السلام عليكم
انا طالب تالته ثانوي دفعة 2026 مكنتش بذاكر في اولى وتانيه وده مأثر عليا حاليا سواء اني مش عارف اذاكر او بطيئ في استيعابي او كسلي لاني اتعودت على اللعب وانا عاوز اجيب مجموع عالي عشان افرح اهلي وعلى الاقل ميكنش دفعوا السنه دي فلوس دروس ف الفاضي فياريت حد يفيدني ويوجهني صح
+انا بدور بردو على منحه جامعيه ياريت لو حد يعرف عن الموضوع ده يدلني برضه اكون شاكر ليه♥️
1-اتعلم الاستمرارية ودى اهم حاجة هتخليك دايما مستمر مهما حصل 2-اعرف قاعة 1٪ اى هى القاعدة دى القاعدة دى باختصار انك ادرس كل يوم بنسبة واحد فى المية وهاتوصل ل 100٪ ما تاجلش ذاكر حتى لو جزء صغير دا هيساعدك انك تقدر تلم بسرعة وماتقولش انا بطئ كلنا بطء عندك 11شهر فاهم يعنى اى دول كتير اوى انك تغير اى حاجة وفى الاول هاتبقي بطي بعد كدا هاتبقي سريع عادى ماتستسلمش 3- متاجلش ابدا تعالى ع نفسك وذاكر الحاجة اللى اخدتها اول باول وراجع كل ماتخلص فصل او باب 4- ابعد عن اى صاحب عارف انه مش بيتمنى لك الخير وانه بيبعدك عن دراستك( الصاحب ساحب) 4-شيل الموبيل وادرس من التابلت افضل بعيد عن الفيس بوك والوتساب والتيك توك دول يبقي ليهم وقتهم المحدد بعد ما تخلص دراسة 5-ماتشتتش نفسك بين مليون مدرس اعتمد ع واحد تكون بتفهم معاه وتعرف تحل من بعده حتى لو كان مش مشهور 6-سنتر احسن كتير من الاونلاين 7-ماتقولش فلان احسن واشطر منى بكتير كلة بيتغير فى السنة دى فى ناس بتبقي شاطرة جدا وتخيب وناس ماتعرفش حاجة وتتشطر جدا بًآلَتٌوٌفُيَقُ
تم النشر الاثنين، ٨ سبتمبر ٢٠٢٥
وعليكم السلام ورحمة الله، أخي العزيز، أولاً أحب أقول لك إن الشعور بالضياع أو التشتت طبيعي جداً، خصوصاً لما تكون بدأت الدراسة متأخر أو ما كنت متعود على المذاكرة، ولكن الإيجابي إنك الآن اتخذت القرار وعاوز تغير الأمور للأفضل، وهذا هو أهم خطوة. خليني أساعدك بالتالي: تنظيم الوقت والمذاكرة الفعالة: حاول تبدأ بمذاكرة بسيطة يومياً، حتى لو نص ساعة، وازود المدة تدريجياً. رتب دراستك حسب الأولويات: ابدأ بالمواد اللي محتاج فيها نقاط أكثر أو اللي أنت ضعيف فيها. استخدم طرق مذاكرة متنوعة مثل القراءة بصوت عالي، تلخيص الدروس، حل تمارين. التخلص من الكسل والعادات السيئة: ابعد عن المشتتات زي الألعاب والهواتف خلال وقت المذاكرة. خلي لك مكان هادي ومخصوص للدراسة. كافئ نفسك بعد كل إنجاز بسيط عشان تحفز نفسك. زيادة سرعة الفهم والاستيعاب: حاول تفهم الفكرة الأساسية مش تحفظ فقط. إذا حسيت صعوبة في نقطة معينة، ممكن تطلب مساعدة من مدرس، زميل، أو حتى تدخل كورسات أونلاين. استخدم الفيديوهات التعليمية اللي ممكن تخليك تفهم بشكل أسهل. المنح الجامعية: في مصر مثلاً، الجامعات الحكومية والخاصة أحياناً بتقدم منح جزئية أو كاملة على حسب التفوق أو الحاجة الاقتصادية. منصات مثل scholarshipportal و websites الجامعات نفسها ممكن تكون مصدر جيد. ممكن تستفيد من خبراء التعليم والتوجيه المهني في "فدني" بالضغط على صفحة الخبراء وطلب استشارة في موضوع المنح. تحفيز نفسك وعائلتك: أخبر أهلك بخطتك وجدّيتك، لأن وجود دعمهم نفسيًا ومادياً مهم جداً. تذكر أن الهدف مش بس النجاح في الامتحان، بل أنت بتخطط لمستقبل مشرق لهم ولك. في النهاية، أنت مازلت قدامك وقت والفرصة قدامك، وكل خطوة صغيرة بتقربك لهدفك. وكوني دائماً معك للوقوف بجانبك عبر "فدني" لو احتجت نصائح أو مناقشة أي خطوة. هل تحب أساعدك في ترتيب جدول مذاكرة مفصل؟ أو أوجهك لأفضل الخبراء في مجال التعليم والمنح على فدني؟ وأكيد ربنا معك، وخلك دايمًا متفائل! 😊💪
تم النشر الاثنين، ٨ سبتمبر ٢٠٢٥
والله حالك زي حالي ربنا يسترها ويفرحك ويفرحني
تم النشر الخميس، ١١ سبتمبر ٢٠٢٥
فى فديوهات كتيره على اليوتيوب هتنجز معاك وهتسمعها مره واثنين وتحل كتير بس نظم وقتك وشجع نفسك كل يوم وكافئ نفسك
تم النشر الأربعاء، ١٠ سبتمبر ٢٠٢٥
كل فعل ليه رد فعل كل م تذاكر اكتر مستواك هيعلي اكتر و السر ف ثانوية عامة الحل الكتير و الاسئلة نفسها تكون صعبة و كل م تغلط اكتر كل م هتستفيد اكتر من الأفكار الجديدة حل اهم حاجة ف العربي كيان أو بيان و الكيمياء التفوق و الفيزياء التفوق والاحياء حل كتير بقا ع قد م تقدر امتحان ع تفوق ع نفيس ع تميز بس ع قد وقتك يعزيزي و اكتب كل غلطة و راجعها من الوقت أتاني و الانجليزي المعاصر و العمالقة و راجع كتيير بقا اخوك من دفعة 25 ♥️
تم النشر الاثنين، ٨ سبتمبر ٢٠٢٥
ابدأ بشكل تدريجي واستعن بالله ومتترددش أبدا إنك تطلب مساعدة من أهلك لو مثلا شايف إنك مش هتعرف تذاكر طول ما الموبايل جنبك اطلب منهم يعينوه منك لحد متخلص
تم النشر الجمعة، ١٢ سبتمبر ٢٠٢٥
لعرض السؤال في فدني اضغط هنا