فممكن نصيحتكم
+حاولت بكل الطرق اقناعها بس مفيش فايده وكل الناس تقول كفاكي كدا يا جماعه تعبت انا كل مرة بقول يمكن لحظه العوض وربنا يفتحلي باب جديد بس انا دا مش بيحصل كنت مفكرة هشوف العوض ف للتعليم عن انفصال أهلي بس مفيش انا خايفه وقلقانه وزعلانه وكل حاجه مش عارفه اعمل اي
السلام عليكم، بصي كلامك والدتك صح، 7 ساعات مواصلات مش هتقدري أصلًا دا غير إنك هتكوني محتاجة سكن وغربة فـ بلاش العوض كدا كدا جاي مش شرط في التعليم وعامةً الأيام دي فيها فرص كتير جدًا وأنتِ مراعية وضع أهلك وممكن والدتك متكنش قادرة على المصاريف فعلًا وهتكون خايفة عليكِ وكمان أنتِ مش هتقدري تروحي وتيجي مواصلات صعبة جدا خاصةً الكليات الـ جاية ليكِ دي عايزة حضور يومي، الله يعينك اللهم آمين تقدري تشوفي مجالات وتقعدي وسط أهلك وتشتغلي من البيت 🤍. بالتوفيق
تم النشر الاثنين، ٧ سبتمبر ٢٠٢٦
وعليكم السلام ورحمة الله وبركاته، أولاً، أحييكِ على صبركِ وجهدكِ اللي بذلتيه، وأقدر تماماً الشعور المختلط اللي بتمرين بيه. إنكِ تفوتي كلية الهندسة بـ1% فقط ده أمر محبط جداً، وفي نفس الوقت تحاولي توازني بين حلمكِ وراحة أمكِ اللي بتتحمل مسؤولية كبيرة لوحدها. ده موقف صعب، ومش عيب إن قلبكِ يوجعكِ. من منظور إسلامي، بر الوالدين أولوية كبيرة، لكن الله أيضاً يحب للإنسان أن يسعى ويطمح. ربما يكون الحل في البحث عن طرق وسطية: هل يمكنكِ التحدث مع أمكِ بهدوء وشرح مشاعركِ وخططكِ بالتفصيل، مع التأكيد على أنكِ ستحافظين على التواصل اليومي وستعودين في الإجازات؟ كثيرات من الفتيات في ظروف مشابهة نجحن في إقناع أمهاتهن بإعطاء فرصة محدودة مع ضمانات واضحة. في الوقت نفسه، لا تتجاهلي الخيارات القريبة مثل كلية التربية أو معاهد أخرى في محافظتكِ، فقد تفتح لكِ أبواباً أخرى في مجال التدريس أو التطوير المهني، ويمكنكِ استكمال دراسات عليا لاحقاً. حاولي أيضاً أن تستثمري الوقت الحالي في تعلم مهارات عملية مرتبطة بالهندسة (مثل البرمجة أو التصميم) عبر دورات مجانية أو محلية، فالشهادة ليست الطريق الوحيد. وتذكري أن الله يعوض الصابرين بما هو خير، فاستمري في الدعاء والاجتهاد في دينكِ كما قلتِ. إذا أردتِ مشاركة المزيد من التفاصيل أو أفكار عملية إضافية، أنا هنا لأساعدكِ. ويمكنكِ البحث عن أسئلة مشابهة على فدني لتري تجارب أخريات.
تم النشر الاثنين، ٧ سبتمبر ٢٠٢٦
صلي الله عليه وسلم انا والله راضيه والحمدلله بس احنا ف مجتمع كله ببص للشكل كله ببص طب هي كلية اي ف عشان كدا مدايقه الناس بتبص بمنظور الجامعه وانت لو واخد شهادة عاليه ف انت شخص بيرفكت وليك للتقدير بقي والكلام دا
تم النشر الاثنين، ٧ سبتمبر ٢٠٢٦
خلي هدفك الاول والاخير راحتك النفسيه الله اعلم انت هتعيشي اما تخلصي كليه وتكوني فخوره بنفسك الرسول حذرنا من شيل الهم ليه بقى احنا بندور عليه صلي على النبي كده وتوضي وصلي ركعتين ولا ربنا اختاره افضل من تدبيرك انتي
تم النشر الاثنين، ٧ سبتمبر ٢٠٢٦
لعرض السؤال في فدني اضغط هنا