أطلب من أهلي احتياجاتي التي أريدها كأي بنت ولكن يرفضون، وأنا لا أعرف كيف أتعامل معهم؟

Question

بقالي فتره كبيره جداً بقول لأهلي اني عايزه فلوس انزل اشتري بيها لبس الخمار و كانو بيستقبلو فكره اني عايزه البسو بكل ترحاب بس كل مره كنت اقولهم يقولو مفيش فلوس دلوقتي الموضوع دا من الصيف اللي فات ف انا فكرت و قولتلهم خلاص مش عايزه خمار عشان غالي هجيب جيبه بس كل مره بردو كانو كل مقولهم عايزه الجيبه يقولو مفيش فلوس رغم إن امي بتشتري لأخواتي عادي خالص و لنفسها بس مع العلم ان انا بقالي اكتر من سنه قررت مطلبش الحاجه اكتر من مره او بالأصح مطلبش خالص إلا لو كانت ضروريه ف كل ميقولو مش معانا فلوس نجيبلك الجيبه اقولهم ماشي عادي بس مش لدرجه انهم يقعدوا من اول الصيف لحد اخر الشتا و هم مش معاهم فلوس مع انهم بيجيبوا عادي لبس ليهم و لأخواني و كمان انا ك بنت ف محتاجه يبقا ليا مصروف معين اصرف منو حاجات ترفيه لنفسي و كمان انا حتى مش من النوع اللي بيصرف حاجتو ع حاجات ملهاش لازمه بالعكس بقيت استخسر الحاجه ف نفسي الغاليه و اجيب لغيري اللي هم اخواتي الحاجه الغاليه او مجيبش اصلا حاجه او اصرف حتى ع نفسي عشان ارفهه نفسي و بوفرها لفلوس مراجعات و مواصلات و بردو مش من نوع اللي بتجيب مكياج ذي باقي البنات او دريسات و كريمات سكين كير مع العلم ان بشرتي مدمره و دا مسببلي عقده نفسيه من شكلي و انا واحده ذيي ذي باقي البنات محتاجه ترفهه عن نفسها مهو مش هتبقا حياتي مذاكره و نوم و اكل بس محتاجه اخد فلوس انزل اروح بيها حته بحبها اجيب حاجه بحبها و اجيب هدوم مع صحابي مش طالبه المكياج عشان حرام كدا كدا ولا الدريسات ولا منتجات سكين كير مش عايزه ليه يكون كل البنات اللي حواليا بيرفهوا عن نفسهم و رغم ذلك لما بفتح معاهم الموضوع اني عايزه جيبه اهم حاجه عشان متخدش سيئات اكتر من كدا يقولو لسه مقبضناش بقفل و اقولهم عادي خلاص ماشي لما يبقا معاكو فلوس بس خلاص يعني حقيقي الموضوع زاد انا مش مثلا عايزه لبس قصير عشان يقعدوا الفتره دي كلها ميجيبوش انا عايزه اختمر و لبسي كلو بناطيل اه نازله واسع بس ديقه و بردو التيشرتات كلها بالجواكيت قصيره بقيت بضطر البس الحاجات دي ونا قرفانه من نفسي و اكرهه نفسي اكتر لو واحد بصلي انا بفضل ادعي محدش يبصلي ونا ماشيه ولا يعاكسني عشان انا مش عايزه اخد سيئات و لابسه اللبس دا غصب عني ف انا بجد مش عارفه اعمل ايه استنى يمكن الظروف لسه بايظه ولا اعمل ايه ؟

Accepted Answer

طيب محتاجه اسالك سؤال معين، هل لما بتطلبي منهم فلوس علشان الخمار او الجيبية بيرفضوا، ولما تطلبي منهم حاجه تاني مثلا ممكن يقبلوا .. يعني جربي تقولي لهم عاوزه اشتري بنطلون، شوفي ردهم هيكون ايه؟

أطلب من أهلي احتياجاتي التي أريدها كأي بنت ولكن يرفضون، وأنا لا أعرف كيف أتعامل معهم؟

اجتماعية

أهل

سؤال من احد أعضاء فدني

تم النشر الأربعاء، ١٤ فبراير ٢٠٢٤

1 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك