السلام عليكم ورحمة الله وبركاته
اتخانقت مع زمايلي وكنت ف حالة غضب شديدة جدًا جدًا وقولت كلام يخص قذف المحصنات كلمتين بالظبط وبعدها سكتّ لكن جهرت بفعلهم وهو حقيقي انا ذكرت ان واحدة منهم كانت بتتكلم ف الفون مع زميلها ولكن مش كلام غلط غالبًا بيذاكروا بتفهموا حاجة كدا بس بطريقة م مريحة يعني حستها مفتونة ف الحديث حابة الكلام مندمجة كدا لا يعنيني انا بحاول بس اوضح الصورة ع احدد موقفي دلوقتي اي حتى وان أسأت الفهم لغرب ما بدى منها ولكن مذكرتهاش بالغلط فيها
وبنت تانية هى بالفعل بتكلم حد بطريقة م كويسة
هل وقعت في ذنب المحصنات بذكري أمور حدثت بالفعل ولا آخد الذنب لو كنت بتبلى على حد بكلام هو مش فيه؟
أفيدوني من فضلكم الموضوع شاغلني من زمان وتوبت إلي الله واتمنى تكون توبة نصوحة خالصة لوجهه الكريم مع العلم انهم غلطوا فيا بالكلام والتجريح وانا كنت رد فعل م فعل واللي حصل كان أثناء لحظة غضب وخروجي عن شعوري تمامًا
أعمل اي لو أخدت الذنب بالفعل مع العلم اني كلمتهم واستسمحتهم ولكن مردوش عليا والله أعلم بنيتهم ورجعت برأتهم وكدبت نفسي قصاد اللي اتكلمت قصادهم أثناء المشكلة وقولت انه محصلش
اعتقد انك بالنسبة لانك تعتذري ليهم انتي عملتي كده وبراتيهم قدام الناس اللي سمعوا منك الكلام ادعي لنفسك وليهم كتير واستغفري ربنا وطول ما انتي حاسه بالذنب دي بشره خير لأن الإنسان المذنب بطبيعه الفطره بيبقي الذنب حارق في قلبه علشان يستغفر ويتوب لربنا كل شويه وطلعي صدقه ليكي وليهم بنيه أن ربنا يغفرلك ويغفرلهم وحاولي تشديهم معاكي في طريق الهدايه والدعوة بظهر الغيب مستجابه باذن الله
تم النشر الأربعاء، ٢٧ أغسطس ٢٠٢٥
وعليكم السلام ورحمة الله وبركاته، استعيني بالله واكثري من الدعاء والاستغفار، حقوق العباد اشي كتير مهم، لانه بيتعلق بمسامحتهم.. بس هل يعني نيأس ؟ لا طبعا مشاعرهن اصلا بايد الله سبحانه وتعالى، استعيني بالله واستغفري وادعي انهن يكونو سامحوكي، بعد الاستغفار وتكثيف الدعاء حاولي احكي معهن كمان مرة ، وخطوة تبرئتهم خطوة كتير مهمة، وجزاك الله خيرا اسأل الله ان يغفر له وييسر لك امرك
تم النشر الأربعاء، ٢٧ أغسطس ٢٠٢٥
السلام عليكم سواء شوفتى او مشوفتيش ...حقيقة او كذب الاتنين غلط وبناخد عليهم ذنب كويس انك قررتى تصلحى الغلط وروحتى برأتيهم قدام الاخرين واعتذرتى ليهم الاهم هنا انك تعرفى التصرف الصح فى النوع ده من المواقف تشوفى حد بيعمل غلط ...انصحيه فى الخفاء وبينك وبينه واعتبرى انك مشوفتيش حاجة وادعى لنفسك انك متقعيش فى نفس الخطأ زيه تتخانقى مع حد او تزعلى منه ..فكرى قبل ما تتكلمى عشان مش كل الكلام هينفع ترجعى فيه ولا تصلحى اللى هيتكسر
تم النشر الأربعاء، ٢٧ أغسطس ٢٠٢٥
استغفري لذنبك و اعتزليهن نهائياً ، و حتى لا تقعي فيما وقعن فيه فالصاحب ساحب .
تم النشر الخميس، ٢٨ أغسطس ٢٠٢٥
اولا حاولى بعد كه تتحكمي في غضبك لما تحسي انك هتتعصبي ابعدي عن الناس واقعدي استغفري ربنا كتير. ثانيا قذف المحصنات من الحاجات السيئة فحاولى تعتذري كتير. دا مش هيقلل من قيمتك ولا حاجه تعتذري في الدنيا ولا يتاخد من حسناتك في الآخرة حاولى لو معاكي فلوس تجيبى لهم هدايا وابعدي عنهم على قد ما تقدري لان الصاحب ساحب. وربنا يهديكِ ويصلح حالك. ويغفر لك.
تم النشر الجمعة، ٢٩ أغسطس ٢٠٢٥
لعرض السؤال في فدني اضغط هنا