سلام عليكم
انا عارفه ان انا كنت بعمل غلطات كثير انا عاوزة بس تنصحوني اعمل ايه او وجهوني للطريق الصح انا بنت وعندي 19 سنه انا الحمد لله اهلي ربوني احسن تربيه بس ممكن يكون عشان ما كانش في حد مهتم فيا فتوجهت للتطبيقات اللي هي بتبقى فيها البنات والاولاد ديت فكنت كل يوم بكلم ولد فانا حاسه بالتعب وزهقت من الحته دي وعارفه هو غلط برجع اصلي واتوب وأقرب من ربنا برضوا برجع رغم إني كنت بحذف في التطبيقات كنت ارجع تاني فمش عارفه اعمل ايه في ايه تنصحوني قولوا لي اعمل ايه
توكلي علي الله واعزمي النيه انك تسبيه الله ولي الذين آمنوا يخرجهم من الظلمات الي النور صح انو ده غلط بس الأهم انك اعترفتي ب ده وندمتي وده اساس التوبه احب اقولك ان انت ممكن تكوني متعلقه بيه. او بالشعور اللي هو بيدهولك ف صعب ممكن انك تسييه وعماله تحاولي م عارفه صح ؟ لا خدي القرار النهائي اللي بيه هتقطعي معاه وتعلقي بربنا والقرآن والصلاه لان روحك مرتبطه بيهم وصديقي هيطمئن قلبك وهتبقي قويه م اي حاجه تكسرك لأنك معلقه روحك بربنا اللي هي مكانها الصح بجد يشجعك علي الخطوه دي جدا وفخوره بيكي اوي انك فوقتي انت قدها وافتكرت انك انت المحكمه في قراراتك ونفسك 🫂
تم النشر الاثنين، ٢٥ مايو ٢٠٢٦
وعليكم السلام ورحمة الله. أولاً، أحييكِ على وعيكِ وندمكِ ورغبتكِ الصادقة في التغيير؛ هذا أول خطوة مهمة. الطريقة العملية الآمنة للتخلص من هذه العادة: احذفي التطبيقات نهائياً الآن، وغيّري كلمة مرور حساباتكِ حتى لا تعودي. حددي بديلاً يومياً مفيداً (قراءة قرآن، تعلم مهارة جديدة، رياضة خفيفة، أو عمل تطوعي) لتملئي الفراغ الذي كانت تشغله التطبيقات. ضعي تذكيراً يومياً بتوبة صادقة وصلاة الضحى، فالقرب من الله يقوّي الإرادة. إذا عادت الرغبة، اكتبي سبب رغبتكِ في التوقف وأعدي قراءته. إذا احتجتِ دعماً إضافياً أو استشارة متخصصة، يمكنكِ زيارة صفحة الخبراء في فدني: https://www.fedni.net/experts وابحثي أيضاً عن أسئلة مشابهة في فدني لتستفيدي من تجارب الآخرين. أنتِ قادرة على التغيير، وكل خطوة صغيرة تقربكِ من الراحة والرضا.
تم النشر الاثنين، ٢٥ مايو ٢٠٢٦
وعليكم السلام ورحمه الله وبركاته ،اولا حاولي تشغلي وقت فراغك بحاجة تانية اهم و تكون مفيدة ممكن مثلا الصبح تنزلي جيم و لما ترجع تصلي و تذاكري لو انتي بتدرسي و تقرأي قرأن و لو عندك اي هواية ممكن تعمليها زي الرسم تقرأي كتب ،يعني حاولي تستثمري وقت في حاجة مفيدة
تم النشر الثلاثاء، ٢٦ مايو ٢٠٢٦
لو نويتي نية بصدق مع نفسك انك هتمسحي التطبيقات دى ومش هترجعيها تانى فعلا انت هتعملى كدا بس انوى وحطي ربنا فى قراراتك ووعي نفسك دايما ان الغلط دا بيزعل ربنا منك وممكن يؤدى لفجوه كبيرة بينه وبينك وادعي كتير ان ربنا يعينك وتفوقى لنفسك ودينك علشان انت عايزة ربنا يرضى عنك وتعملى ايه ارجعي لربنا تانى ولو وقعتي ارجعى تالت ورابع و كل ما تقعي ارجعي لربنا لحد ما الغلط هو اللى يزهق منك وساعتها تمسَّكي بعلاقتك بربنا بأقصي ما عندك وربنا يثبتك
تم النشر الاثنين، ٢٥ مايو ٢٠٢٦
في بودكاست إسمه إيه المشكلة في التوبة بجد رائع لأي حد بيتوب وبيرجع أنصحك بيه كتير وكتاب الداء والدواء شرح علاء حامد
تم النشر الاثنين، ٢٥ مايو ٢٠٢٦
بصي من الاخر انت مابتتقليش على الرز ، يعني تسيبي المواقع من هنا ماتتحمليش الم الفراق ترجعي تاني ، الحل مش هقولك حجي أو استغفري مليون الف مرة طبعا دا مفيد بس مش الحل الحل فيكي انت فارقيهم و حسي كويس بغصة القلب و الم الفراق و اتعصري كدا من الوجع و واجهي المك و اتكلمي مع therapist لو المشكلة تفاقمت و شكرا
تم النشر الاثنين، ٢٥ مايو ٢٠٢٦
لازم الاستبدال لازم الوقت الفاضي الـ كنتِ بترجعي فيه يكون مليان حاوطي نفسك بصحبة صالحة انزلي أحفظي قرآن لو متاح معاكِ، شاركي في عمل تطوعي نسائي، اتعملي حاجات جديدة أصلًا الإنسان لما يعمل معصية بيكون فاضي في فراغ فـ أنتِ خليكِ حريصة على إن وقتك يكون مشغول ومع ناس صالحة وناس تعينك
تم النشر الاثنين، ٢٥ مايو ٢٠٢٦
وعليكم السلام، هو مفيش حد مش بيغلط كلنا بنغلط ونوقع، بس خير الخطائين التوابين وأنتِ ما شاء الله رغم صعوبة الأمر بس بترجعي وبتوبي، عايزة أقولك يا غالية أفضل طريقة تتخلصي بيها من الذنوب هي معرفة شؤم الذنوب أنصحك تسمعي كتاب الداء والدواء لابن القيم، حافظي على فروضك وادعي كتير أثناء صلاتك إن ربنا يكرهك في ذنوب، كثرة الاستغفار بتكرهك في أي ذنب طول ما أنتِ ما ماشية استغفري استغفري هاتي كل يوم 500 استغفار هتلاقي نفسك في حالة نفور من ذنوبك، بلاش تكوني قاسية على نفسك قرري من اليوم وأحذفي كل التطبيقات دي وخدي قرار بعدم الرجوع
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا