السلام عليكم ازيكو ياجماعة أتمنى تكونو بخير.
انا عندي مشاعر لشخص، بس الشخص دا مش كويس وسمعت عنه كلام كتير من أشخاص أكتر، يمكن معظم اللي يعرفوه عارفين انه بتاع بنات وانا اولهم.
انا تعاملي معاه نادر جداً وفي الحدود وكان محترم جداً معايا ، بس أنا شخصياً لو اتقدملي واحد بنفس صفاته او هو نفسه انا مش هوافق عليه ،عشان عارفه انه مش كويس .
كنت معجبه بيه من زمان حوالي خمس سنين، من سنتين انا مشاعري قلت تجاهه وشبه نسيته بنسبه75%
، بس من بدايه السنه لقيت نفسي بحن تاني معرفش ليه، ولما تيجي سيرته بكلام وحش قلبي بيوجعني وبزعل، مع ان يعتبر كل ما اتجمع مع صحابي او قرايبي يقولوا انه مش كويس وكان بيكلم كذا ولا كذا .
وانا اعرف واحدة شخصياً من اللي كلمهم، وللصراحة كان بيكلمها عشان لو اتفقو يتقدملها ولما محصلش نصيب مبقوش بيتلكمو.
ومع كل اللي اعرفه معرفش معجبه بيه ليه ولا حتى هو لمحلي بحاجه ولا حاول يكلمني ولا اي حاجه ، وانا عارفه انه اعجاب او حب من طرف واحد،معرفش.
وكل صلاه بدعي ربنا انه يريح قلبي ويخرجه منه ويختارلي الخير، بس بقولها وحاسه ان الدعوى تقليه عليا.
اتمنى اي حد ينصحنى عشان بجد انا تعبت وحاسه اني بستنزف طاقتى في حاجة غلط ومش هتبقى ليا.
السلام عليكم ورحمه الله وبركاته. الموضوع هنا بقى مش مرتبط بالشخص بعينه قد ما هو مرتبط باحتياجك انت للجزء العاطفي والحب والمشاعر عندك طاقه من المشاعر حابه انك تطلعيها في اتجاهه بالنسبه لك هو ممكن يكون اول شخص اعجبت بيه وطلعت تجاهه المشاعر دي وبعدين عملت كده هولد كده وقفلتي الموضوع واندمجتي في الحياه وبعدين لما بقى في مساحه ثانيه في يومك وفي حياتك انه يكون في مشاعر دي تطلع فدورت على مكان تطلع فيه فما لقيتش يعني انا مرتبطه ولا مخطوبه ولا عندي اي رابطة اطلع فيها العاطفه دي فلذلك دورت على اقرب حد يعني زي ما بنقولها كده بالمثل البلدي اللي تعرفها احسن من اللي ما تعرفوش فخلاص اه ده استني كده ندور في الارشيف الشخص ده انا كنت بوجهله المشاعر قبل كده. ده بيحصل كده يعني بشكل تلقائي من جوه عقل الباطن علشان ما ابقاش بدور على حد وخلاص ده لما اكون انا بميل للحاجه اللي انا اعرفها افضل بكثير ما ادور على حاجه جديده ممكن تكون مجهوله بالنسبه لي. فلذلك انت دورتي على شخص توجهي له المشاعر فلقيت ان مش هو نفس الشخص لقيتي نفسك بتفكري بطريقه مختلفه لان عدى سنين فانت شخصيا اختلفتي في تفكيرك. هو مع ذلك المشاعر ملهاش دعوه بالتفكير فرايحه برده بتقول لا لا هو مشاعرنا موجوده تجاهه لما هتبقي بتتعب كده تبقي برده ثاني كانك بتقول لنفسك انا عايزه ارمي الحاجه اللي اعرفها واخش في خطوره ان انا ممكن المشاعر تتوجه لحد ما اعرفوش او حاجه ما اعرفهاش وده طبعا عمره ما هتكون حاجه مطمئنه للنفس نفسك بتبقى عايزه حاجه تكون ما فيهاش خاطر فلذلك وانت بتدعي انك تنسيه او تبقي مش حاسه بمشاعر تجاهه بتحسي بالاحساس اللي مش لطيف ده وكأنك يعني هتخسري حاجه مش هتلاقي زيها ثاني وده فعلا مش حقيقي فهنا تضارب بس ما بين المشاعر اللي هي جايه من زمان قوي وما بين التفكير الحالي حاولي توازن ما بينهم وهتلاقي الموضوع احسن بكثير ان شاء الله
تم النشر الثلاثاء، ١٠ نوفمبر ٢٠٢٦
وعليكم السلام ورحمة الله، أهلاً بيكِ يا قمر. أول حاجة أحب أقولها لكِ إن مشاعركِ طبيعية جدًا، وإنكِ تعبانة وبتحاولي تتخلصي منها ده دليل على قوتكِ ووعيكِ. الاعتراف إن الشخص ده مش مناسب وإن الإعجاب ده من طرف واحد بس، وإنكِ بتدعي ربنا يريح قلبكِ، كل ده خطوات مهمة جدًا. عشان تساعدي نفسكِ في التخلص من المشاعر دي، جربي تركزي على خطوات عملية بجانب الدعاء. أولاً، حاولي تقللي أي تذكير بيه، سواء كان من خلال تجنب الحديث عنه مع صحابكِ أو حتى التفكير فيه لما يجي في بالكِ. كل ما تيجي سيرته، غيري الموضوع فورًا واستبدليه بفكرة إيجابية عن نفسكِ أو عن مستقبلكِ. تاني حاجة، ركزي على تطوير نفسكِ في مجالات بتحبيها، سواء دراسة أو هوايات أو رياضة أو حتى قراءة كتب بتفيدكِ نفسيًا. ده بيملأ الفراغ اللي بيخلي المشاعر ترجع. كمان، استمري في الدعاء لكن بطريقة أخف، زي إنكِ تدعي ربنا يختارلكِ الخير ويملأ قلبكِ بالرضا، ومتحسيش إن الدعاء تقيل عليكِ. ربنا عارف حالكِ وهو أرحم بيكِ من نفسكِ. ولو لقيتِ نفسكِ محتاجة دعم إضافي، ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار جديدة. أنتِ قادرة تتجاوزي ده، وهتكوني أقوى بعد كده. لو عايزة تتكلمي أكتر، أنا هنا.
تم النشر الاثنين، ٩ نوفمبر ٢٠٢٦
مع الوقت بيقل جدا مشاعر دي زي اي فترة في حياتك حتى افتكري مثلا حاجات كانت صعبة عليكي زمان وانتي صغيرة وانتي دلوقتي خلاص نسيتي وموضوع اتقفل لواحده، ولحد دلوقتي عشان بس تطمني انتي زي فل يعني اعتقد انك بعيدة عنه، وفي نفس الوقت قللي الاحتكاك بيه عشان متزوديش مشاعر المراهقة دي ولا مش عارف اسمها ايع دي، كل ما الانسان بيكبر وبيتعلم حاجات بيعرف حقيقة الحاجات ومشكلتك معدتش هتبقا مشكلة واعتقد دي حاجة بتبقا نفسية او حاجة غصب عنك عندنا كلنا مش انتي بس يعني فيه حد عنده مشاعر قوية لحاجة وانتي لحاجة تقريبا يعني اعتقد فمتستغربيش دي سنة الحياة فيها مشاكل دايما وابعدي قدر ما تستطيعي انك متوسوسيش نفسك وتقعدي تلومي نفسك، والمشاعر دي تقبليها انها موجودة غصب عنك بسبب حاجة نفسية او عقل باطن ومع الوقت هتروح بس واقعا بقا او فعليا تلتزمي بالضوابط وتبعدي عن فتنة إلا للحاجة بس يعني تتعاملي بشكل طبيعي عادي بس بالضوابط الي هي طبيعية اصلا وانتي قلتي انه مش كويس فخلاص قللي الاحتكاك بيه
تم النشر الخميس، ١٢ نوفمبر ٢٠٢٦
وعليكم السلام ورحمة الله وبركاته، الاعجاب عندما يكبر في القلب وخصوصا عندما يكون تواصل ولو مرة، ولو بشكل سطحي ، ولو امام الجميع سيكبر؛ سيكبر في القلب ويتحول الى حب وعشق وكل هذا من طرف واحد أحيانا؛ وعندها ستصل النفس الى طريق مسدود، هو غير مناسب لك؛ لا عقليا ولا منطقيا...(وانت قلت هذا) اعجابك به منذ زمن ربما كان سبب للعودة والاعجاب به مرة أخرى، ربما موقف حرّك تلك المشاعر، ربما ارادت نفسك ان تكون وفية لمشاعرك القديمة... أحيانا تحاولين الانسحاب من تلك المشاعر لكنك ترين نفسك غريبة وكأنك كنت منتمية لهذه المشاعر التي يرفضها عقلك ومنطقك، تحاولين الانسحاب لكنك تشعرين بوحشة معيّنة... مشاعر مركّبة ولكن حلها الحزم، والألم في البداية، اشغال القلب والعقل في امور اخرى، قطع أي شيء يمكن ان يذكرك به، الاستعانة بالله سبحانه وتعالى والتماس رضاه... واما الاسترسال فلن يتعب الا قلبك انت. ﴿وَاللَّهُ يُريدُ أَن يَتوبَ عَلَيكُم وَيُريدُ الَّذينَ يَتَّبِعونَ الشَّهَواتِ أَن تَميلوا مَيلًا عَظيمًا﴾ [النساء: ٢٧] ﴿يُريدُ اللَّهُ أَن يُخَفِّفَ عَنكُم وَخُلِقَ الإِنسانُ ضَعيفًا﴾ [النساء: ٢٨]
تم النشر الأربعاء، ١١ نوفمبر ٢٠٢٦
انا الحمدلله بعيدة عن السكة دي خالص،ولا حاولت اني اروحها ولا اكلمه، بس دي حاجة مش بإراتي، غصب عني
تم النشر الثلاثاء، ١٠ نوفمبر ٢٠٢٦
ما تمشيش ورى مشاعرك ياختي.. المشاعر مش بتفرق بين الحلو والوحش.. حكمي عقلك طالما شيفاه بتاع بنات ومش كويس فدوسي ع مشاعرك... ونصيحه لله انتي نفسك ابعدي عن سكة الشباب خلي قلبك صايم لحد ما ربنا يأذن بالحلال
تم النشر الثلاثاء، ١٠ نوفمبر ٢٠٢٦
ربنا يريح قلبك
تم النشر الخميس، ١٢ نوفمبر ٢٠٢٦
اسمعي دورة الداء والدواء
تم النشر الأربعاء، ١١ نوفمبر ٢٠٢٦
المشاعر زي ما عودتيها على التعلق.. عوديها على التجاهل.. وطبيعة الإنسان السوي.. وحطي تحت السوي ألف خط... طبيعة الإنسان السوي انه بينفر ويستنكر أي شيء غلط حتى لو الشيء ده قطعة من جسده... ف انتي عرفتي ان الشاب ده كذا وكذا طبيعي انك تكرهي الشخص ده وإلا كنتي متناقضة مع نفسك.. إزاي كارهة انه بتاع بنات وفي نفس الوقت مشاعرك مياله ليه ..؟!!
تم النشر الأربعاء، ١١ نوفمبر ٢٠٢٦
لعرض السؤال في فدني اضغط هنا